Bene Kolose 2:8 - Baibo Busansulushi Bwa Libuku Ili

⁸ Amucenjele kwaamba ayi kutabi muntu nabi womwi, eshi amubooshe mubusha kwiinda mubusongo bwa buntu bwa bubeshi. Mukwiinga busongo ubu bulaswa kutushiyashiya twa bakulukulu alimwi akumishimu ibiibi itokweendelesha mucishi ca panshi, kuteshi kuli Klistu.

Bene Kolose 2:8 ပူးပေါင်းရင်းမြစ်များ

Lwiimbo lwakwe Solomoni 2:15

Amutucatile bamwaaba, ee, bamwaaba bacili baana. Mubacaate kabatana kunyonyoola minyansa, iyo yasapula buluba.

Jelemiya 29:8

Ee, Mwaami Lesa Shinkusu shoonse, Lesa wa bene Isilaeli waamba ayi, ‘Mutasuminishi balaluki nabi bamukamwaami bali pakati kanu kumubeca. Mutakutiki kumaloto abo ayo ngomubayuminisha ayi kababaawo.

Mateyo 10:17

Mukabacenjelele bantu ceebo balaakumutola munkuta akumukwiipa mushoonde shabo.

Mateyo 16:6

Jesu wakabaambila ayi, “Amucenjele acimena ca baFalisi abaSaduki.”

Mateyo 7:15

“Amucenjele abalaluki babeshi. Balesa cakulibombya kuli ndimwe anga nimbelele, anu mukati mbaumpe.

Milimo ya Batumwi 17:18

Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu.

Milimo ya Batumwi 17:32

Ndibakanyumfwa ayi Paulo utokwaamba shakubuka kuswa kubafu, bamwi bakatalika kumuseka. Sombi bamwi bakaamba ayi, “Tulisuni kwaamba ayi ukese ukatulwiteewo alimwi pacikani ncemunya ici.”

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

1 Bene Kolinto 10:12

Ono uyo woonse uyeeya kwaamba ayi ngumuyumu mulushomo, acenjele ayi atawi.

1 Bene Kolinto 8:9

Ono amucenjele kwaamba ayi milimo ya lwaanguluko lwanu itabi mfumpu kubantu batacite lushomo lunene.

2 Bene Kolinto 10:5

Tulamanisha kupikishanya akulisumpula uko kulengesha bantu ayi bateshibi Lesa. Tulakoma miyeeyo yoonse kwaamba ayi ibe yeeyo inyumfwila Klistu.

Bene Galatiya 1:14

Nebo ndakalinga kwiinda beensuma boonse mukukonkela kwiisha kwa baJuda. Ncakwiila ndakalinga muyumu abuumbi mukukonkela kwishibila kwa bakulukulu.

Bene Galatiya 4:3

Aswebo mbotwakalinga bweenkoobo katutana kwishiba Klistu, twakalinga basha ba nkalilo ya buumi bwa buntu.

Bene Galatiya 4:9

Sombi bulya Lesa mulimwishi, nabi ŋambe ayi Lesa ulimwishi, ino ono mutooboola buyani kukwiisha kutacite nkusu alimwi ampindu? Ceebonshi mulisuni kuba basha ba nshisho alimwi?

Bene Galatiya 5:15

Ono na kamwikala anga mbanyama ba muluundu abo balumana akulyaana, mulyeelete kucenjela mukwiinga inga mwaakunyonyoolana nobeene.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Bene Efeso 4:20

Sombi mwebo teshi mbomwakeeya makani aamba pali Klistu ubo, sobwe!

Bene Efeso 5:6

Mutaleeki muntu nabi womwi ayi amucenjeeke kwiinda mumaswi atacite ncito mukwiinga sheenka shintu ishi nsheshilengesha Lesa kuba abukali pabantu abo batamunyumfwili.

Dutolonomi 6:12

mukacenjele kwaamba ayi mutakalubi Mwaami Lesa uyo wakamufuna mucishi ca Ijipiti, umo mumwakalinga basha.

Bene Filipi 3:2

Amucenjele abantu bacita shibiibi abo bali anga mbakabwa, abo bantu bacikakatisha kupalulwa.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

Bene Kolose 2:20

Mwebo mwakafwa pantu pomwi aKlistu, aboobo tamubeteko lubasu kushintu sha kwishibila kwa mucishi ca panshi. Ceebonshi mucicita anga mbantu bacite buumi bwa mucishi? Ceebonshi mulakonkela milawo yakwaamba ayi,

Bene Kolose 2:22

Iyi njimilawo alimwi akwiishabo kwa bantu alimwi shilaamba pashintu shimana ncito na bamana kushisebensesha.

Bene Kolose 2:23

Ncakwiila shintu ishi shilaboneka anga nshabusongo. Sombi kupaila kwakulipangila kwabaanjelo, kulibombya cakubeca akupensha mubili, shoonse ishi tashicite mpindu yakukoma buumi bwa buntu busuni kubisha.

1 Timoti 6:20

Webo Timoti, kolama kabotu shoonse nshewakapekwa ayi ulame. Swa kumibandi italeti bulemu kuli Lesa alimwi akukupikishanya kwabuluya uko bantu nkobaamba cakubeca ayi ndushibo.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.

2 Pita 3:17

Paceebo ceeco mwebo nomusunikwi mukwiinga mulishi kale shintu ishi, mucenjele kwaamba ayi mutatanjililwi kuswa munshila ibotu ashilubo sha bantu aba bamucita shibi, akuwa kuswa kumusena wanu uli kabotu.

2 Joni 1:8

Amucenjele kwaamba ayi mutasowi ceeco ncemwakasebensela, sombi mukatambule cilambu canu coonse.