Bene Lefi 1:9 - Baibo Busansulushi Bwa Libuku Ili

⁹ Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:9 ပူးပေါင်းရင်းမြစ်များ

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

1 Makani 6:34

Samwelo wakalinga mwanaakwe Elikana, Elikana wakalinga mwanaakwe Jeloamu, Jeloamu wakalinga mwanaakwe Eliyelo, Eliyelo wakalinga mwanaakwe Towa,

2 Makani 4:6

Wakapanga ambale shifongomene shakalinga likumi, shosanwe bakashibika kulubasu lwa kumalenge lwa Ŋanda yakwe Lesa alimwi ashimwi bakashibika kumatwa. Ishi mbale bakashibika ayi mwakusanshisha shipansha sha nyama isho shakalinga kutentwa ayi njimilambu. Maanshi ayo akalinga mucingomo akalinga a kusamba bapailishi.

Kulumbaisha 51:6

Ndushinisho mwebo mulisuni muntu ushomeka, paceebo ceeco amunjiishe kuba musongo lyoonse.

Kulumbaisha 66:15

Ndaakubenga milambu yakutenta kuli ndimwe. Bwiishi bwa mbelele shisankwa bulaakushika kuli ndimwe. Ndaakubenga bacende ampongo.

Kulonga 12:9

Kuteelesha kulya nyama ibishi nabi yakuteleka, sombi yoonse mulyeelete kwiilya yakutenta, pantu pomwi amutwi, myeendo alimwi ashamukati shoonse.

Kulonga 29:18

Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.

Kulonga 29:25

Kuswawaawo ukabanyaaye akushitentela pacipaililo, peculu lya mulambu wakutenta. Bweema bwa mulambu uyo bulansangalasha.

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Esekelo 20:28

Ndakabashisha mucishi ico ncendakashomesha cakulumbila ayi ndaakubapa. Ono ndibakabona tulundu tulaamfu ashisamu shicite matewu aanji, bakatalika kubenga milambu, kupa shipo isho shakasonkomona bukali bwangu, kupa tununkila kabotu akutila shipo sha cakunwa patulundu toonse ashisamu shoonse.’

Esekelo 20:41

Ono pesule lya kumukusha mushishi umo momwakapalanganishilwa akumubunganya pomwi, ndaakusangalala muli ndimwe bweenka mboonsangalala patununkila kabotu uto ntoomuntentela. Lyalo ndyeshi nkalitondeshe ayi ndisalalite pameenso a mishobo imwi yoonse.

Esekelo 40:38

Mulubansa lwa pansengwe mwakalinga cipinda cimwi cakanungwa kumwinjililo wakumatwa wakuya mulubansa lwa mukati. Mulyango wa cipinda ici wakalinga kuya kucipinda cakwinjililaako cakalinga kulangite kulubansa. Mucipinda ico mobakalinga kusanshila shifubwa shakubenga milambu yakutenta.

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:17

Kuswawaawo, ulaakwiicata kumapapaminwa akwiikwamuna ayi ipabuke kwakutatumuna mapapaminwa. Mpeeke mupailishi ulaakwiitenta pacipaililo yoonse ayi ngumulambu wakutenta. Bweema bwa mulambu uyu bulansangalasha neMwaami Lesa.

Bene Lefi 2:16

Mpeeke mupailishi ulaakutenta cipansha ca busu alimwi amafuta a olifi kwaamba ayi cibe cishibilo, kubikaawo atununkila kabotu toonse ayi ncipo ca shakulya cipekwa kuli ndime neMwaami Lesa.

Bene Lefi 2:2

lyalo nkokuleta kubana bakwe Aloni bapailishi. Mpeeke mupailishi ulaakutapula busu, mafuta a olifi alimwi atununkila kabotu toonse mulupaka, akushitenta pacipaililo ayi cibe cishibilo cakwaamba ayi shoonse shapekwa kuli ndime neMwaami Lesa. Bweema bwa cipo ico ca shakulya bulansangalasha neMwaami Lesa.

