Bene Ebulu 2:9 - Baibo Busansulushi Bwa Libuku Ili

⁹ Sombi ngotubona nguJesu, uyo wakaceeshekwa kwiinda baanjelo paciindi ciniini, watambula mushini wa bulemu abwaami ceebo ca mapensho ngaakeendaamo ndyaakafwa. Cakaba boobo mukwiinga Lesa muluse lwakwe, wakasuna ayi Jesu afwite bantu boonse.

Bene Ebulu 2:9 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Isaya 11:1

Ono pacishiko ca buJese palaakusonsa musampi. Musampi uyo ulaakucata shisepo kuswa kumiyanda.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Mateyo 6:28

“Ino mulalisukamanshi pashakufwala? Amuyeeye maluba amuluundu mbwaakula. Taasebensi nabi kutunga shakufwala.

Maako 9:1

Jesu wakatolelela kubaambila ayi, “Ntoomulwiita calushinisho ayi mpobali bamwi pano peenka, beshi bakabule kufwa kabatana kubona Bweene bwakwe Lesa kabwisa ankusu.”

Luka 9:27

Ncakwiila ntoomwaambila ayi mpobali bamwi pano peenka beshi bakabule kufwa kabatana kubona Bweene bwakwe Lesa.”

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Joni 10:17

“BaTa ncebansunini ncakwaamba ayi ndisuminite kwaaba buumi bwangu kwaamba ayi nkabaabo alimwi.

Joni 12:32

Sombi nebo ndaakupopwa pamucilingano ndaakuyobolola bantu boonse kuli ndime.”

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Joni 8:51

Ntoomulwiita calushinisho ayi uyo woonse ucita bwaamba maswi angu teshi akafwewo.”

Joni 8:52

Mpomunyaawo bakamwaambila ayi, “Ono twashinisha ayi ulicite shikaswa. Mukwiinga Abulaamu abalaluki bakafwa. Ono webo inga waamba buyani ayi na muntu uli woonse

Milimo ya Batumwi 2:33

Wakasumpulwa akuba kulubasu lwalulyo lwakwe Lesa akutambula Mushimu Usalashi kuswa kuli Lesa Ishi, kweelana ambwaakamushomesha. Ishi nshemutoobona akunyumfwa, ncipo ca Mushimu Usalashi Jesu ncaatila pali ndiswe.

Milimo ya Batumwi 3:13

Mukucita ceeci Lesa wakwe Abulaamu, Isaki alimwi aJakobo, Lesa wa bamashali besu bakulukulu, watondesha bulemu kumusebenshi wakwe Jesu. Mwebo mwakamwaaba mumaansa a beendeleshi alimwi mwakamukaka pameenso akwe Pilato nakubi kwaamba ayi lakwe wakalinga kusuni kumwaangulula.

Bene Loma 5:18

Bweenka mbuli bantu boonse mbobapekwa mulandu ceebo cakubisha kwa muntu womwi, mbweeke ubo bantu boonse bakaangululwa akupekwa buumi ceebo cakwaamba ayi muntu womwi wakacita mulimo ululeme.

Bene Loma 5:8

Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

2 Bene Kolinto 5:15

Wakafwita boonse, kwaamba ayi abo boomi batekali buumi bwakulisangalasha beene, sombi wooyo wakafwa akubushikwa ceebo cabo.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

1 Timoti 2:6

uyo wakalibenga ayi alubule bantu boonse. Cilya cakaba ncitondesho paciindi ceelete ayi ncakwiila Lesa ulisuni kupulusha boonse.

Bene Ebulu 1:9

Ulisuni kucita shiluleme akupata shitaluleme. Nceceeco nebo, neLesa wako, ncendakakusalila akukunanika mafuta abonesha kusangalala kwiinda babyo bamwi boonse.”

Bene Ebulu 10:5

Paceebo ceeco, Klistu ndyaakalinga pafwaafwi kwisa mucishi ca panshi, wakaambila Lesa ayi, “Toosuni milambu ashipo shimwi shoonse sombi walengesha ayi mbe amubili.

Bene Ebulu 11:5

Ndushomo lwakalengesha ayi Enoki abule kufwa. Taaku muntu wakamubona mukwiinga Lesa wakamutola kwiculu. Malembo akwe Lesa alaamba ayi Enoki kaatana kutolwa kwiculu, wakalinga kukondelesha Lesa.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Bene Ebulu 2:7

Paciindi ciniini mwakamuceesha kwiinda baanjelo banu, sombi bulya mwamupa bulemu abwaami

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Bene Ebulu 8:3

Mupailishi munene woonse ulapekwa mulimo wakupa shipo alimwi amilambu kuli Lesa, aboobo Mupailishi wesu Munene alakwe ulyeelete kuba ashintu shakupa kuli Lesa.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

Ciyubululo 19:12

Meenso akwe akalinga anga ngumulilo utoonyaka, kumutwi wakalinga kufwete mishini iinji. Wakalinga kulembetwe liina ilyo muntu uli woonse ndyaateshi, sombibo mwiine eenka.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.