Bene Kolose 2:2 - Baibo Busansulushi Bwa Libuku Ili

² Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine.

Bene Kolose 2:2 ပူးပေါင်းရင်းမြစ်များ

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

Kulumbaisha 133:1

Buumi ubu mbubotu abuumbi alimwi bulakondelesha. Ee, buumi bwa bantu bakwe Lesa bwakwikala mubwanabwankashi!

Isaya 32:17

Ono ceebo cakwaamba ayi bantu boonse balaakucita shiluleme, mucishi mulaakuba luumuno, ee, mulaakuboolabo tontolo kwamuyayaya.

Isaya 40:1

Lesa wanu waamba ayi, “Amuumbulushe bantu bangu.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Mateyo 13:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwa kwiculu, sombi balo tabakwe kupekwa.

Luka 1:1

Nomusunikwi baTeyofilasi, kweelana ambomwishi baanji beelesha camaansa obilo kwaamba ayi balembe shintu isho shakacitika pakati kesu.

Joni 10:30

Nebo abaTa tulibo womwi.”

Joni 10:38

Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.”

Joni 16:15

Shoonse sha baTa nshaangu. Nceceeco ncendaambila ayi Mushimu ulaakubwesu maswi angu akumusansulwita.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 5:17

Jesu wakabakumbula ayi, “BaTa balasebensa ciindi coonsebo, aboobo anebo ndyeelete kusebensa.”

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Joni 6:69

Swebo tulashoma alimwi tulishi ayi ndimwe wooyo Usalalite uswa kuli Lesa.”

Milimo ya Batumwi 4:32

Likoto lyoonse lya bashomi lyakalinga kucitebo moyo womwi amuyeeyo womwi. Tekwakalinga muntu wakalinga kwaamba ayi cintu ncaacite ncaakwe mwiine, sobwe, sombi lyoonse wakalinga kutola shoonse nshaacite kulikoto.

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

1 Bene Kolinto 14:31

Noonse inga mwaamba maswi akwe Lesa kulilabo na kamwaamba womwi womwi kwaamba ayi noonse mwiiye akuyuminishikwa.

1 Bene Kolinto 2:12

Swebo tatukwe kutambula mushimu wa buntu, sombi twakatambula Mushimu uswa kuli Lesa kwaamba ayi twishibe shipo isho Lesa nshaakatupa.

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Bene Efeso 3:16

Ntoosenga kuli Lesa, ayi kuswa mububile bwa bulemu bwakwe, amupe nkusu kwiinda muMushimu wakwe kwaamba ayi muyume mumyoyo yanu.

Bene Efeso 3:3

Wakanjubulwita muyeeyo wakwe wa bushishi kweelana ambuli mbondalemba kale mukufwiimpyafwiimpya.

Bene Efeso 6:22

Nceceeco ncentoomutumina kooko kwaamba ayi amulwiite mbuli mbotubete alimwi akwisa mukumuyumya.

Bene Filipi 2:1

Na muli kuyuminishikwa muli Klistu, na muli lucafwo mulusuno lwakwe, na muli bwanabwankashi muMushimu Usalashi alimwi kunyumfwilana nkumbu,

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Bene Kolose 1:26

Maswi ayo ancinencine akalinga kushisitwe lyoonse kumashalane oonse, ono bulya Lesa waayubulula kubantu bakwe.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Bene Kolose 2:19

Tabacatite kuli Klistu, uyo uli ngomutwi wa coonde. Sombi muli Klistu mubili woonse ulatambula nkusu alimwi shipansha shoonse shilacatanishikwa mushiso sha nshisho. Munshila iyi mubili ulakula kweelana aLesa mbwaasuni.

Bene Kolose 3:14

Pashintu shoonse ishi mulyeelete kuba alusuno, lwalo ndolucatanya shintu shoonse ishi, kwaamba ayi shilulame.

Bene Kolose 4:3

Kamutupaililaako aswebo kwaamba ayi Lesa atupe ciindi cibotu cakushimikila makani akwe akushimikila shabushishi shaamba pali Klistu. Ceebo ca makani abushishi aya, nebo ndyaangitwe.

Bene Kolose 4:8

Nceceeco ncentoomutumina kooko, kwaamba ayi ese amwishibishe mbotutookala alimwi akumuyumyayumya.

1 Bene Tesalonika 1:5

Ceebo twakamuletela Makani Abotu, cakutasebensesha maswibo, sombi ankusu sha Mushimu Usalashi alimwi cakutatonsha lushinisho lwa ngawo. Mulishi mbotwakalinga kucita nditwakalinga amwebo. Shoonse ishi ninshila shakumucafwilaamo.

1 Bene Tesalonika 3:2

Twakatuma Timoti mukwabesu muli Klistu, uyo ngotuli akwe pantu pomwi mumulimo wakwe Lesa wakushimikila Makani Abotu aamba pali Klistu. Twakamutuma kwaamba ayi ese amuyumyeyumye akushimpya lushomo lwanu,

1 Bene Tesalonika 5:14

Twamusenga alimwi nobamakwesu, ayi mucenjeshe batolo. Amuyumyeyumye beshiboowa, mucafwe balefukite alimwi bantu boonse kamubakalikila myoyo.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Bene Ebulu 6:11

Ncetusuni bunene nkwaamba ayi womwi awomwi mulikoto lyanu atolelele cankusu kushoma kushikila akumamanino, kwaamba ayi isho nshemutoolangila shikacitike cancinencine.

2 Pita 1:10

Paceebo ceeco nobamakwesu, amwiindilishe kusebensa cankusu ayi mushinishe kwaamba ayi kwiitwa alimwi akusalwa kwanu kwakaswa kuli Lesa. Na mwacita boobo, teshi mukaweewo,

2 Pita 1:3

Lesa kwiinda munkusu shakwe shabulemu, wakatupa shoonse shiyandika kwaamba ayi twikale buumi bwakupaila kwiine kwiine. Wakacita boobo kwiinda mulushibo ndotucite pali wooyo wakatwiita ceebo ca bulemu abubotu bwakwe.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.

1 Joni 3:19

Anu mboboobo mbweenga tweshiba ayi tuli kulubasu lwa lushinisho alimwi ayi inga tweemikana pameenso akwe Lesa cakubula boowa.

1 Joni 5:7

Kuli bakamboni botatwe,