Bene Efeso 4:4 - Baibo Busansulushi Bwa Libuku Ili

⁴ Kuli mubili womwi aMushimu Usalashi womwi, bweenka mbuli mbokuli kulangila komwi Lesa nkwaakamwiitila.

Bene Efeso 4:4 ပူးပေါင်းရင်းမြစ်များ

Kulumbaisha 122:8

Ceebo ca bamakwesu abeensuma ndaamba ayi, “Luumuno lwikale mukati kako.”

Jelemiya 14:8

Mwebo Nokulangila kwa bene Isilaeli, noBapulushi babo muciindi ca mapensho, ceebonshi mwaba anga ngumweensu mucishi cino, ncakwiila anga ngushikweenda uyo woonabo bushiku bomwi?

Jelemiya 17:7

“Sombi ulicite coolwe muntu uyo ucinka manungo muMwaami Lesa, ndushinisho uyo ushoma muli nguwe.

Mateyo 28:19

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.

Milimo ya Batumwi 15:11

Tabwishi mboceelete kuba! Tulashoma kwaamba ayi tulapulushikwa kwiinda muluse lwa Mwaami Jesu, bweenka mbuli mbabo.”

Bene Loma 11:29

Na Lesa wasala akupa coolwe muntu, taasanduki.

1 Bene Kolinto 10:17

Ono ceebo cakwaamba ayi shinkwa ngomwibo, soonse natufuuli, tuli mubili womwi ceebo tulabaana shinkwa womwi.

1 Bene Kolinto 12:20

Ono mbuli mboshibete shintu, kuli shipansha shiinji, sombi ngumubili womwi.

2 Bene Kolinto 11:4

Ceebo na kwesa muntu utooshimikila Jesu umwi uteshi wooyo ngotwakamushimikila, na mwatambula mushimu umwi uteshi wooyo ngomwakatambula, nabi kutambula makani amwi ateshi ayo ngomwakatambula, mulafwambaana kukonkela cakutayeeya.

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Bene Efeso 2:16

Klistu wakafwa pamucilingano ayi amanishe lupato lwakalingaawo pakati ka mishobo yobilo ilya ayi apange mubili womwi. Mukucita boobo, wakababoosha pantu pomwi aLesa.

Bene Efeso 2:18

Mukwiinga kwiinda muli Klistu swebo soonse, baJuda abaswamashi bakunsengwe, tulakonsha kushika pameenso akwe Ishiwesu muMushimu womwi.

Bene Efeso 2:22

Muli nguwe amwebo mutooyakilwa pantu pomwi abashomi bamwi boonse ayi mube mwakwikala Lesa kwiinda muMushimu.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Efeso 5:30

ico cili ngumubili wakwe alimwi swebo tuli shipansha sha mubili wakwe.

Bene Kolose 1:5

Ono makani ancinencine, nkokwaamba ayi Makani Abotu, ndyaakashimikilwa kuli ndimwe pakutaanguna, mwakanyumfwa shakulangila shiliimo. Aboobo mulicite lushomo alimwi alusuno ceebo ca sheesho nshemutoolangila, isho Lesa nshaakamubambila kabotu kwiculu.

Bene Kolose 3:15

Luumuno Klistu ndwaapa, alweendeleshe myoyo yanu. Lesa wakamwiita kwaamba ayi mube aluumuno ndomunya ulu mukwiinga muli shipansha sha mubili womwi. Amube amyoyo yakulumba.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

1 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa Mupulushi wesu, aKlistu Jesu apo peemfwi kulangila kwesu.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Taitasi 3:7

Wakacita boobo ayi tululamikwe muluse lwakwe akwinjila mubuumi butamaani ubo mbotutoolangila.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

1 Joni 3:3

Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.