Bene Kolose 2:13 - Baibo Busansulushi Bwa Libuku Ili

¹³ Mwebo kale kale mwakalinga kufwite mumushimu ceebo ca shibiibi shanu alimwi akutapalulwa kwa myoyo yanu. Sombi ono Lesa wamupa buumi pantu pomwi aKlistu. Peculu lya waawo wakatulekelela shibiibi shesu shoonse.

Bene Kolose 2:13 ပူးပေါင်းရင်းမြစ်များ

Kulumbaisha 119:50

Moyo wangu wakalinga kushiite nabi mumapensho angu mukwiinga kushomesha kwanu kulampa buumi bupya.

Kulumbaisha 32:1

Balicite coolwe abo Lesa mbwaalekelela shibiibi shabo, abo bacite shibiibi nshaakashiminganya!

Kulumbaisha 71:20

Mwakatuma makatasho amapensho pali ndime. Sombi ndishi kwaamba ayi mulaakumbooshamo nkusu. Ncakwiila mulaakumbusha alimwi kuswa kuunshi lya nshi.

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Luka 15:24

Mukwiinga mwanaangu uyu wakalinga kufwite, ono waba muumi alimwi wakalinga kusowekete, ono wacanika.’ Lyalo bakatalika kusekelela.

Luka 15:32

Sombi tulyeelete kusekelela akusangalala mukwiinga mwanike wako wakalinga kufwite, ono waba muumi, wakalinga kusowekete, ono wacanika.’ ”

Luka 9:60

Jesu wakakumbula ayi, “Leka bafu bafukile bafunyinaabo, sombi webo koya ukashimikile shaBweene bwakwe Lesa.”

Joni 5:21

Bweenka baIshi mbobabusha bafu akubapa buumi, alakwe Mwaana ulapa buumi kubaabo mbaasuni kupa.

Joni 6:63

Cipa buumi nguMushimu Usalashi. Nkusu sha muntu mwiine taaku mboshibete napaceyi. Maswi ngondamulwiita alaleta Mushimu Usalashi upa buumi.

Bene Loma 4:17

Mbweeke mbuli bwaamba Malembo akwe Lesa ayi, “Ndalengesha kwaamba ayi ube mushali wa mishobo yoonse.” Aboobo cakabota ceebo nguLesa mwiine wakashomesha. Uyu ngoLesa uyo Abulaamu ngwaakashoma, Lesa ubusha bantu kuswa kubafu alimwi ulengesha kwaamba ayi shitako shibeeko kwiinda mukusebenseshabo liswi lyakwe.

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

Bene Loma 8:11

Na Mushimu wakwe Lesa uyo wakabusha Jesu Klistu kuswa kubafu uli muli ndimwe, anu Lesa eenka uyo wakabusha Klistu kuswa kubafu, ulaakubusha mibili yanu ifwa kwiinda muMushimu wakwe uli muli ndimwe.

1 Bene Kolinto 15:36

Webo omuntu muluya! Ndyooshanga mbuto, sa te ilataanguna yafwa keetana kumena?

1 Bene Kolinto 15:45

Ceebo Malembo akwe Lesa alaamba ayi, “Adamu muntu mutaanshi wakalengwa ayi abe muumi.” Sombi Adamu mucaalishi nguMushimu upa buumi.

2 Bene Kolinto 3:6

Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.

2 Bene Kolinto 5:19

Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.

Bene Efeso 2:1

Kale kale mwebo mwakalinga kufwite mumushimu ceebo cakutanyumfwila Lesa kwanu alimwi ashibiibi shanu.

Bene Efeso 2:11

Mwebo nobaswamashi bakunsengwe, amuyeeye mbuli mbomwakalinga kale kale. Bakalinga kumwiita ayi batapalwitwe, balo kabaliita ayi bapalwitwe, (ceebo ca kwishibila kwabo uko nkobacita pamibili yabo.)

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

Bene Kolose 2:12

Mukwiinga ndimwakabombekwa, cakaba anga mwakabikwa mucuumbwe pantu pomwi aKlistu alimwi mukubombekwa uko mwakabushikwa anguwe kwiinda mukushoma nkusu shakwe Lesa, uyo wakamubusha kuswa kubafu.

1 Timoti 5:6

Sombi mukalubinje mwanakashi walyaaba kushintu shakulisangalasha, wafwa kale nabi ngumuumi.

1 Timoti 6:13

Ono ntookwaambila pameenso akwe Lesa upa buumi shintu shoonse apameenso akwe Klistu Jesu, uyo wakapa bukamboni bubotu pameenso akwe Pontyasi Pilato,

Bene Ebulu 6:1

Ono anu atuye kunembo mumakani eelete bamanene mulushomo. Tuteelilwibo kunokwaamba pasheesho nshemwakataanguna kwiiya shapali Klistu. Tatweelete kwiiya alimwi shakusanduka kuswa kushintu shitacite ncito alimwi ambweenga twashoma muli Lesa,

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Jemusi 2:17

Mbweeke ubo lushomo lutacite micito lulifwite.

Jemusi 2:20

Webo omuntu muluya sa ulisuni kwishiba kwaamba ayi lushomo lutacite micito taaku mbolubete?

Jemusi 2:26

Ono aboobo bweenka mubili utacite muuya mbotwaamba ayi ulifwite, alwalo lushomo na talucite micito lulifwite.

1 Joni 2:12

Ntoolembela ndimwe nobana bangu mukwiinga Lesa ulamulekelela shibiibi shanu ceebo cakwe Klistu.