Bene Lefi 10:11 - Baibo Busansulushi Bwa Libuku Ili

¹¹ Alimwi mulyeelete kwiisha bene Isilaeli milawo yoonse njendakamupa kwiinda muli Mose.”

Bene Lefi 10:11 ပူးပေါင်းရင်းမြစ်များ

2 Makani 15:3

Kwaciindi cilaamfu bene Isilaeli balinga kwikala kabateshi Lesa wancinencine alimwi kabatacitewo bapailishi beenga babeeisha nabi milawo.

2 Makani 17:9

Bakabwesa libuku lya Milawo ya Mwaami Lesa akuyaalyo mumandabala oonse muJuda kuya ciisha shakalinga mulibuku ilyo kubantu.

2 Makani 30:22

Esekiya wakaamba maswi akuyumyayumya bene Lefi boonse abo bakaboneka ayi balicite lushibo lwiindaawo lwa mulimo wabo kuMwaami Lesa. Kwanshiku shosanwe ashobilo bakalinga kulya shipansha shabo akubenga milambu ya bwanabwankashi alimwi akulumbaisha Mwaami Lesa, Lesa wa bamashali babo bakulukulu.

Neyemiya 8:2

Lyalo Esila mupailishi wakaleta Libuku lya Milawo pameenso a bantu. Libungano ili lyakalinga lya basankwa, banakashi abanike boonse abo bakonsha kunyumfwa.

Neyemiya 8:8

Bakasansulula Milawo yakwe Lesa. Bakeesansulula kabotu kabotu cakwaamba ayi banyumfwishe isho shakalinga kubelengwa.

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Jelemiya 2:8

Bapailishi tabakwe kwiipushawo ayi, ‘Ino Mwaami Lesa uli kuli?’ Ncakwiila babona pamilawo tebakalinga kwinshiiwo, sobwe. Bamatanjilili abalo bakangashukila. Balaluki bakalinga kulaluka muliina lyakwe Baali, ee, kabakonkela shibumbwabumbwa shitaaku mboshibete.”

Malaki 2:7

Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Milimo ya Batumwi 20:27

Mukwiinga taaku cintu nabi comwi ncendakamushisa, sombi ndakamushimikila shoonse nshaasuni Lesa.

Dutolonomi 17:10

Lyalo mukacite bweenka mbweshi bakamulwiite abo beshi bakabe mumusena uyo womwi wakulambililaako ngweshi akasaale. Mulyeelete kubikaako maano kwaamba ayi mukacite shoonse nsheshi bakamulwiite.

Dutolonomi 17:11

Mukacite kweelana amilawo njeshi bakamwiishe alimwi abupingushi mbweshi bakamupe. Mutakasuuli nsheshi bakamulwiite akucita shimbi.

Dutolonomi 24:8

“Kumakani a manata, mulyeelete kucita shoonse isho bapailishi bene Lefi nsheenga bamulwiita. Mulyeelete kukonkela milasho yoonse iyo njendabalwiita.

Dutolonomi 33:10

Balaakwiisha bana bakwe Jakobo milasho yanu, balaakwiisha bene Isilaeli milawo yanu. Balaakunoopa tununkila kabotu kunembo lyanu alimwi amilambu yakutenta pacipaililo canu.

1 Bene Tesalonika 4:2

ceebo mulishi milasho iswa kuMwaami Jesu iyo njetwakamupa.