Bene Kolose 4:6 - Baibo Busansulushi Bwa Libuku Ili

⁶ Ciindi coonse myaambo yanu ibe ya luse iyaka bamwi alimwi mulyeelete kwishiba bwakukumbula kabotu muntu uli woonse.

Bene Kolose 4:6 ပူးပေါင်းရင်းမြစ်များ

1 Makani 16:24

Amwaambilishe bulemu bwakwe kumishobo yoonse. Amwaambilishe micito yakwe ya nkusu kubantu boonse.

Kulumbaisha 105:2

Amumwiimbile, amwiimbe nyimbo shakumulumbaisha, amushimike isho shoonse shikankamika nshaakacita.

Kulumbaisha 119:13

Ndaamba milawo yanu amulomo wangu, ee, milawo yoonse iswa kumulomo wanu.

Kulumbaisha 119:46

Ndaakwaamba kwiisha kwanu pameenso a bamaami. Teshi nkalenshekwewo nsoni.

Kulumbaisha 45:2

Ndimwe mwiindaawo kuboneka kabotu pabasankwa bamwi boonse, awalo mulomo wanu ulaamba caluse mukwiinga Mwaami Lesa wamupa coolwe ca lyoonse alyoonse.

Kulumbaisha 66:16

Kamwisa mukutike noonse nomulemeka Lesa, ntoomulwiita nshaakancitila.

Tushimpi 10:21

Maswi a muntu ululeme alacafwa bantu baanji, sombi baluya balafwa ceebo cakubula maano.

Tushimpi 15:4

Mulaka waamba maswi ashilika uli anga ncisamu cipa buumi, sombi mulaka waamba shabubeshi, ulacisisha moyo.

Tushimpi 15:7

Milomo ya basongo ilatola lushibo kuli koonse, sombi myoyo ya baluya teshi mboicita ubo, sobwe.

Shikushimikila 10:12

Maswi aswa mumulomo wa musongo alamuletela bulemu, sombi muluya ulanyonyoolwa kwiinda mumaswi akwe.

Esekelo 43:24

Ulyeelete kushibenga kunembo lyangu nebo neMwaami Lesa. Bapailishi balyeelete kubasanseela mwiinyo akubabenga ayi ngumulambu wakutenta kuli ndime neMwaami Lesa.

Bene Lefi 2:13

Ono pacipo ca fulaulo coonse, munoobikawo mwiinyo, ceebo mwiinyo uleemikanina cipangano cili pali ndimwe anebo neLesa. Anu mulyeelete kubika mwiinyo mushipo shanu shoonse.

Mateyo 5:13

“Mwebo ndimwe mwiinyo wa cishi, sombi na mwiinyo wasambalala, inga mwacita buyani kwaamba ayi ube kabotu alimwi? Taucite ncito, nkuusowabo abantu kabalyatolaawo.

Maako 9:50

“Mwiinyo ngubotu, sombi na mwiinyo wasambalala, inga mwacita buyani kwaamba ayi ube kabotu alimwi? Amube bweenka mbuli mwiinyo alimwi mwikale muluumuno ababyaanu.”

Luka 4:22

Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”

Bene Efeso 4:29

Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.

Dutolonomi 11:19

Mwaiishe kubana banu. Kamwaabandika kumishaanu nabi kumwibo, pakookesha nabi pakusebensa.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

1 Pita 3:15

Sombi mumyoyo yanu kamulemeka Klistu mukwiinga ngoMwaami wanu. Munoolibambite lyoonse kusansulwita muntu uli woonse weenga wamwiipusha pakulangila nkomucite, sombi kamusansulula cakulibombya alimwi akumulemeka.