Bene Kolose 3:20 - Baibo Busansulushi Bwa Libuku Ili

²⁰ Nobaana amwebo, mulyeelete kunyumfwila bashali banu mushintu shoonse mukwiinga ici ncecikondelesha Lesa.

Bene Kolose 3:20 ပူးပေါင်းရင်းမြစ်များ

Matalikilo 28:7

Alimwi wakanyumfwa kwaamba ayi Jakobo wakanyumfwila baishi abanyina akuya kuMesopotamya.

Kulonga 20:12

“Lemeka baiso abanyoko kwaamba ayi ukekale nshiku shiinji mucishi ico nebo neMwaami Lesa nceshi nkakupe.

Tushimpi 20:20

Uyo woonse ushingana baishi abanyina, buumi bwakwe bulaakumanabo anga ndilampi lyashimika mumunshinshe.

Tushimpi 30:11

“Kuli bantu bashingana bamaishiwabo alimwi batatondeshi kulumba kubamanyinawabo.

Tushimpi 30:17

“Muntu ucelebula baishi akunyansha banyina, meenso akwe alaakulobolwaamo kubacikwangala bamucinyika alimwi ulaakulikwa kumakubi.

Tushimpi 6:20

Omwanaangu, kokutika shitookufunda baiso, akutanyansha shitokwiisha banyoko.

Jelemiya 35:8

Aboobo twakanyumfwila shoonse mushali wesu mukulukulu Jonadabu mwanaakwe Lekabu nshaakatwaambila. Taakuuwo nabi womwi pabamakeesu, bana besu basankwa nabi banakashi unwa waini.

Esekelo 22:7

Muli ndiwe taamu nabi womwi uyo ulemeka baishi nabi banyina. Muli ndiwe bantu balacenjeeka baswamashi akupensha bana banshiwa alimwi abamukalubinje.

Bene Lefi 19:3

“Womwi awomwi ulyeelete kulemeka banyina abaishi, alimwi mulyeelete kulama inshiku shakookesha kweelana ambondamulwiita. Nebo ndime Mwaami Lesa wanu.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Mateyo 19:19

lemeka baiso abanyoko, alimwi usune mubyo bweenka mboolisuni omwiine.”

Bene Efeso 5:24

Paceebo ceeco, mwanakashi woonse ulyeelete kunoonyumfwila ibaye mushintu shoonse bweenka mbuli coonde mbocinyumfwila Klistu.

Dutolonomi 27:16

“ ‘Aashinganishikwe muntu uli woonse uyo unyansha baishi abanyina.’ “Mpeeke bantu boonse balaakwaamba ayi, ‘Ameni!’

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Kolose 3:22

Amwebo nobasha, mulyeelete kunyumfwila bamaami banu ba mucishi ca panshi mushintu shoonse. Mutanoobanyumfwilabo na mpobali kwaamba ayi bamuluumbe, sombi mubanyumfwile camoyo woonse ceebo mulalemeka Mwaami.

Taitasi 2:9

Basha balyeelete kunyumfwila bamaami babo akubakondelesha mushintu shoonse. Tabeelete kupikishanyaabo,

Bene Ebulu 13:21

Lesa uyo amupe shibotu shoonse shiyandika kwaamba ayi mucite kuyanda kwakwe alimwi ayi kwiinda muli Jesu Klistu, acite shimukondelesha muli ndiswe. Kuli Klistu akube bulemu lyoonse alyoonse! Ameni.

Lute 3:5

Lute wakakumbula ayi, “Ntoocita shoonse nshemwandwiita.”