Bene Ebulu 13:3 - Baibo Busansulushi Bwa Libuku Ili

³ Kamuyeeya bali muntolongo, akunoobona anga amwebo muli muntolongo ambabo. Kamuyeeya batoopenshekwa akunoobona anga amwebo mutoopenshekwa bweenka mbuli mbabo.

Bene Ebulu 13:3 ပူးပေါင်းရင်းမြစ်များ

Matalikilo 40:23

Nacibi boobo shikulama waini uyo taakwe kumwibalukaawo Josefu. Wakamulubililaakobo.

Mateyo 25:36

Ndindakalinga mubusakula, mwebo mwakamfwalika. Ndindakalinga mulwashi, mwebo mwakesa mukumbona, andindakalinga muntolongo, mwakesa mukumbona.’

Mateyo 25:43

Ndindakalinga mweensu, tamukwe kuntambula mumaanda anu, ndindakalinga mubusakula, tamukwe kumfwalika. Ndakalinga mulwashi amuntolongo, sombi tamukwe kwisa mukumbona.’

Milimo ya Batumwi 24:23

Lyalo wakaambila munene wa bashilumamba mwaanda ayi anoolindilila Paulo, sombi anoomupako ciindi cakulikalila mwiine akusuminisha babye kumupa shakalinga kuyandika kuli nguwe.

Milimo ya Batumwi 27:3

Bushiku bwakaboolaawo, twakashika kuSidoni. Lyalo Julyasi wakanyumfwila nkumbu Paulo akumusuminisha ayi aye mukubona babye, kwaamba ayi bakamupeewo shimwi shintu nshaatakalinga kucite.

Bene Loma 12:15

Amusangalale abaabo basangalete alimwi mulile abaabo batoolila.

1 Bene Kolinto 12:26

Na comwi cipansha caciswa, shoonse shipansha shimwi shilaciswa. Ncakwiila na cipansha comwi calemekwa, shipansha shimwi shoonse shilasekelela pantu pomwi.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Kolose 4:18

Nebo nePaulo, ndaleemba alyaansa lyangu nemwiine ayi, “Ndamwaansha.” Mutaluubi kwaamba ayi ndi muntolongo! Luse lwakwe Lesa lube amwebo.

Bene Ebulu 10:34

Mwakoongumana pantu pomwi abaabo bakalinga bakaili alimwi beendeleshi ndibakamunyaya shintu shanu, mwakalinga kusangaletebo mukwiinga mwakalinga kwishi ayi mulicite shintu shiindaawo kubota alimwi shitamaani.

Bene Ebulu 11:37

Bamwi bakalinga kucaikwa kwiinda mukuumwa mabwe, bamwi bakalinga kupasulwa pakati, abalo bamwi bakalinga kucaikwa amipeeni. Bamwi bakalinga kweenda kabafwete shipaya sha mbelele nabi sha mpongo, bakalinga bakandu akupenshekwa alimwi akushupikwa.

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.