Bene Ebulu 11:3 - Baibo Busansulushi Bwa Libuku Ili

³ Kwiinda mulushomo, tulishi kwaamba ayi Lesa wakalenga cishi kwiinda mumaswi. Aboobo shintu nshetubona, shakalengwa kuswa mushintu shitaboneki.

Bene Ebulu 11:3 ပူးပေါင်းရင်းမြစ်များ

Matalikilo 1:1

Kumatalikilo Lesa wakalenga liculu acishi ca panshi.

Kulumbaisha 33:6

Maculu akalengwa kwiinda muliswi lya Mwaami Lesa. Shoonse shili kuli ndilyo shakalengwa kwiindabo mukwaamba kwakwe.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Isaya 40:26

Amwiinune mitwi akulanga kwiculu. Ngani wakalenga shintu shoonse ishi shiliimo? Bana ndime alimwi ndime ŋensha nyenyeenshi anga ndikoto lya bashilumamba. Nyenyeenshi yomwi ayomwi ndiishi liina lya njiyo. Ceebo ca nkusu shangu shinene alimwi abulemu, taaku nyenyeenshi nabi yomwi yakasoweka.”

Jelemiya 10:11

Balwiite makani aya akwaamba ayi, “Balesa abo batakwe kulengako liculu acishi ca panshi, balaakunyonyoolwa. Teshi bakabonweewo tubili mucishi ca panshi coonse.”

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Joni 1:3

Lesa wakalenga shintu shoonse kwiinda muli nguwe. Naatalinga nguwe naakwiinga taaku cakalengwa nabi comwi.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Milimo ya Batumwi 17:24

Lesa uyo wakalenga cishi ashintu shoonse shiliimo, ngoMwaami weendelesha kwiculu acishi ca panshi. Aboobo taakali mumaanda akayaka bantu, sobwe.

Bene Loma 4:17

Mbweeke mbuli bwaamba Malembo akwe Lesa ayi, “Ndalengesha kwaamba ayi ube mushali wa mishobo yoonse.” Aboobo cakabota ceebo nguLesa mwiine wakashomesha. Uyu ngoLesa uyo Abulaamu ngwaakashoma, Lesa ubusha bantu kuswa kubafu alimwi ulengesha kwaamba ayi shitako shibeeko kwiinda mukusebenseshabo liswi lyakwe.

1 Bene Kolinto 2:7

Busongo mbotwaamba mbwakwe Lesa ubo bwakalinga kushisitwe. Lesa wakabubambilabo limwi kaatana kulenga cishi kwaamba ayi aswebo tukabe abulemu bwakwe Lesa.

1 Timoti 4:5

ceebo shilasalashikwa pameenso akwe Lesa kwiinda muliswi lyakwe alimwi amupailo.

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.

Bene Ebulu 6:5

Bakalinga beshiba bubotu bwa maswi akwe Lesa alimwi akwishiba nkusu sha mubweendeleshi bwa ciindi citoosa.

2 Pita 3:5

Balakaka kashanga kushoma ayi kale kale Lesa, kwiinda mumaswi akwe wakalenga liculu alimwi acishi. Wakalenga inshi kuswa mumaanshi ndyaakapansaanya inshi amaanshi.

Ciyubululo 4:11

“NoBaami baLesa, baLesa besu, mulyeelete kupekwa bulemu, mucinshi, alimwi ankusu mukwiinga ndimwe mwakalenga shintu shoonse. Ncakwiila kwiinda mukuyanda kwanu shoonse shakaba bweenka mboshibete alimwi shakaba abuumi.”