Bene Kolose 1:21 - Baibo Busansulushi Bwa Libuku Ili

²¹ Kale kale mwebo mwakalinga kulaale aLesa alimwi mwakalinga balwani bakwe ceebo ca shintu shibiibi nshemwakalinga kucita alimwi akuyeeya.

Bene Kolose 1:21 ပူးပေါင်းရင်းမြစ်များ

2 Samwelo 22:24

Ndeenda kaantacite kampenda pameenso akwe, alimwi ndalitalamusha kushibiibi shoonse.

Esekelo 14:5

Ndaakucita boobo kwaamba ayi mbooshe myoyo ya bene Isilaeli abo boonse bakanshiya ceebo ca shibumbwabumbwa.’

Bene Loma 1:30

Mbampele, mbeshikusuula Lesa, mbeshimucobwe, mbeshikulisumpula akulinyumfwa. Lyoonse balayeeyabo nshila shimwi shakucitilamo shibiibi alimwi tabalemeki bashali babo.

Bene Efeso 2:12

Ono amuyeeye ayi paciindi ico mwakalinga bantu bateshi Klistu. Mwakalinga baswamashi batasalitwe aLesa. Temwakalingaako lubasu kushipangano Lesa nshaakapanga abantu bakwe isho shakalinga kwiimfwi pasheesho Lesa nshaakabashomesha. Mwakalinga kushiitebo mucishi ca panshi kwakubula ancemwakalinga kulangila, kamuteshi aLesa.

Bene Efeso 2:15

Lakwe wakamanisha Milawo akwiisha koonse kwa baJuda ayi pamishobo yobilo ilya, apange mushobo womwi muli nguwe akuleta luumuno munshila yeeyo.

Bene Efeso 2:19

Paceebo ceeco mwebo nobaswamashi bakunsengwe tamubete baswamashi nabi beensu, sobwe. Mwebo ono muli baneshi pantu pomwi abantu bakwe Lesa alimwi muli bana bakwe Lesa.

Bene Efeso 4:18

alimwi miyeeyo yabo icili mumunshinshe. Bantu abo tababeteko lubasu kubuumi ubo Lesa mbwaapa mukwiinga taaku ncebeshi alimwi mukwiinga mbeshicimpamya.

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.