Bene Ebulu 5:9 - Baibo Busansulushi Bwa Libuku Ili

⁹ Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

Bene Ebulu 5:9 ပူးပေါင်းရင်းမြစ်များ

Bene Ebulu 9:15

Nceceeco Klistu ncaalengeshesha ayi cipangano cipya cibeewo, kwaamba ayi abo Lesa mbwaakeeta ayi bakatambule shoolwe shitamaani nshaakashomesha. Ishi inga shacitika ceebo ca lufu lwakwe Klistu ulo lufuna bantu kuswa mushibiibi nshibakacita muciindi ca cipangano cikulukulu.

Bene Ebulu 2:10

Cakalinga kweelete kuli Lesa, uyo wakalenga akulama shintu shoonse, ayi kwiinda mumapensho, abike Jesu pamusena wakuleta bana bakwe baanji ayi babe anguwe mubulemu bwakwe. Ceebo nguJesu ubatanjilila kulupulusho.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Bene Ebulu 9:12

Klistu ndyaakenjila mutente, akwinjila linkanda lyomwibo ndondoli muMusena Usalalite Wiindaawo, taakwe kutola bulowa bwa mpongo nabi bwa bacende ayi ape kuli Lesa. Sombi lakwe wakatola bulowa bwakwe mwiine akutubambila lupulusho lutamaani.

Milimo ya Batumwi 5:32

Tuli bakamboni ba sheeshi shintu, swebo aMushimu Usalashi uyo Lesa ngwaapa kubaabo boonse bamushoma.”

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Bene Ebulu 11:8

Ndushomo lwakalengesha ayi Abulaamu anyumfwile Lesa ndyaakalwiitwa kuya kucishi ico Lesa mwiine ncaakashomesha ayi ulaakumupa. Wakaswa mucishi cine mishaabo kaateshi ankwaakalinga kuya.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

Bene Loma 2:8

Sombi bamwi abo basuni kucita nshebasuni beene akukaka kucita shiluleme kabacitabo shitaluleme, Lesa ulaakuboombolosha mubukali bwakwe.

Bene Loma 1:5

Kwiinda muli nguwe, Lesa wakampa mulimo unene wa butumwi kwaamba ayi nsebensele Klistu mukulengesha bantu ba mishobo yoonse ayi bamushome akunoomunyumfwila.

2 Bene Kolinto 10:5

Tulamanisha kupikishanya akulisumpula uko kulengesha bantu ayi bateshibi Lesa. Tulakoma miyeeyo yoonse kwaamba ayi ibe yeeyo inyumfwila Klistu.

Bene Loma 15:18

Ndanookwaamba cakutashisaawo shoonse isho Klistu nshaacita kwiinda muli ndime kwaamba ayi baswamashi bakunsengwe banyumfwile Lesa. Ndakacita sheeshi kwiinda mumaswi alimwi amumicito,

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.

Bene Loma 10:16

Sombi teshi kwaamba ayi boonse bakashoma Makani Abotu. Kweelana abwakaamba Isaya mulaluki mukulukulu ayi, “Nkambo, ngani ushoma makani ngotushimikila?”

Bene Loma 6:17

Ono tulyeelete kulumba Lesa ceebo pakutaanguna mwakalinga basha ba bubi. Ono bulya mulanyumfwila Lesa amyoyo yoonse kwiinda mukukonkela shalushinisho nshemwakeeishikwa.

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.

Joni 19:30

Jesu ndyaakamana kunwaako maanshi wakaamba ayi, “Camana.” Amanebo kwaamba boobo, wakakotamika mutwi wafwa.

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Sekaliya 6:15

“Bantu bekala kulaamfu balaakwisa mukucafwa kuyakulula Ŋanda yakwe Lesa iyo. Na ikamane kuyakululwa ndyeshi mukeshibe ayi anu nguMwaami Lesa Shinkusu shoonse ngowakantuma kuli ndimwe. Shintu ishi shilaakucitika na ncakwiila mukanyumfwile milawo ya Mwaami Lesa, Lesa wanu.”

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Kulumbaisha 51:6

Ndushinisho mwebo mulisuni muntu ushomeka, paceebo ceeco amunjiishe kuba musongo lyoonse.

Judi 1:21

Amwikale mulusuno lwakwe Lesa pakunoolindilila buumi butamaani Mwaami wesu Jesu Klistu mbweshi akatupe munkumbu shakwe.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Bene Ebulu 11:40

mukwiinga Lesa wakalinga kubambite muyeeyo wiindaawo kubota wa pali ndiswe. Kubamba kwakwe kwakalinga kwakwaamba ayi batalulami cancinencine beenka, sombi balulamine pantu pomwi aswebo.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

Milimo ya Batumwi 3:15

Mwebo mwakacaya wooyo upa buumi bwancinencine, sombi Lesa wakamubusha kuswa kubafu. Ono swebo tuli bakamboni pacikani ici.

Luka 13:32

Sombi Jesu wakabakumbula ayi, “Kamuya mukamwaambile uyo ucite maano a busulwe ayi, ‘Ntookusha bashikaswa akushilika bantu sunu aciilo. Ono pabushiku bwatatu ndaakumanisha ncito yangu.’

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Kulumbaisha 51:8

Amunsuminishe nyumfwe ciyobeyobe cakusangalala akukondwa. Amusuminishe mubili wangu uyo ngomwapwayoola kubuumba kusangalala cipya.

Kulumbaisha 45:17

Ndaakumutola mpuwo akumashalane oonse acisa kunembo, paceebo ceeco bantu boonse balaakunoomulumbaisha kwamuyayaya.

Milimo ya Batumwi 4:12

Lupulusho lulacanikabo muli nguwe eenka mukwiinga taaku liina alimwi mucishi ca panshi Lesa ndyaakapa ayi inga twapulukilaamo.”

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.