Bene Lefi 2:9

Mupailishi uyo ulaakukushako cipansha ayi cibe cishibilo cakwaamba ayi cipo coonse capekwa kuli ndime neMwaami Lesa. Lyalo ulaakucitenta pacipaililo. Bweema bwa cipo ca shakulya ico bulansangalasha neMwaami Lesa.

Bene Lefi 3:11

Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa.

Bene Lefi 3:5

Lyalo shoonse ishi bapailishi balaakushitentela pacipaililo, kubikaawo amilambu yakutenta. Bweema bwa mulambu uyo bulansangalasha neMwaami Lesa.

Bene Lefi 4:31

Lyalo ulaakukusha mafuta a munyama uyu oonse, bweenka mbwaakusha mafuta a banyama bacaikwa ayi njimilambu ya bwanabwankashi. Mpeeke ulaakwaatentela pacipaililo kwaamba ayi bweema bukansangalashe neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 6:14

“Iyi njimilawo ya pacipo ca fulaulo. Bana bakwe Aloni bapailishi balaakucipa kunembo lyangu neMwaami Lesa nkokwaamba ayi kunembo lya cipaililo.

Bene Lefi 8:21

Mpeeke wakasansha shamukati alimwi amyeendo mumaanshi akutenta shipansha shimwi shoonse sha mbelele pacipaililo ayi ngumulambu wakutenta, bweema bubotu busangalasha Mwaami Lesa. Uyo wakalinga ngumulambu wa shakulya, kweelana aMwaami Lesa mbwaakaambila Mose.

Bene Lefi 8:28

Pesule Mose wakabwesa shakulya shoonse isho kuswa kuli mbabo akushitentela pacipaililo peculu lya mulambu wakutenta, ayi ngumulambu wapakubika bantu pabupailishi. Uyo wakalinga mulambu wa cakulya alimwi bweema bwa nguwo bwakasangalasha Mwaami Lesa.

Bene Lefi 9:14

Kuswawaawo wakasansha shamukati alimwi amyeendo, akushitentela pacipaililo, peculu lya mulambu wakutenta.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Shakubelenga 15:3

mucende, mbelele isankwa nabi mpongo inga yabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila, mulambu wakulyaaba nabi milambu ya pakusekelela mukupaila kwanu. Bweema bwa milambu ya shakulya iyi, bulansangalasha nebo neMwaami Lesa.

Shakubelenga 28:11

“Pabushiku butaanshi bwa mweenshi uli woonse balyeelete kubenga mulambu wakutenta kuli ndime neMwaami Lesa, nkokwaamba ayi bacende baana bobilo, mbelele isankwa, bana ba mbelele basankwa bosanwe abobilo bacite mwaaka womwi, shoonse kashitacite kampenda.

Shakubelenga 28:7

Balyeelete kutila lita yomwi ya waini pacipaililo pantu pomwi amwanaambelele womwi awomwi ayi ncipo ca cakunwa.

Shakubelenga 28:8

Macolesha balyeelete kubenga mwanaambelele umwi ulya bweenka mbuli wamacuunsa pantu pomwi acipo ca cakulya alimwi aca cakunwa. Bweema bwa mulambu uyu bulansangalasha nebo neMwaami Lesa.

2 Bene Kolinto 2:15

Ceebo swebo tuli anga mbweema bwa tununkila kabotu pakutenta uto Jesu Klistu ntwaabenga kuli Lesa. Bweema ubo bwanyumfwika kubaabo beshi bakapulushikwe abaabo batoosowekwa.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Dutolonomi 12:27

Uko, mukanoobengelako milambu yakabumbulu yeelete kutentelwa pacipaililo ca Mwaami Lesa, Lesa wanu alimwi amilambu iyo njemulyako nyama akutila bulowa pacipaililo.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.