Amosi 9:5 - Baibo Busansulushi Bwa Libuku Ili

⁵ Mwaami Lesa, Lesa Shinkusu shoonse, na wakumya cishi, ncakwiila cilatenkaana alimwi boonse bekalaamo baloongumana. Cishi coonse cilaakuyalookabo anga ngamaanshi a muMulonga wa Nailo akuboola panshi anga ngamaanshi a mumulonga wine Ijipiti.

Amosi 9:5 ပူးပေါင်းရင်းမြစ်များ

Kulumbaisha 104:32

Na walangilisha cishi ca panshi acalo cilatenkaana. Na wakumya tulundu atwalo tulasunta.

Kulumbaisha 144:5

NoBaami baLesa, amupansaanye liculu akuseluka. Amucate patulundu kwaamba ayi tusunte.

Kulumbaisha 32:6

Paceebo ceeco bantu banu boonse balyeelete kupaila kuli ndimwe ndimucikumbula. Ncakwiila mapensho aakusefuka anga ngamaanshi mumulonga, teshi akabashikile.

Kulumbaisha 46:6

Bamumishobo imwi baliloondete abuumbi, bweene bomwi abomwi bwatenkaana. Lesa ulalulumabo, lyalo cishi ca panshi cilasunguluka.

Kulumbaisha 97:5

Tulundu tulasunguluka anga mbukato kunembo lya Mwaami Lesa, ee, kunembo lya Muleli wa cishi coonse ca panshi.

Isaya 64:1

Ncakwiila inga cabota abuumbi na mwapasula liculu akwisa panshi. Tulundu inga twatenkaana kuboowa kunembo lyanu.

Jelemiya 12:4

Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”

Osiya 4:3

Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”

Amosi 8:8

“Cishi cilaakuntenkaana ceebo ca mulandu uyu. Abalo bantu boonse bekalaamo balaakulila. Cishi coonse cilaakuyalookabo anga ngamaanshi a muMulonga wa Nailo. Ncakwiila cilaakuyalooka akuboola panshi anga ngamaanshi a mumulonga wine Ijipiti.

Naamu 1:5

Tulundu tunene tulatenkaana kunembo lyakwe atwalo tulundu tuniini tulasunguluka. Cishi ca panshi cilatenkaana kunembo lyakwe, ncakwiila cishi coonse cilatenkaana aboonse abo bekalaamo.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Abakuku 3:10

Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

Mateyo 7:27

Ono mfula ndiyakaloka, milonga yakesula kwiindilila alimwi amuuwo wakapuupila kuŋanda iyo, lyalo yakawa. Ncakwiila kuwa kwa njiyo kwakayoosha.”

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.