Bene Lefi 11:8 - Baibo Busansulushi Bwa Libuku Ili

⁸ Tamweelete kulya banyama aba nabi kukumya mituntu yabo, ceebo tabasalalite kuli ndimwe.

Bene Lefi 11:8 ပူးပေါင်းရင်းမြစ်များ

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Osiya 9:3

Mwebo nobene Isilaeli teshi mukanoocishiite mucishi ca Mwaami Lesa. Mwebo nobene Efuleemu mulaakuboolela kucishi ca Ijipiti mubusha. Mulaakuya mukunoolya shakulya shitasalalite kweelana aMilawo kuAsilya.

Bene Lefi 11:7

Nkumba ayalo nabi ilicite shoondo shipanseene, teetikuli shakulya akushitafuna. Aboobo teesalalite kuli ndimwe.

Bene Lefi 11:9

“Mulakonsha kulya nswi ili yoonse icite twakusambisha alimwi amaamba,

Bene Lefi 5:2

“Na muntu umwi wacata cintu cimwi citasalalite kweelana aMilawo cakuteshiba, banyama bamuluundu batasalalite bafwite, shifubwa shitasalalite shifwite nabi shilongolo shinene atuniini sheenda panshi shitasalalite shifwite. Ono nabi ncakuteshiba, muntu uyo taasalalite alimwi ulicite mulandu.

Mateyo 15:11

Teshi ceeco cintu cinjila mulifumo lya muntu cimubisha, sombi nceeco ciswa mukanwa.”

Mateyo 15:20

Ishi nsheshintu shibisha muntu, sombi kulya kaatakwe kusamba kumaansa takubishi muntu.”

Maako 7:15

Taaku cintu nabi comwi ciswa pansengwe, ico cinjila mumuntu, nceenga camubisha kweelana amilawo ya bakulukulu. Sombi isho shiswa mumoyo nsheshimubisha. [

Maako 7:18

Mpeeke Jesu wakabakumbula ayi, “Anu amwebo tamunyumfwishi? Sa tamutoonyumfwa ayi cintu coonse cinjila mumuntu inga tacimubishi?

Maako 7:2

Balo bakabona ayi bamwi bashikwiiya bakwe Jesu bakalinga kulya kabatana kusamba kumaansa. Nkokwaamba ayi tabana kusamba kweelana amulawo wa ciJuda.

Milimo ya Batumwi 10:28

Lyalo Pita wakabaambila ayi, “Mwebo mulishi kwaamba ayi mulawo wa baJuda toosuminishi muJuda kufwakashisha nabi kubandikila pantu pomwi abaswamashi bakunsengwe. Sombi Lesa wanshibisha ayi nsheelete kubanda muntu nabi womwi ayi taasalalite nabi ayi taabete kabotu.

Milimo ya Batumwi 15:29

Mutanoolya cakulya cakapekwa kushibumbwabumbwa, mutanoolya bulowa, mutanoolya banyama bakashinwa alimwi mutanoocita cikololo. Mwebo mulaakucita kabotu namukasuunge shintu ishi. Amucaale kabotu.”

Bene Loma 14:21

Ono ncibotu kucileka kulya nyama, kunwa shibilite nabi kucita cintu cimwi cili coonse ceenga calengesha muKlistunyinaanu kubisha.

1 Bene Kolinto 8:8

Cakulya tacitusenyi pafwaafwi aLesa. Taaku ncetusowekelwa na twabula kulya, nabi cicanwa kwiinda mukulya.

2 Bene Kolinto 6:17

Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

Bene Efeso 5:11

Mutabiko lubasu kushintu shitacite ncito sha mumunshinshe isho shicita bantu bamwi. Sombi mwebo mulyeelete kushileta kumumuni.

Bene Efeso 5:7

Paceebo ceeco mutanokweenda abantu ba mushobo wooyu.

Bene Kolose 2:16

Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.

Bene Ebulu 9:10

Mukwiinga shilaambabo pashakulya, shakunwa alimwi anshila shakulisalashilaamo shipusenepusene. Yoonse iyi njimilawobo itakumite kumoyo wa muntu, itoosebensa kushikila Lesa ndyeshi akalenge shintu shoonse cipya.