Bene Lefi 11:40 - Baibo Busansulushi Bwa Libuku Ili

⁴⁰ Alimwi na muntu umwi woonse walya cipansha ca munyama uyo cili coonse, ulyeelete kucapa shakufwala shakwe, nacibi boobo teshi akanoosalalite kushikila macolesha. Awooyo woonse weenga wanyamuna mutuntu uyo ulyeete kucapa shakufwala shakwe, sombi teshi akanoosalalite kushikila macolesha.

Bene Lefi 11:40 ပူးပေါင်းရင်းမြစ်များ

Kulonga 22:31

“Mwebo muli bantu bangu, paceebo ceeci tamweelete kulya nyama ya cifubwa cili coonse cakacaikwa kubanyama bamuluundu. Sombi mulyeelete kwiipa bakabwa.

Isaya 1:16

Amulisaanshe mutube. Amucileeke kucita bubi boonse ubu mboomubona kamucita. Ee, amucileeke kucita shitaluleme.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Esekelo 4:14

Mpeeke ndakaamba ayi, “Citabi boobo noBaami baLesa Beshinkusu shoonse. Kuswa kubwanike bwangu kushika sunu, nebo nshina kulyaawo kale nyama yakulifwita nabi yakacaikwa abanyama bamuluundu. Mulomo wangu tauna kulyaawo kale nyama itasalalite kweelana aMilawo.”

Esekelo 44:31

Bapailishi tabeelete kulya muyuni na munyama wacanika walifwita nabi wacaikwa kubanyama bamuluundu.

Bene Lefi 11:25

Uyo woonse weenga wabwesa mutuntu wa comwi pali nshisho, ulyeelete kucapa shakufwala shakwe, nakubi boobo teshi akanoosalalite kushikila macolesha.

Bene Lefi 11:28

Uyo woonse weenga wabwesa mituntu yabo ulyeelete kucapa shakufwala shakwe, nakubi boobo teshi akanoosalalite kushikila macolesha. Ishi shintu tashisalalite kuli ndimwe.

Bene Lefi 11:39

“Na munyama umwi ulikwa walifwita, uyo woonse weenga wamukumya teshi akanoosalalite.

Bene Lefi 14:46

Uyo woonse weenga wenjila muŋanda iyo keecicalitwe, teshi akanoosalalite kushikila macolesha.

Bene Lefi 15:15

Mpeeke mupailishi ulaakubengawo yomwi ayi ngumulambu wakulekelelwa shibiibi, alimwi imwi ayi ngumulambu wakutenta. Munshila iyi, ulaakucita kweelana aMilawo pakusalasha musankwa uyo.

Bene Lefi 15:27

Uyo woonse weenga washikumya taasalalite alimwi ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.

Bene Lefi 16:26

Musankwa uyo walinga watola mpongo muluyanga kuli Asaselo ulyeelete kucapa shakufwala nsheenga kaafwete alimwi akusamba kaatana kuboola mumisumba.

Bene Lefi 16:28

Alakwe uyo weshi akanooshitenta ulyeelete kucapa shakufwala nsheenga kaafwete alimwi akusamba kaatana kuboola kumisumba.

Bene Lefi 22:6

Anu mupailishi woonse weenga wabula kunoosalalite kweelana aMilawo, teshi akanoosalalite kushikila macolesha. Nakubi boobo, teelete kulya mulambu uli woonse usalalite kushikila wasamba pamubili.

Bene Lefi 22:8

Teelete kulya nyama ya munyama wakalifwita nabi wakacaikwa kubanyama bamuluundu mukwiinga inga yamulengesha kutanoosalalite. Nebo ndime Mwaami Lesa.

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Shakubelenga 19:19

Ono pabushiku bwatatu apabwasanu ashobilo, muntu usalalite kweelana aMilawo ulyeelete kusanseela maanshi pamuntu uyo utasalalite. Lyalo pabushiku bwasanu ashobilo ulyeelete kumusalasha. Alakwe na wamana kusalashikwa ulyeelete kucapa shakufwala shakwe akusamba pamubili, lyalo ulaba usalalite kweelana aMilawo pakwipila lisuba.

1 Bene Kolinto 10:21

Tamukoonshi kunwita munkomeshi ya Mwaami Jesu aya bashikaswa. Ncakwiila tamukoonshi kulita patebulu ya Mwaami alimwi aya bashikaswa.

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

Dutolonomi 14:21

“Tamweelete kulya cintu cili coonse califwita. Mulakonsha kupa baswamashi mbomwikalaabo nabi kuulisha kubaswamashi bamwi. Sombi mwebo muli bantu basalalite ba Mwaami Lesa, Lesa wanu. “Tamweelete kuteleka mwanaampongo mumukupa wa banyina.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.