Amosi 9:9 - Baibo Busansulushi Bwa Libuku Ili

⁹ “Ncakwiila ndaakupa mulasho akuseba bene Isilaeli anga mbusu musefa. Ndaakubaseba pakati ka mishobo yoonse akukushaamo baabo bateelete.

Amosi 9:9 ပူးပေါင်းရင်းမြစ်များ

Isaya 27:12

Pabushiku ubo, Mwaami Lesa ulaakubunganya bantu bakwe womwi awomwi kuswa kuMulonga wa Yufuletisi tibili akunyinsa ya Ijipiti bweenka muntu mbwaapupulusha witi ayi upansaane abuungu.

Isaya 28:28

Mulimi taanyonyooli witi kwiinda mukulupwita citaala. Uleenshaanyawo ŋoola kwaamba ayi ulupuke sombi maaki ayo taaupwayooli.

Isaya 30:28

Kuyoya kwakwe kuli anga ngumulonga wasefuka utolelela shintu shoonse. Ulaseba mishobo ya bantu musefa walunyonyooko. Mumicendwa yabo ulabikaamo tweela twakubeensheshaako kubapambusha munshila ibotu.

Jelemiya 31:36

“Kulilabo shintu isho shakalengwa kashiliiwo amushobo wa Isilaeli ulaakunooliiwo.

Jelemiya 46:28

Ndi amwebo alimwi ndaakumupulusha, Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Jelemiya 49:36

Ndaakulengesha muuwo kupuupa pacishi ca Elamu kuswa kumbasu shoonse shone. Ndaakupalanganya bantu bekalaamo kumbasu shoonse kushikila kukabule acishi nabi comwi uko bene Elamu beshi bakacice nkondo nkweshi bakabule kuya.

Esekelo 20:38

Abo boonse baashu batanyumfwili ndaakubakusha pakati kanu. Nakubi kwaamba ayi ndaakubakusha mucishi mobekala, sombi teshi bakenjileemo mucishi ca Isilaeli. Lyalo ndyeshi mukeshibe ayi ndi Mwaami Lesa.’

Esekelo 36:19

Ndakabapalanganishisha pakati ka mishobo imwi. Ndakaboombolosha kweelana abwikaalo bwabo alimwi amicito yabo.

Esekelo 39:28

Lyalo ndyeshi bakeshibe ayi nebo ndi Mwaami Lesa, Lesa wabo. Nakubi kwaamba ayi ndakabatuma mubusha pakati ka mishobo imwi, ndaakubabunganya akubaleta mucishi cabo cakutashiyaawo nabi womwi.

Esekelo 5:10

Paceebo ceeco bamashali pakati kanu balaakutalika kulya bana babo, abalo baana balaakunoolya bamashali babo. Ndaakumupa mulandu akupalanganya baabo beshi bakacaaleewo mumbasu shoonse.’

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Luka 22:31

“Simoni, Simoni, nyumfwa! Satana wasuminishikwa kumusunka bweenka mbuli mulimi mbwaapupulusha maila.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.