Bene Kolose 4:12 - Baibo Busansulushi Bwa Libuku Ili

¹² Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

Bene Kolose 4:12 ပူးပေါင်းရင်းမြစ်များ

Mateyo 5:48

Anu mwebo mulyeelete kuba bantu basalalite, bweenka bubete Ishiwanu uli kwiculu.

Luka 1:1

Nomusunikwi baTeyofilasi, kweelana ambomwishi baanji beelesha camaansa obilo kwaamba ayi balembe shintu isho shakacitika pakati kesu.

Luka 22:44

Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Bene Loma 15:14

Nobene Klistuma nebo ndishinishite kwaamba ayi mulicite buumi bubotu alimwi mulishi shoonse nshemweelete kucita akulwiitana nobeene.

Bene Loma 15:30

Ceebo ca lushomo ndotucite muMwaami Jesu Klistu alimwi aceebo ca lusuno lwakatupa Mushimu Usalashi, ndamusenga ayi munoompaililako cankusu kuli Lesa bweenka mboontoopaila.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

1 Bene Kolinto 2:6

Sombi tulaamba shabusongo kubaabo bayumu mulushomo. Nakubi boobo teshi busongo bwa buntu nabi bwa beendeleshi ba mucishi ca panshi ubo bumana.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

Bene Kolose 1:22

Sombi bulya kwiinda mulufu lwa Mwanaakwe, Lesa walengesha ayi mube beshicibusanyina. Wakacita boobo kwaamba ayi mwiimikane kamusalalite, kamutacite kampenda alimwi kamutacite cibiibi cili coonse pameenso akwe.

Bene Kolose 1:28

Klistu ngowooyo ngotushimika. Tulacenjesha akwiisha bantu boonse mubusongo boonse mbotwakapekwa kwaamba ayi babe bantu batacite kampenda muli Klistu.

Bene Kolose 1:29

Kwaamba ayi cicitike ici, ndasebensa abuumbi kwiinda munkusu shakwe Klistu isho shisebensa cankusu muli ndime.

Bene Kolose 1:7

Mwakeeya sheeshi kuli Epafulasi musebenshinyineesu usunikwi, musebenshi wakwe Klistu ushomeka mukutwimikaninaako.

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Bene Kolose 4:9

Ulaakwisa aOnesimasi, mukwabesu ushomeka alimwi usunikwi uyo uswa mulikoto lyanu. Bobilo aba balaakumulwiita shoonse shitoocitika kuno.

1 Bene Tesalonika 5:23

Ono Lesa uyo utulengesha kwaamba ayi twikale muluumuno, amusalashe cakumaninina akulengesha buumi bwanu boonse kubula kampenda pakwisa Mwaami wesu Jesu Klistu.

Filimoni 1:23

Epafulasi uyo ngombetaakwe muntolongo ceebo cakwe Klistu, wakwaansha.

Bene Ebulu 5:14

Sombi shakulya shiyumuyumu nsha bamanene. Kwiinda mukusebensesha maano, balakonsha kupansaanya cibotu acibiibi.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Jemusi 1:1

Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.

Jemusi 1:4

Kutaboola pesule kwanu kulyeelete kutolelela kushikila mukabule kampenda nakaceyi mulushomo lwanu.

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.