Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Bene Lefi 11:24 - Baibo Busansulushi Bwa Libuku Ili

24 “Shintu shoonse isho inga shamulengesha kutanoosalalite. Uyo woonse weenga wacata mituntu ya nshisho teshi akanoosalalite kushikila macolesha.

အခန်းကိုကြည့်ပါ။ ကော်ပီ




Bene Lefi 11:24
36 ပူးပေါင်းရင်းမြစ်များ  

Mwaami Lesa, ee, Mwaami Lesa Shinkusu shoonse waŋambila ayi, “Cibiibi cabo teshi cikalekelelweewo kushikila bakafwe. Nebo neMwaami Lesa, Lesa Shinkusu shoonse ndaamba.”


Sombi tulongolo tuniini tumwi toonse tuuluka alimwi tukalaba tatusalalite kuli ndimwe.


Uyo woonse weenga wabwesa mutuntu wa comwi pali nshisho, ulyeelete kucapa shakufwala shakwe, nakubi boobo teshi akanoosalalite kushikila macolesha.


Pabanyama boonse bakalaba, ishi tashisalalite kuli ndimwe. Uyo woonse weenga wakumya mituntu yabo, teshi akanoosalalite kushikila macolesha.


Tamweelete kulya banyama aba nabi kukumya mituntu yabo, ceebo tabasalalite kuli ndimwe.


Uyo woonse weenga wenjila muŋanda iyo keecicalitwe, teshi akanoosalalite kushikila macolesha.


Ono uyo woonse weenga wakumya cintu cili coonse ncaalinga kushiiteewo, teshi akanoosalalite kweelana aMilawo kushikila macolesha. Alakwe uyo woonse weenga wanyamuna cili coonse ncaalinga kushiiteewo, ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.


Ono na musankwa uyo utooswa mashina wakumya umwi kaatana kusamba kumaansa, uyo ngwaakumya ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.


Mpeeke mupailishi ulaakubengawo yomwi ayi ngumulambu wakulekelelwa shibiibi, alimwi imwi ayi ngumulambu wakutenta. Munshila iyi, ulaakucita kweelana aMilawo pakusalasha musankwa uyo.


Uyo woonse weenga wakumya mpeenga woona ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.


Muntu uli woonse weenga wakumya cintu cili coonse nceenga wekalaawo, ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.


Na mpaapo mpaalinga woona nabi cintu cili coonse ncaalinga kushiiteewo umwi muntu ncaakumya, nkokwaamba ayi muntu uyo teshi akanoosalalite kushikila macolesha.


Uyo woonse weenga washikumya taasalalite alimwi ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.


Uyo woonse weenga wakumya bulo bwakwe mpaaona, ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.


Uyo woonse wekala pacintu nceenga musankwa uyo weekalaawo, ulyeelete kucapa shakufwala nsheenga kaafwete akusamba, nakubi boobo teshi akanoosalalite kushikila macolesha.


Uyo woonse weenga wakumya musankwa uyo utooswa mashina kubusankwa, ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.


Ono na musankwa utooswa mashina washipila umwi usalalite kweelana aMilawo, uyo washipilwa ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.


Musankwa uyo walinga watola mpongo muluyanga kuli Asaselo ulyeelete kucapa shakufwala nsheenga kaafwete alimwi akusamba kaatana kuboola mumisumba.


Alakwe uyo weshi akanooshitenta ulyeelete kucapa shakufwala nsheenga kaafwete alimwi akusamba kaatana kuboola kumisumba.


“ ‘Taaku wamulunyungu lwakwe Aloni uyo ucite manata nabi utooswa mashina kubusankwa, weelete kulya milambu isalalite kushikila akasalale kweelana aMilawo. Mupailishi woonse teshi akanoosalalite kweelana aMilawo na wakumya cintu cili coonse citasalalite ceebo cakakumya kumutuntu alimwi na waliwaalila,


wakumya munyama, nabi muntu utasalalite kweelana aMilawo.


Anu mupailishi woonse weenga wabula kunoosalalite kweelana aMilawo, teshi akanoosalalite kushikila macolesha. Nakubi boobo, teelete kulya mulambu uli woonse usalalite kushikila wasamba pamubili.


“Na muntu umwi wacata cintu cimwi citasalalite kweelana aMilawo cakuteshiba, banyama bamuluundu batasalalite bafwite, shifubwa shitasalalite shifwite nabi shilongolo shinene atuniini sheenda panshi shitasalalite shifwite. Ono nabi ncakuteshiba, muntu uyo taasalalite alimwi ulicite mulandu.


Alimwi na umwi walya nyama ya mulambu wa bwanabwankashi pakuswa mukukumya cintu cimwi citasalalite kweelana aMilawo, cakumuntu nabi kumunyama, muntu uyo teshi akanoociyeeyelwa kuba mulikoto lya bantu bakwe Lesa.”


Kuswawaawo akacape shakufwala shakwe akusamba pamubili, lyalo ndyeenga wenjila mumisumba. Nakubi boobo teshi akanoosalalite kweelana aMilawo kushikila macolesha.


Mutabecekwi, “Shiweenda aumineme, awebo inga waminama.”


Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.


Mutabiko lubasu kushintu shitacite ncito sha mumunshinshe isho shicita bantu bamwi. Sombi mwebo mulyeelete kushileta kumumuni.


Mwebo mwakafwa pantu pomwi aKlistu, aboobo tamubeteko lubasu kushintu sha kwishibila kwa mucishi ca panshi. Ceebonshi mucicita anga mbantu bacite buumi bwa mucishi? Ceebonshi mulakonkela milawo yakwaamba ayi,


mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.


Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