Bene Galatiya 1:9 - Baibo Busansulushi Bwa Libuku Ili

⁹ Twamulwiitawo kale alimwi ntooboshaawo sunu, na kuli umwi utoomushimikila makani amwi apusene aMakani Abotu ngotwakamushimikila, uyo Lesa amushingane muyayaya.

Bene Galatiya 1:9 ပူးပေါင်းရင်းမြစ်များ

Tushimpi 30:6

Utanungiiko kumaswi ngweenga waamba. Na wacita boobo inga wakukalalila akutondesha ayi uli mubeshi.”

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

Milimo ya Batumwi 18:23

Ndyaakekalako nshiku shiniini, wakaswaako akuya kucishi ca Galatiya alimwi aFuligiya, kaaya ciyumyayumya bashomi boonse.

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

Bene Loma 9:3

Necalinga kukonsheka, naakwiinga nebo ndasumina ayi Lesa anshingane akumpansaanya aKlistu mumusena wa bene misheesu.

2 Bene Kolinto 1:17

Ndindakayeeya boobo, sa mutooyeeya ayi ndakalinga kucita cakampuwe? Sa ndi anga ngumuntu utayeeyi pakucita shintu, uyo waamba ayi, “Ee” alimwi ayi, “Sobwe” paciindi comwi?

Dutolonomi 12:32

“Mwebo mulyeelete kunoocita shintu shoonse nshendamulwiita. Tamweelete kunungaawo nabi kukushaawo.

Dutolonomi 4:2

Kutanungaawo nabi kukushaawo pamilawo njeentoomupa. Amukonkele milawo ya Mwaami Lesa, Lesa wanu yoonse njendamwaambila.

Bene Filipi 3:1

Ono cakweelaako nobamakwesu, kamusangalala muMwaami Jesu. Nshileemi kulemba shintu nshendakamulembelaawo kale mukwiinga maswi aya alaakumucafwa.

Bene Filipi 4:4

Amusangalale muMwaami lyoonse alimwi ndaamba ayi, amusangalale!