Bene Kolose 1:7 - Baibo Busansulushi Bwa Libuku Ili

⁷ Mwakeeya sheeshi kuli Epafulasi musebenshinyineesu usunikwi, musebenshi wakwe Klistu ushomeka mukutwimikaninaako.

Bene Kolose 1:7 ပူးပေါင်းရင်းမြစ်များ

Shakubelenga 12:7

Sombi cilipusene na ntokwaamba amusebenshi wangu Mose. Ndakamubika ayi anokweendelesha bantu bangu bene Isilaeli.

Mateyo 18:29

Ndyaakanyumfwa boobo, musebenshinyina wakafukama akumusenga ayi, ‘Nindileko, ndaakukubooshesha!’

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

Mateyo 25:21

Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’

1 Bene Kolinto 4:17

Paceebo ceeco ntoomutumina Timoti, uli anga ngumwanaangu musankwa ngoonsunishi alimwi uyo ushomeka muMwaami Lesa. Ulaakumwiibalusha shabwikaalo bwangu muli Klistu Jesu ubo bweendelana ansheenjiisha kuli koonse mushoonde shoonse.

1 Bene Kolinto 4:2

Ono ciyandikabo kubakapekwa mulimo uyu nkwaamba ayi bashomeke kumwaami wabo.

1 Bene Kolinto 7:25

Ono kweelana amwiipusho ngomwakeepusha pabanakashi batana kweebwa, nshiciteewo mulawo uswa kuMwaami Jesu. Sombi ntoopabo muyeeyo wangu kweelana mboondi muntu weelete kushomekwa ceebo ca nkumbu sha Mwaami.

2 Bene Kolinto 11:23

Sa mbasebenshi bakwe Klistu? Nebo ndeendaawo. Ndaamba anga ngumuntu ucinkukite. Nebo ndeendaawo kusebensa ankusu, mankanda akwaangwa, mankanda akukwipwa cakutasekana, amankanda akuboolela pakalindi.

Bene Efeso 5:21

Ceebo mulalemeka Klistu, mulyeelete kunyumfwana.

Bene Filipi 2:25

Ono ndayeeya kwaamba ayi inga cacafwa kumubooshesha mukwabesu uyu Epafuloditasi, uyo musebenshima alimwi shilumambama muli Klistu. Lakwe ngumuntu ngomwakatuma ayi ancaafwe.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

Bene Kolose 4:7

Mukwabesu usunikwi Taikikasi, ulaakwisa mukumwishibisha makani oonse apali ndime. Ngumusebenshima ushomeka mumilimo ya Mwaami Jesu.

Bene Kolose 4:9

Ulaakwisa aOnesimasi, mukwabesu ushomeka alimwi usunikwi uyo uswa mulikoto lyanu. Bobilo aba balaakumulwiita shoonse shitoocitika kuno.

1 Timoti 4:6

Na weeisha bashominyoko shintu ishi ulaakuba musebenshi mubotu wakwe Klistu Jesu, ulishikwa mumushimu amaswi alushomo lwesu alimwi akwiisha kwa lushinisho uko nkowakakonkela.

2 Timoti 2:2

Maswi oonse ngowakanyumfwa kuswa kuli ndime pameenso a bakamboni baanji, ukaabike mumaansa a bantu bashomeka kwaamba ayi abalo bakeeisheko bamwi.

Filimoni 1:23

Epafulasi uyo ngombetaakwe muntolongo ceebo cakwe Klistu, wakwaansha.

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

Bene Ebulu 3:2

Wakashomeka kuli Lesa uyo wakamusala ayi acite mulimo uyu, bweenka mbuli Mose mbwaakashomeka mukutanjilila ŋanda iyo yakalinga mbantu bakwe Lesa.