Bene Galatiya 2:2 - Baibo Busansulushi Bwa Libuku Ili

² Ndakaya kooko mukwiinga Lesa wakanjubulwita ayi ndyeelete kuya. Mulibungano nditwakacita cabushishi abamatanjilili, ndakabasansulwita Makani Abotu ngoonshimikila kubaswamashi bakunsengwe. Ndakacita boobo ceebo ndakalinga kuyeeya ayi milimo njeencita anjendakacita itakabibo ya lutu.

Bene Galatiya 2:2 ပူးပေါင်းရင်းမြစ်များ

Shikushimikila 10:1

Baloonshi bafwite balalengesha mafuta anunkila, kununka cibiibi. Mbweeke ubo abuluya nabuceyi bulakoma busongo abulemu.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Milimo ya Batumwi 15:12

Mpeeke likoto lya bantu lyakoomunabo tontolo, kalikutika Banabasi aPaulo ndibakalinga kusansulula shaankamiko ashitondesho sha nkusu sha kwiculu, Lesa nshaakacita pakati ka baswamashi bakunsengwe kwiinda muli mbabo.

Milimo ya Batumwi 15:2

Mpeeke Paulo aBanabasi bakapikishanya abuumbi ambabo pacikani ici. Paceebo ceeco, bashomi bakasuminishanya ayi Paulo, Banabasi alimwi abamwi ba muAntyoki baye kuJelusalemu mukubandika abatumwi alimwi abamatanjilili ba coonde pamakani aya.

Milimo ya Batumwi 15:4

Ndibakashika muJelusalemu, bantu ba mucoonde, batumwi alimwi abamatanjilili bakabatambula. Mpeeke abalo bakabasansulwita shoonse Lesa nshaakacita kwiinda muli mbabo.

Milimo ya Batumwi 18:9

Bumwi bushiku mashiku, Mwaami wakaboneka kuli Paulo anga muciloto akumwaambila ayi, “Utaloondi, sombi tolelela kushimikila, utacileeki

Milimo ya Batumwi 23:11

Pabushiku bweenka ubo mashiku, Mwaami Jesu wakeemikana pafwaafwi aPaulo akumulwiita ayi, “Yumya moyo! Wapa bukamboni bwa pali ndime muno muJelusalemu, anu amwalo muLoma ulyeelete kucita bweenka mbowacita muno.”

Milimo ya Batumwi 5:34

Sombi umwi muFalisi mulikoto lyabo wiitwa ayi Gamalyelo, mufundishi wa Milawo, wakalinga muntu ulemekwa abuumbi kubantu boonse. Wakanyamuka mulikoto lya boomboloshi akwaamba ayi batumwi batolwe pansengwe kwaciindi ciniinibo.

Bene Loma 9:16

Ono aboobo kusala uku takucitiki kweelana aceeco muntu ncaasuni nabi ncaacita, sombi cinene ninkumbu shakwe Lesa.

1 Bene Kolinto 1:23

Sombi swebo tulashimikila shakwe Klistu uyo wakapopwa pamucilingano. KubaJuda makani aya nimfumpu, akwalo kubaswamashi bakunsengwe taaku mbwaabete.

1 Bene Kolinto 2:2

Ceebo ndindakalinga amwebo, ndakayeeya kutamulwiita cimwi cintu, sombibo Jesu Klistu, bunene bunene lufu lwakwe lwa pamucilingano.

1 Bene Kolinto 9:24

Ncakwiila mulishi ayi bacica lubilo lwakupingana mbaanji, sombi utambula cilambu ngomwibo. Ono amwebo mulyeelete kucica cakutambula cilambu.

1 Bene Kolinto 9:26

Paceebo ceeco nshibete anga ngumuntu utoocicilabo ncaatabwene, nabi anga ngushikulwana uumabo muuwo.

2 Bene Kolinto 12:1

Ndyeelete kulilumbaisha nakubi kwaamba ayi taaku mpindu. Ono bulya ntokwaamba shasheesho nshindakabona anga mushiloto asheesho shakanjubulwita Mwaami.

Bene Galatiya 1:12

Nshikwe kupekwa kumuntu nabi kwiishikwa kumuntu, sombi Jesu Klistu ngowakanjubulwita Makani Abotu ayo.

Bene Galatiya 1:16

Cakamukonda kunjubulwita Mwanaakwe kwaamba ayi nkashimikile Makani Abotu aamba pali nguwe kubaswamashi bakunsengwe. Nshikwe kuya kumuntu mukwiipusha bwakucita,

Bene Galatiya 1:6

Ndakankamana abuumbi mukwiinga mwafwambaana kusuula Lesa, uyo wakamwiita kwiinda muluse lwakwe Klistu, akukonkela makani amwi.

Bene Galatiya 2:6

Ono abo bakalinga kwiitwa ayi bamatanjilili (tacicite mulandu na bakalinga baani ceebo Lesa taasalululi), abo bamatanjilili mbomunya tabakwe kunungaawo ashimwi shakwaamba ayi njiishe.

Bene Galatiya 2:9

Mpeeke Jemusi, Pita aJoni, abo bakalinga kwiitwa ayi mbamatanjilili ba bashomi, bakashinisha ayi Lesa muluse lwakwe wakampa mulimo uyu. Kuswawaawo, bakacata Banabasi anebo mumaansa kutondesha bwanabwankashi bwesu. Twakanyumfwana ayi Banabasi anebo tusebensele kubaswamashi bakunsengwe, balo kubaJuda.

Bene Galatiya 5:7

Mwakalinga kwisa kabotu abuumbi muMakani Abotu! Ino ngani wakamukasha kunyumfwila shalushinisho?

Bene Filipi 2:16

pakubalwiita maswi abuumi. Na mwacita boobo, ndaakuba asheebo shakunsangalasha ceebo ca ndimwe paBushiku ubo aakuboola Klistu, mukwiinga cilaakutondesha ayi ndakacicila nabi kusebensela ciliiwo.

Bene Filipi 2:29

Aboobo amumutambule camaansa obilo akusangalala ayi ngumukwabesu muMwaami. Bantu bamushobo wooyu boonse, amubalemeke.

1 Bene Tesalonika 3:5

Nceceeco ncendakatumina Timoti. Ndakaalilwa kulicata, aboobo ndakamutuma kwaamba ayi ese eshibe mbomwiimfwi mulushomo ceebo ndalinga kwaamba ayi cimwi ciindi Mubiibi wamusunka akulengesha mulimo ngotwakacita pakati kanu kubula mpindu.

2 Timoti 4:7

Ndalwana nkondo ibotu akumanisha kucica lubilo alimwi ndasunga lushomo lwangu.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.