Bene Filipi 2:2 - Baibo Busansulushi Bwa Libuku Ili

² anu ndamusenga ayi munsangalashe abuumbi mukuba bweenka ubo. Amube alunyumfwano, bantu bacite lusuno alimwi bacatene pantu pomwi camoyo amuyeeyo womwi.

Bene Filipi 2:2 ပူးပေါင်းရင်းမြစ်များ

Kulumbaisha 122:8

Ceebo ca bamakwesu abeensuma ndaamba ayi, “Luumuno lwikale mukati kako.”

Joni 3:29

Uyo ucite nabwiinga ngushibwiinga. Nakubi boobo mubye shibwiinga uleemikana pafwaafwi akumukutika. Na wanyumfwa liswi lyakwe ulasangalala abuumbi. Mbweeke ubo anebo ndasangalala abuumbi.

Milimo ya Batumwi 1:14

Aba bantu bakalinga kubungana akupailila pantu pomwi lyoonse, kubikaawo abanakashi bamwi, Maliya banyina abamakwabo Jesu.

Milimo ya Batumwi 2:1

Bushiku bwa Pentekositi ndibwakashika, bashomi boonse bakalinga kubungene muŋanda yomwi.

Milimo ya Batumwi 2:46

Bushiku abushiku bakalinga kubungana amoyo womwi muŊanda yakwe Lesa akulita pantu pomwi mumaandaabo amyoyo yakusangalala akuliceesha.

Milimo ya Batumwi 5:12

Batumwi bakacita shaankamiko alimwi ashitondesho sha nkusu sha kwiculu shiinji pabantu. Bashomi boonse bakalinga kubungana pantu pomwi kumusena wakalinga kwiitwa ayi wakwe Solomoni.

Bene Loma 12:16

Kamunyumfwana abantu boonse alimwi mutanoolisumpula, sombi mulyeelete kunoosebensela bamwi. Mutalibiki pabusongo.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

2 Bene Kolinto 2:3

Ndakamulembela mbuli mbondakacita, kwaamba ayi ndaakwisa, ntakoongumanishikwi abantu abo beelete kunsangalasha. Ceebo ndashoma kwaamba ayi ndinsangalala amwebo mulasangalala.

2 Bene Kolinto 7:7

Teshibo kupola kwakwe kwakatuyumyayumya, sombi amakani ngaakaleta ambuli mbomwakamuyumyayumya. Wakatulwiita ayi mwayeeya kumbonaawo, mbomwakoongumana ceebo ca ndime alimwi ambomulibambite kunjimikanina. Bulya ndisangalete abuumbi.

Bene Filipi 1:4

Mumipailo yangu yoonse njeemupaililaako, ndalumba Lesa akusangalala

Bene Filipi 2:16

pakubalwiita maswi abuumi. Na mwacita boobo, ndaakuba asheebo shakunsangalasha ceebo ca ndimwe paBushiku ubo aakuboola Klistu, mukwiinga cilaakutondesha ayi ndakacicila nabi kusebensela ciliiwo.

Bene Filipi 2:20

Nshiciteewo aumwi muntu ngoonshoma ayi inga wamubikaako maano.

Bene Filipi 4:2

Ntoosenga Yuwodia aSintiki kwaamba ayi banoonyumfwana mukwiinga mbamukowa muMwaami.

Bene Kolose 2:5

Nakubi kwaamba ayi nshibetaanu mumubili, sombi moyo wangu uli kooko kuli ndimwe. Ndisangalete kunyumfwa kwaamba ayi mutoosebensa kabotu alimwi ayi mutooshoma muli Klistu amoyo woonse.

2 Bene Tesalonika 2:13

Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.

2 Timoti 1:4

Ndeebaluka kulila kwako alimwi ndisunishi kwisa mukukubona kwaamba ayi nkasangalale abuumbi.

Filimoni 1:20

Paceebo ceeco mukwaabo, ndakusenga ayi uncaafwe pamakani aya ceebo ca Mwaami. Nsangalashe kweelana ambooli mukwesu muli Klistu.

2 Joni 1:4

Ndakasangalala abuumbi kucana kwaamba ayi bana bako bamwi batokweenda mulushinisho, bweenka mbwaakatulasha Ishiwesu.

3 Joni 1:4

Taaku cimwi cinsangalasha abuumbi kwiinda kunyumfwa ayi bana bangu muMushimu batookonkela shalushinisho.