Bene Kolose 1:22 - Baibo Busansulushi Bwa Libuku Ili

²² Sombi bulya kwiinda mulufu lwa Mwanaakwe, Lesa walengesha ayi mube beshicibusanyina. Wakacita boobo kwaamba ayi mwiimikane kamusalalite, kamutacite kampenda alimwi kamutacite cibiibi cili coonse pameenso akwe.

Bene Kolose 1:22 ပူးပေါင်းရင်းမြစ်များ

2 Samwelo 22:24

Ndeenda kaantacite kampenda pameenso akwe, alimwi ndalitalamusha kushibiibi shoonse.

Jobo 15:15

Lesa taashomi baanjelo bakwe bali kwiculu. Ono na abaanjelo tabasalalite kuli nguwe,

Jobo 25:5

Ono na mweenshi kuli nguwe toobalishi, ashalo nyenyeenshi shilicite tumpenda pameenso akwe,

Kulumbaisha 51:7

Amunkushe shibiibi kwaamba ayi mbe usalalite, ee, amunsaanshe lyalo ntootuba kwiinda mapepe a nkobokobo.

Luka 1:75

akweenda pameenso akwe katusalalite akululama nshiku shoonse sha buumi bwesu.

Bene Loma 7:4

Mbocibete akuli ndimwe nobamakwesu. Kweelana amakani aMilawo mwebo mwakafwa akuba shipansha sha mubili wakwe Klistu, uyo wakabushikwa kuswa kubafu kwaamba ayi tusebensele Lesa milimo ibotu.

2 Bene Kolinto 11:2

Ndamufwita munyono bweenka mbuli Lesa. Mwebo muli anga ngumooye utana kukumanawo kale amusankwa, uyo ngondakamamikisha kumusankwa womwibo, Klistu.

2 Bene Kolinto 4:14

Tulishi kwaamba ayi Lesa uyo wakabusha Mwaami Jesu kuswa kubafu, ulaakutubusha aswebo bweenka mbuli Jesu akututola soonse andimwe uko nkwaabete.

2 Bene Kolinto 5:18

Wakacita shoonse ishi nguLesa. Kwiinda muli Klistu, Lesa wakalengesha kwaamba ayi tube beshicibusa bakwe alimwi. Bulya watupa mulimo wakunooya bulengesha bantu bamwi ayi babe beshicibusa bakwe abalo.

Bene Efeso 1:4

Lesa kaatana kulenga cishi, wakalinga kutusalite kale kwiinda muli Klistu kwaamba ayi tukabe bantu basalalite, batacite kampenda pameenso akwe. Ceebo ca lusuno lwakwe,

Bene Efeso 5:27

Wakasuna ayi coonde cibe caakwe mwiine abulemu bwa ncico, cibe anga ngumuntu utacite kampenda nabi bubi buli boonse, utacite cintu nabi comwi cakumubisha, sombi kacisalalite alimwi kaciluleme.

Bene Kolose 1:28

Klistu ngowooyo ngotushimika. Tulacenjesha akwiisha bantu boonse mubusongo boonse mbotwakapekwa kwaamba ayi babe bantu batacite kampenda muli Klistu.

1 Bene Tesalonika 4:7

Mukwiinga Lesa taakwe kutwiitila bufuule, sombi kuba abuumi busalalite.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 10:10

Ceebo Jesu Klistu wakacita ceeco Lesa ncaakalinga kusuni ayi acite, twakasalashikwa kwiinda mukubenga mubili wakwe linkanda lyomwibo ndondoli kwiimikanina bantu boonse.

Bene Ebulu 10:20

Wakatucalwita nshila ipya ya buumi kwiinda mucisani cakalinga kushitilisha, nkokwaamba ayi kwiinda mumubili wakwe mwiine.

Bene Ebulu 13:21

Lesa uyo amupe shibotu shoonse shiyandika kwaamba ayi mucite kuyanda kwakwe alimwi ayi kwiinda muli Jesu Klistu, acite shimukondelesha muli ndiswe. Kuli Klistu akube bulemu lyoonse alyoonse! Ameni.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

2 Pita 3:14

Paceebo ceeco nomusunikwi, pakunoolindila kwisa kwa Bushiku ubu, amusebense cankusu kwaamba ayi mukacanike kamuli muluumuno, kamusalalite alimwi kamutacite kampenda pameenso akwe Lesa.

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.