Bene Ebulu 10:5 - Baibo Busansulushi Bwa Libuku Ili

⁵ Paceebo ceeco, Klistu ndyaakalinga pafwaafwi kwisa mucishi ca panshi, wakaambila Lesa ayi, “Toosuni milambu ashipo shimwi shoonse sombi walengesha ayi mbe amubili.

Bene Ebulu 10:5 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Isaya 1:11

Mwaami Lesa waamba ayi, “Anu mutooyeeya ayi milwi milwi ya milambu njemupa nciinshi kuli ndime? Milambu yakutenta yancima, ee, milambu ya mbelele shisankwa aya mafuta a shifubwa shakeenishikwa yancima. Bulowa bwa bacende, mbelele alimwi abwa mpongo bwacileka kunsangalasha.

Isaya 40:16

Shisamu sha kuLebanoni shaceyabo kulaale kuba nkuni sha pacipaililo cakwe. Abalo banyama baliimo baceyabo kulaale kubenga milambu yakutenta kuli nguwe.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Jelemiya 31:22

Citooba ciindi cilaamfu buyani kamutonsha mwebo nobaana batashomeki? Nebo neMwaami Lesa ndaakulenga cintu cipya pacishi ca panshi, ee, cintu cipusenebo anga ngumwanakashi kutabilila musankwa.”

Jelemiya 6:20

Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Mateyo 11:3

mukwiipusha ayi, “Sa ndimwe baabo mbwaakaamba Joni ayi balaakwisa nabi tunoocilangila umwi?”

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Luka 7:19

akubatuma kuMwaami Jesu mukwiipusha ayi, “Sa ndimwe baabo mbwaakaamba Joni ayi balaakwisa nabi tunoocilangila umwi?”

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Ebulu 1:6

Sombi Lesa ndyaakalinga kutuma Mwanaakwe wakwiiya mucishi ca panshi, wakaamba ayi, “Baanjelo bakwe Lesa boonse balyeelete kunoomulambila.”

Bene Ebulu 10:10

Ceebo Jesu Klistu wakacita ceeco Lesa ncaakalinga kusuni ayi acite, twakasalashikwa kwiinda mukubenga mubili wakwe linkanda lyomwibo ndondoli kwiimikanina bantu boonse.

Bene Ebulu 10:7

Mpomunyaawo ndakaamba ayi, ‘Mpoondi nebo, kwaamba ayi ncite kuyanda kwako, OLesa, bweenka mbuli maswi mbwaamba pali ndime mulibuku lya Milawo.’ ”

Bene Ebulu 10:8

Pakutaanguna Klistu wakaambila Lesa ayi, “Toosuni nabi kukondwa mumilambu alimwi ashipo shimwi shoonse, nabi banyama bakabumbulu bakutenta pacipaililo alimwi amilambu yakukusha shibiibi.” Wakaamba boobo nakubi kwaamba ayi Milawo njeyaamba ayi shipo shoonse ishi shinoopekwa kuli Lesa.

Bene Ebulu 2:14

Ono mukwiinga baana aba mbantu bacite mibili alimwi abulowa, alakwe Jesu mwiine wakaba muntu mbuli mbabo. Wakacita boobo kwaamba ayi kwiinda mulufu lwakwe anyonyoole Mubiibi uyo ucite nkusu shakucaya.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Bene Ebulu 8:3

Mupailishi munene woonse ulapekwa mulimo wakupa shipo alimwi amilambu kuli Lesa, aboobo Mupailishi wesu Munene alakwe ulyeelete kuba ashintu shakupa kuli Lesa.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

2 Joni 1:7

Ceebo kuli babeshi baanji balibo cishi coonse ca panshi, abo batasumini ayi Jesu Klistu wakesa mubuntu. Muntu utasumini makani aya ngumubeshi alimwi ngumulwani wakwe Klistu.