Bene Lefi 1:13 - Baibo Busansulushi Bwa Libuku Ili

¹³ Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:13 ပူးပေါင်းရင်းမြစ်များ

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

2 Makani 4:6

Wakapanga ambale shifongomene shakalinga likumi, shosanwe bakashibika kulubasu lwa kumalenge lwa Ŋanda yakwe Lesa alimwi ashimwi bakashibika kumatwa. Ishi mbale bakashibika ayi mwakusanshisha shipansha sha nyama isho shakalinga kutentwa ayi njimilambu. Maanshi ayo akalinga mucingomo akalinga a kusamba bapailishi.

Esekelo 40:38

Mulubansa lwa pansengwe mwakalinga cipinda cimwi cakanungwa kumwinjililo wakumatwa wakuya mulubansa lwa mukati. Mulyango wa cipinda ici wakalinga kuya kucipinda cakwinjililaako cakalinga kulangite kulubansa. Mucipinda ico mobakalinga kusanshila shifubwa shakubenga milambu yakutenta.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 2:11

“Taaku cipo ca fulaulo nceenga mwapa Mwaami Lesa kacisenkene acimena. Tamweelete kusebensesha cimena nabi buuci mucipo ca shakulya cipekwa kuli ndime neMwaami Lesa.

Bene Lefi 2:2

lyalo nkokuleta kubana bakwe Aloni bapailishi. Mpeeke mupailishi ulaakutapula busu, mafuta a olifi alimwi atununkila kabotu toonse mulupaka, akushitenta pacipaililo ayi cibe cishibilo cakwaamba ayi shoonse shapekwa kuli ndime neMwaami Lesa. Bweema bwa cipo ico ca shakulya bulansangalasha neMwaami Lesa.

Bene Lefi 3:5

Lyalo shoonse ishi bapailishi balaakushitentela pacipaililo, kubikaawo amilambu yakutenta. Bweema bwa mulambu uyo bulansangalasha neMwaami Lesa.

Bene Lefi 4:31

Lyalo ulaakukusha mafuta a munyama uyu oonse, bweenka mbwaakusha mafuta a banyama bacaikwa ayi njimilambu ya bwanabwankashi. Mpeeke ulaakwaatentela pacipaililo kwaamba ayi bweema bukansangalashe neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 6:14

“Iyi njimilawo ya pacipo ca fulaulo. Bana bakwe Aloni bapailishi balaakucipa kunembo lyangu neMwaami Lesa nkokwaamba ayi kunembo lya cipaililo.

Bene Lefi 8:21

Mpeeke wakasansha shamukati alimwi amyeendo mumaanshi akutenta shipansha shimwi shoonse sha mbelele pacipaililo ayi ngumulambu wakutenta, bweema bubotu busangalasha Mwaami Lesa. Uyo wakalinga ngumulambu wa shakulya, kweelana aMwaami Lesa mbwaakaambila Mose.

Shakubelenga 15:3

mucende, mbelele isankwa nabi mpongo inga yabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila, mulambu wakulyaaba nabi milambu ya pakusekelela mukupaila kwanu. Bweema bwa milambu ya shakulya iyi, bulansangalasha nebo neMwaami Lesa.

Shakubelenga 15:4

Lyalo uyo woonse uleta mulambu, ulyeelete kupa Mwaami Lesa kilogilamu yomwi ya fulaulo usenkene alita yomwi ya mafuta a olifi ayi ncipo ca fulaulo.

Shakubelenga 28:11

“Pabushiku butaanshi bwa mweenshi uli woonse balyeelete kubenga mulambu wakutenta kuli ndime neMwaami Lesa, nkokwaamba ayi bacende baana bobilo, mbelele isankwa, bana ba mbelele basankwa bosanwe abobilo bacite mwaaka womwi, shoonse kashitacite kampenda.

Shakubelenga 28:8

Macolesha balyeelete kubenga mwanaambelele umwi ulya bweenka mbuli wamacuunsa pantu pomwi acipo ca cakulya alimwi aca cakunwa. Bweema bwa mulambu uyu bulansangalasha nebo neMwaami Lesa.

Dutolonomi 12:27

Uko, mukanoobengelako milambu yakabumbulu yeelete kutentelwa pacipaililo ca Mwaami Lesa, Lesa wanu alimwi amilambu iyo njemulyako nyama akutila bulowa pacipaililo.