Bene Kolose 4:5 - Baibo Busansulushi Bwa Libuku Ili

⁵ Bwikaalo bwanu pabantu batashomi muli Klistu abube bwa busongo alimwi mulyeelete kusebensesha kabotu ciindi cakushimikila Makani Abotu kuli mbabo.

Bene Kolose 4:5 ပူးပေါင်းရင်းမြစ်များ

Kulumbaisha 90:12

Amutwiishe buumi bwesu mbobubete kufwiimpa. Ee, amutwiishe kwaamba ayi tube basongo.

Danyelo 2:8

Ndibakaamba boobo, mwaami wakaamba ayi, “Bweenka mbondalinga kuyeeya! Ndishi ayi mutoocita boobo kwaamba ayi ciindi kaciya buya mukwiinga mwebo mwabona ayi miyeeyo yangu njakwaamba ayi,

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Maako 4:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwakwe Lesa. Sombi bamwi abo batana kwishiba, balanyumfwa shintu shoonse mushikoshanyo

Bene Loma 16:19

Bantu boonse bakanyumfwa mpuwo yanu yakushoma Makani Abotu. Paceebo ceeco ndikondetwe ceebo ca ndimwe, sombi ndisuni kwaamba ayi mube basongo kwiinda mukushiba shibotu, mutafulunganishikwi abubi.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

1 Bene Tesalonika 4:12

Kwiinda mukucita boobo, mulaakubona kwaamba ayi bakunsengwe balaakutalika kumupa bulemu alimwi taaku ngweshi mukancinkemo manungo ayi ngweshi anoomupa nshemuyanda.

1 Timoti 3:7

Bantu bakunsengwe balyeelete kunoomulemeka kwaamba ayi atakanyumfwi nsoni akucatwa mukoose kakwe Satana.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Jemusi 3:13

Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

1 Pita 3:1

Mbweeke ubo amwebo nobanakashi, mulyeelete kulibombya kubameebaanu, kwaamba ayi na bamwi pakati kabo tabashomi Maswi akwe Lesa, inga bashoma kwiinda mubwikaalo bwanu cakubula kwaamba maswi.