Bene Kolose 2:4 - Baibo Busansulushi Bwa Libuku Ili

⁴ Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi.

Bene Kolose 2:4 ပူးပေါင်းရင်းမြစ်များ

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Mateyo 24:4

Jesu wakabakumbula ayi, “Amucenjele kwaamba ayi kutakabi muntu nabi womwi eshi akamucenjeeke.

Maako 13:22

Mukwiinga abo balyaamba ayi, ‘Ndime Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Milimo ya Batumwi 20:30

Nabi mulikoto lyanu nobeene, mulaakuswa bantu beshi bakaambe shabubeshi kwaamba ayi bakushe bantu kulushinisho bakakonkele mbabo.

1 Bene Kolinto 2:4

Ndindakalinga kwaamba nabi kushimikila nshikwe kusebensesha maswi a busongo bwa buntu, sombi ndakatondesha nkusu sha Mushimu Usalashi.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

Bene Galatiya 2:4

nabi bamwi bakalinga kusuni ayi acitwe boobo. Bantu aba bakalilubyalubya akwinjila mulikoto lya bashomi kwaamba ayi basense lwaanguluko ndotucite muli Klistu Jesu. Bakalinga kusuni kwaamba ayi batulengeshe kuba basha.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Efeso 5:6

Mutaleeki muntu nabi womwi ayi amucenjeeke kwiinda mumaswi atacite ncito mukwiinga sheenka shintu ishi nsheshilengesha Lesa kuba abukali pabantu abo batamunyumfwili.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

Bene Kolose 2:8

Amucenjele kwaamba ayi kutabi muntu nabi womwi, eshi amubooshe mubusha kwiinda mubusongo bwa buntu bwa bubeshi. Mukwiinga busongo ubu bulaswa kutushiyashiya twa bakulukulu alimwi akumishimu ibiibi itokweendelesha mucishi ca panshi, kuteshi kuli Klistu.

2 Timoti 2:16

Koswa kumibandi iteshi ya buLesa alimwi aya buluya, iyo ilengesha bantu kusena kulaale aLesa.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

1 Joni 2:18

Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.

1 Joni 2:26

Ntoomulembela makani aya ceebo ca baabo basuni kumucenjeeka.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

2 Joni 1:7

Ceebo kuli babeshi baanji balibo cishi coonse ca panshi, abo batasumini ayi Jesu Klistu wakesa mubuntu. Muntu utasumini makani aya ngumubeshi alimwi ngumulwani wakwe Klistu.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 20:3

Munjelo wakamuwaala mucilindi citeeli, wacalaako akumataako kwaamba ayi atakacenjeekiwo mishobo ya bantu lyobilo kushikila myaaka iyo ili cuulu ikamaane. Lyalo ndyeshi akaangululwe kwaciindi ciniinibo.

Ciyubululo 20:8

Lyalo ulaakutalika kucenjeeka mishobo ya bantu ba mucishi coonse ca panshi, nkokwaamba ayi bantu beetwa ayi Gogi alimwi aMagogi. Satana ulaakubabunganya pantu pomwi ayi atalike kulwana. Bantu aba balaakunoolibo anga ngumuseese wa muloombe lwa lweenge kufula.