Bene Efeso 6:9 - Baibo Busansulushi Bwa Libuku Ili

⁹ Amwebo nobamaami, mucite bweenka ubo kubasha banu alimwi mutanoobakonga. Amwishibe kwaamba ayi balo alimwi amwebo, mulicitebo Mwaami womwi uli kwiculu utasalululi.

Bene Efeso 6:9 ပူးပေါင်းရင်းမြစ်များ

Bene Kolose 3:25

Sombi muntu woonse ucita shitaluleme, ulaakoomboloshekwa kweelana abubi bwakwe mukwiinga Lesa taasalululi.

Milimo ya Batumwi 10:34

Mpomunyaawo Pita wakatalika kubaambila ayi, “Ono ndeshiiba calushinisho ayi Lesa taasalululi,

Bene Loma 2:11

Mukwiinga Lesa taasalululi.

Luka 6:31

Amucitile bantu bamwi bweenka mbomusuni ayi bamucitile.’

Mateyo 7:12

“Nkokwaamba ayi mushintu shoonse amucitile bantu bamwi bweenka mbomusuni ayi bamucitile. Anu uku nkokwiisha kwa Milawo yakwe Mose alimwi akwiisha kwa balaluki bakulukulu.

Dutolonomi 10:17

Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Jemusi 2:8

Na ncakwiila mulakonkela mulawo wa Mwaami Lesa ulembetwe muMalembo akwe ayi, “Suna mubyo bweenka mboolisuni omwiine,” ingayi mulacita kabotu.

1 Bene Kolinto 1:2

Tutoolembela ndimwe nocoonde cakwe Lesa ca muKolinto. Lesa wakamusala kwiinda muli Klistu Jesu alimwi akumwiita ayi mube bantu bakwe pantu pomwi abantu boonse bali kumisena ipusenepusene, abo balemeka Mwaami Jesu Klistu, Mwaami wabo aswebo soonse.

Joni 13:13

Mwebo ndyemunjita ayi, ‘Mufundishi,’ nabi ayi, ‘Nkambo,’ mulalulika mukwiinga ngondime.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

1 Bene Kolinto 7:22

Ceebo muntu uyo Mwaami Jesu ngwaakeeta kaali musha, ngumuntu waangulukite kuli nguwe. Mbweeke ubo muntu utabete musha wakeetwa aKlistu, ngumusha wakwe.

Mateyo 24:51

Ulaakumupa mulandu akumuwaala kooko nkweshi kukanooli bantu baamba nshebataciti alimwi nkweshi bakanoolila akulumanya meeno.”

Mateyo 24:48

Sombi na ngumusebenshi mubiibi ulaakuyeeya ayi, ‘Mwaami wangu wacelwa kwisa,’

Mateyo 22:10

Mpomunyaawo basebenshi balya bakaya munshila mukutamba bantu bali boonse mbobakacana, babiibi abali kabotu boonse. Lyalo muŋanda ya bwiinga mwakesula bantu.

Mateyo 22:8

Lyalo wakaambila basebenshi bakwe ayi, ‘Shoonse shiyandika pabwiinga shabambwa kale. Sombi abo bakatambwa tebalinga kweelete kutambwa.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

Danyelo 3:6

Muntu uli woonse uyo weshi akabule kucita boobo, ciindi ceenka ico ulaakuwaalwa mumunyumbi mutoonyaka mulilo uyoosha.”

Isaya 47:6

Bantu bangu bakalinga bankalasha. Mpeeke ndakacita anga ndacileka kubabikaako maano. Lyalo ndakabaaba mumaansaako. Ncakwiila tookwe kubanyumfwilawo nkumbu. Wakalinga kucita shalunkutwe akubamacembele boonse.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.

Kulumbaisha 140:12

NoBaami baLesa, ndishi kwaamba ayi mulafuninina bakandu, akwiimikanina bataaku mbobabete ayi batanyengelelwi.

Neyemiya 5:5

Swebo abaJuda bamwi boonse tuli bulowa bomwi. Bana besu balyeelenebo abana babo, nakubi boobo tuloolisha busha bana besu. Ncakwiila bana besu bamwi banakashi bakoolwa kale busha. Sombi tatucite lucafwo mukwiinga myuunda yesu yoonse ili mumaansa a bantu bamwi.”

1 Samwelo 15:17

Samwelo wakaamba ayi, “Nakubi kwaamba ayi wakalibona anga taaku mboobete, sa te wakaba mutanjilili wa mikowa ya bene Isilaeli? Mwaami Lesa wakakunanika mafuta a bwaami kwaamba ayi ube mwaami wa cishi ca Isilaeli.

Bene Lefi 19:13

“Mutapenshi muntu nabi womwi, nabi kumwiipila. Tamweelete kucelwa kufolesha musebenshi wanu nabi bushiku bomwibo.

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

Bene Kolose 4:1

Nomucite basha, amucite shiluleme asheelete kubasha banu, mukwiinga mulishi kwaamba ayi amwebo mulicite Mwaami kwiculu.