Bene Efeso 3:3 - Baibo Busansulushi Bwa Libuku Ili

³ Wakanjubulwita muyeeyo wakwe wa bushishi kweelana ambuli mbondalemba kale mukufwiimpyafwiimpya.

Bene Efeso 3:3 ပူးပေါင်းရင်းမြစ်များ

Milimo ya Batumwi 22:17

“Lyalo ndakaboolela kuJelusalemu. Ndindakalinga kupaila muŊanda yakwe Lesa, ndakabona cili anga nciloto.

Milimo ya Batumwi 22:21

Ono Mwaami wakandwiita ayi, ‘Koyabo mukwiinga ndaakukutuma kulaale, kubaswamashi bakunsengwe.’ ”

Milimo ya Batumwi 23:9

Lyalo ciyobeyobe cakakomena. Mpeeke bafundishi ba Milawo abo bakalinga kulubasu lwa baFalisi bakanyamuka akupikisha cankusu ayi, “Taaku cintu cibiibi nabi comwi ncetwacana mumuntu uyu! Mpashi ngumushimu nabi munjelo ngowakamulwiita shakwaamba.”

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

2 Bene Kolinto 12:1

Ndyeelete kulilumbaisha nakubi kwaamba ayi taaku mpindu. Ono bulya ntokwaamba shasheesho nshindakabona anga mushiloto asheesho shakanjubulwita Mwaami.

Bene Galatiya 1:12

Nshikwe kupekwa kumuntu nabi kwiishikwa kumuntu, sombi Jesu Klistu ngowakanjubulwita Makani Abotu ayo.

Bene Efeso 1:17

Ndaseenga Lesa uyo Jesu Klistu Mwaami wesu ngwaakalinga kulambila, Ishiwesu shibulemu, ayi amupe Mushimu uyo weshi ukamupe busongo akumuyubulwita Lesa ayi mukamwishibe.

Bene Efeso 3:4

Kwiinda mukubelenga mbondalemba, inga mwaboona lushibo ndooncite pashabushishi bwapali Klistu.

Bene Efeso 3:6

Cabushishi ici ncakwaamba ayi, kwiinda muMakani Abotu, baswamashi bakunsengwe bakatambula shoolwe sheenka baJuda nshebakatambula. Boonse baba shipansha sha mubili womwi. Aboobo Kwiinda muli Klistu Jesu, balatambula sheesho shakashomesha Lesa.

Bene Efeso 3:9

Wakampa amulimo wakusansulwita bantu boonse Lesa mbweshi akalengeshe muyeeyo wakwe wa bushishi kucitika. Lesa, uyo wakalenga shintu shoonse, walinga kushisite cikani ici kuswabo kale kale.

Bene Efeso 6:19

Anebo kamumpaililaako kwaamba ayi andwiite maswi ngoonjelete kwaamba pakushimikila, ayi nshibishe bantu isho shakalinga kushisitwe paMakani Abotu cakutaloonda.

Bene Kolose 2:2

Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine.

Bene Kolose 4:3

Kamutupaililaako aswebo kwaamba ayi Lesa atupe ciindi cibotu cakushimikila makani akwe akushimikila shabushishi shaamba pali Klistu. Ceebo ca makani abushishi aya, nebo ndyaangitwe.

Bene Ebulu 13:22

Nobamakwesu, ndamusenga kwaamba ayi mutambule camoyonteeka maswi aya akumuyumyayumya, nceceeco ncendamulembelabo mukufwiimpyafwiimpya.

1 Pita 5:12

Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.

2 Pita 3:15

Mulyeelete kwishiba ayi kukalika moyo kwa Mwaami wesu, ncoolwe ncaatoomupa kwaamba ayi mupulushikwe. Alakwe Paulo, mukwabesu usunikwi, wakamulembela shamakani ngomunya aya kwiinda mubusongo bwakamupa Lesa.