Bene Ebulu 2:4 - Baibo Busansulushi Bwa Libuku Ili

⁴ Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.

Bene Ebulu 2:4 ပူးပေါင်းရင်းမြစ်များ

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Maako 16:20

Bashikwiiya bakaya cishimika Makani Abotu koonse koonse. Alakwe Mwaami wakabapa nkusu shakucita shaankamiko, kutondesha bantu ayi maswi akwe ngancinencine.]

Maako 6:14

Mwaami Elodi wakanyumfwa mpuwo ya makani akwe Jesu ayo akanyumfwika koonse koonse. Bamwi bantu bakalinga kwaamba ayi, “Joni Mubombeki wabuka kuswa kubafu, nceceeco ncaakonshela kucita shaankamiko ishi.”

Joni 15:26

“Ono aakwisa Mucafwi, ngweshi nkamutumine kuswa kuli baTa, Mushimu wiisha shalushinisho uyo uswa kuli baTa, ngweshi akasansulule shapali ndime.

Joni 4:48

Jesu wakamwaambila ayi, “Na mwabula kubona shaankamiko ashitondesho sha nkusu sha kwiculu shimwi, tamushomiiwo tau.”

Milimo ya Batumwi 14:3

Sombi batumwi bobilo abo bakekala nshiku shiinji nkomunya uko, kabashimikila makani a Mwaami cakubula boowa. Mpeeke Mwaami Jesu wakatondesha ayi makani aamba paluse lwakwe ngobakalinga kushimikila ngalushinisho, kwiinda mukubapa nkusu shakucita shaankamiko alimwi ashitondesho sha nkusu sha kwiculu.

Milimo ya Batumwi 4:10

Ono mwebo noonse abantu ba muIsilaeli, mulyeelete kwishiba ayi uyu musankwa uliimfwi kunembo lyanu sunu, kaaensene ceebo ca nkusu shakwe Jesu Klistu wa kuNasaleti. Ngowooyo ngomwakapopa pamucilingano, sombi Lesa wakamubusha kuswa kubafu.

Milimo ya Batumwi 5:32

Tuli bakamboni ba sheeshi shintu, swebo aMushimu Usalashi uyo Lesa ngwaapa kubaabo boonse bamushoma.”

Bene Efeso 1:5

wakabambilabo limwi ayi tulaakuba bana bakwe kwiinda muli Jesu Klistu. Ici cakamukondelesha alimwi kwakalinga nkuyanda kwakwe.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

Bene Efeso 4:7

Sombi womwi awomwi mulikoto lyesu wakatambula cipo ceelete kuswa kuli Klistu kweelana akuyanda kwakwe mwiine.

Bene Ebulu 6:4

Inga tacicitikiiwo cakuboosha bantu bakasowa lushomo ayi basanduke kuswa kushibiibi shabo alimwi. Lesa wakalinga wabamunikilaawo kale, bakalinga basomawo kale cipo ciswa kwiculu, alimwi abalo bakalinga batambula Mushimu Usalashi.