Bene Kolose 2:18 - Baibo Busansulushi Bwa Libuku Ili

¹⁸ Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

Bene Kolose 2:18 ပူးပေါင်းရင်းမြစ်များ

Matalikilo 3:13

Mwaami Lesa wakeepusha mwanakashi ayi, “Ino wacitilanshi bobulya?” Alakwe wakakumbula ayi, “Ninsoka yambeca, lyalo ndalya.”

Jobo 38:2

“Anu ndiwe ni webo nootootongooka busongo bwangu akunokwaamba maswi akubula lushibo?

Isaya 57:9

Mulalinaneeka mafuta eendaawo kununkila amafuta amwibo akuya mukulambila lesa Moleki. Kulangoola balesa abo mulacita kutuma beshinkombe banu kulaale ee, cakubatumabo nabi kushuumbwe kwiine.

Esekelo 13:3

Mwaami Lesa Shinkusu shoonse waamba ayi, “Mapensho kubalaluki baluya abo bakonkela miyeeyo yabo beene kakutaaku ancebabwene.

Danyelo 11:38

Sombi ulaakunoolambila lesa washiyubilo. Ulaakunoobenga golodi, silifa, mabwe a makwebo alimwi ashipo shuulwa maali aanji kuli lesa uyo bamashali bakwe bakulukulu mbobatakwe kulambilaawo.

Shakubelenga 25:18

mukwiinga wa cibi ncebakamucitila kwiinda mukumucenjeeka kuPeyo, alimwi aceebo cakwe Kosibi mwanaamwaami wa kuMidyani, uyo wakacaikwa ciindi ca mwaalu kuPeyo.”

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Bene Loma 1:25

Balakaka kushoma shancinencine shapali Les, sombi balashoma shabubeshi. Balalambila akusebensela shintu Lesa nshaakalenga kwiinda kulemeka wooyo Mulengi ngotweelete kulumbaisha lyoonse. Ameni.

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

1 Bene Kolinto 13:4

Lusuno lulakalika moyo akulengesha nkumbu alimwi talupi munyono, kulilumbaisha nabi kulisumpula.

1 Bene Kolinto 3:3

Mwebo mucicita shintu shakunsengwe. Ceebo na kapacili munyono akwaambana pakati kanu, sa ingayi ubo tamubete mbuli bakunsengwe?

1 Bene Kolinto 4:18

Bamwi batalika kulisumpula anga teshi nkeseeko uko.

1 Bene Kolinto 4:6

Mumakani oonse aya ngondaamba nobamakwesu, ndasebensesha liina lyangu alyakwe Apolosi mbuli citondesho ayi mwishibe caamba makani ayo aamba ayi, “Amubambe shaamba Malembo akwe Lesa.” Lyalo mutanoolisumpula ceebo ca muntu womwi akusuula umwi.

1 Bene Kolinto 8:1

Ono kweelana amwiipusho ngomwakalemba pashakulya shipekwa kushibumbwabumbwa, ndushinisho kwaamba ayi soonse tulicite lushibo. Ono lushibo ulo lweenka lulalengesha bantu kulisumpula, sombi lusuno ndoluyaka.

1 Bene Kolinto 9:24

Ncakwiila mulishi ayi bacica lubilo lwakupingana mbaanji, sombi utambula cilambu ngomwibo. Ono amwebo mulyeelete kucica cakutambula cilambu.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

2 Bene Kolinto 12:20

Ceebo ntooloonda kwaamba ayi ndaakwisa uko ndaakumucana kamutabete mbuli mbondakalinga kumuyeeyela, nabi mwebo kumbona mbomutasuni. Ntooloonda ayi ndaakucana kwaambana, munyono, bukali, kulisuna, matushi, kufuya, kulisumpula akunyonyongana.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Efeso 5:6

Mutaleeki muntu nabi womwi ayi amucenjeeke kwiinda mumaswi atacite ncito mukwiinga sheenka shintu ishi nsheshilengesha Lesa kuba abukali pabantu abo batamunyumfwili.

Dutolonomi 29:29

“Kuli shintu shimwi isho Mwaami Lesa, Lesa wesu nshaakatushisa. Sombi wakatuyubulwita Milawo yakwe kwaamba ayi swebo abamulunyungu lwesu tunooikonkela kwamuyayaya.

Bene Filipi 3:14

Aboobo ndacicila kushika kumeelelesho kwaamba ayi nkatambule cilambu kwiculu ncakatwiitila Lesa kwiinda muli Klistu Jesu.

Bene Kolose 2:23

Ncakwiila shintu ishi shilaboneka anga nshabusongo. Sombi kupaila kwakulipangila kwabaanjelo, kulibombya cakubeca akupensha mubili, shoonse ishi tashicite mpindu yakukoma buumi bwa buntu busuni kubisha.

Bene Kolose 2:4

Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi.

Bene Kolose 2:8

Amucenjele kwaamba ayi kutabi muntu nabi womwi, eshi amubooshe mubusha kwiinda mubusongo bwa buntu bwa bubeshi. Mukwiinga busongo ubu bulaswa kutushiyashiya twa bakulukulu alimwi akumishimu ibiibi itokweendelesha mucishi ca panshi, kuteshi kuli Klistu.

1 Timoti 1:7

Bantu abo balayanda kuba bafundishi ba Milawo yakwe Lesa, sombi tabeshi ncebatokwaamba nabi ceeco ncebatoosumina cakutatonsha.

1 Timoti 4:1

Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

2 Pita 2:14

Tabalangibo mwanakashi cakutamukumbwa, balisunibo kucita bufuule lyoonse. Balalengesha bateshi bayumu mulushomo kubisha. Bakeshibila kuyandishisha buboni. Lesa ulaakubapa mulandu!

1 Joni 2:26

Ntoomulembela makani aya ceebo ca baabo basuni kumucenjeeka.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Ciyubululo 3:11

Teshi ncelwe kwisa, yumabo kukonkela sheesho nshoocite kale kwaamba ayi kutabi muntu nabi womwi weshi akakunyaaye mushini wako.