Bene Kolose 2:5 - Baibo Busansulushi Bwa Libuku Ili

⁵ Nakubi kwaamba ayi nshibetaanu mumubili, sombi moyo wangu uli kooko kuli ndimwe. Ndisangalete kunyumfwa kwaamba ayi mutoosebensa kabotu alimwi ayi mutooshoma muli Klistu amoyo woonse.

Bene Kolose 2:5 ပူးပေါင်းရင်းမြစ်များ

2 Makani 29:35

Kwakalinga milambu yakutenta iinji pantu pomwi amafuta amilambu ya bwanabwankashi alimwi ashipo sha cakunwa isho shakalinga kupetwa pantu pomwi amilambu yakutenta. Munshila iyi kulambila kwakatalika muŊanda yakwe Lesa alimwi.

Kulumbaisha 78:37

Tebakalinga kushomeka kuli nguwe, tebakalinga kushomeka kweelana acipangano cakwe.

Kulumbaisha 78:8

Teshi bakabe anga mbamashali babo bakulukulu, abo beshicimpamya alimwi lishalane lyaashu, abo batakalinga kucinkite manungo muli Lesa cakushinisha, ncakwiila batakalinga kucite myoyo ishomeka kuli nguwe.

Shakubelenga 7:11

mukwiinga Mwaami Lesa wakaambila Mose ayi, “Bushiku bomwi bomwi bamatanjilili boonse bananooya womwi womwi mukupa shipo shabo shakusebensesha pakubengwa kwa cipaililo.”

Milimo ya Batumwi 2:42

Ciindi coonse bantu aba bakalinga kubungana pantu pomwi ayi batumwi babeeishe. Bakalinga kwikala mubwanabwankashi akulita pantu pomwi alimwi akupaila.

Milimo ya Batumwi 20:21

KubaJuda abaswamashi bakunsengwe boonse, ndakalinga kubakonkomesha ayi balyeelete kusanduka kuswa kushibiibi shabo akusandukila kuli Lesa kwiinda mukushoma muMwaami wesu Jesu.

1 Bene Kolinto 11:34

Alimwi na umwi ulifwite nsala ulyeelete kulita limwi kuŋanda kwaamba ayi mutakalileteli bukali bwakwe Lesa ceebo cakubungana kwanu. Ono shimwi shikani ndaakushibamba ndaakwisa.

1 Bene Kolinto 14:40

Shintu shoonse shilyeelete kucitwa munshila ibotu alimwi mumulawo.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

Bene Kolose 2:1

Ndisuni kwaamba ayi mwishibe mbuli mboontoosebensela mwebo, bashomi ba muLawodisiya alimwi abaabo boonse batana kumbonaawo.

1 Bene Tesalonika 2:17

Sombi nobamakwesu, nakubi kwaamba ayi twakapansanishikwa amwebo ciindi ciniinibo, kumubili kuteshi mumiyeeyo, kwiinda mukumuyeeya bunene twakeelesha nshila shiinji kwaamba ayi tubonane amwebo alimwi.

1 Bene Tesalonika 3:8

Mukwiinga ono tulicite buumi bwancinencine, na muliimfwi cakutaboola pesule muMwaami Jesu.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

Bene Ebulu 6:19

Kulangila kwesu uku, kuli anga nceela cakwiimikisha bwaato mubuumi bwesu. Nkokwaamba ayi kulalengesha ayi tubule boowa alimwi tunooshinishite. Kulaakutushisha kwiculu muŋanda yakwe Lesa kwiinda mucisani cishitilisha akwinjila mumusena usalalite wa mukati.

1 Pita 5:9

Amutolelele kushoma cankusu akukaka Mubiibi mukwiinga mulishi ayi bashominyinaanu mucishi coonse ca panshi batoopenshekwa mbomunya ubo.

Lute 1:18

Naomi ndyaakabona ayi Lute ulishinishite kuyaakwe, wakabula maswi amwi akwaamba.