Bene Efeso 4:7 - Baibo Busansulushi Bwa Libuku Ili

⁷ Sombi womwi awomwi mulikoto lyesu wakatambula cipo ceelete kuswa kuli Klistu kweelana akuyanda kwakwe mwiine.

Bene Efeso 4:7 ပူးပေါင်းရင်းမြစ်များ

Mateyo 25:15

Umwi wakamupa shuulu shosanwe sha maali, wabili shuulu shobilo alakwe umwi cuulu comwi. Wakabaabila kweelana ambweenga basebenshesha womwi awomwi. Kuswawaawo, wakanyamuka waya.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Efeso 3:2

Ncakwiila mwakanyumfwa ayi Lesa wakampa mulimo wa butumwi kwiinda muluse lwakwe kwaamba ayi ncafwe ndimwe.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Ebulu 2:4

Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.

1 Pita 4:10

Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.