Amosi 9:11 - Baibo Busansulushi Bwa Libuku Ili

¹¹ Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Amosi 9:11 ပူးပေါင်းရင်းမြစ်များ

Jobo 1:10

Sa te nceebo cakwaamba ayi mulamutabilila pantu pomwi abamuŋanda yakwe alimwi ashintu shakwe shoonse? Shoonse shintu lakwe nshaacita shilaswitilila alimwi matanga a shifubwa shakwe alibo luundu loonse.

Kulumbaisha 143:5

Na ndeebaluka nshiku shangu shikulukulu, ndayeeya milimo yoonse njemwakacita. Ee, ndeebaluka shoonse nshemwakacita amaansaanu.

Kulumbaisha 80:12

Ino nceeboonshi ncemwamwaila malinga abo akulengesha buboni bwabo kubula mwiine?

Kulumbaisha 89:40

Mwapwayoola muumbu shoonse sha ndabala yakwe, alimwi mwanyonyoola malinga oonse ayi abe matongo.

Isaya 16:5

Kuswawaawo cuuna ca bwaami cilaakutulwa mulusuno. Wamulunyungu lwakwe Defedi womwi ulaakukalaawo cakushomeka. Lakwe ulaakunokoombolosha cakutanyengelela. Ncakwiila ulaakunoobilemebo kucita bululami.

Isaya 5:5

“Ono nceshi nkacite kumuunda wangu nceeci. Ndaakumwaya lushito lwa nguwo, lyalo muunda uyo ulaakunyonyoolwa. Ndaakupwaya lubumbu luutabilila, lyalo mulaakulyatoolwa abanyama bamuluundu.

Isaya 58:12

Bantu banu balaakuyakulula shoonse shikulukulu shakalinga kupwayookite. Ncakwiila kuyakulula matongo palwiimbi lweenka lukulukulu. Mulaakunokwiitwa ayi beshikuyakulula mumbu shakakulooka, mikwakwa alimwi amaanda shakanyonyoolwa.”

Isaya 63:11

Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?

Isaya 65:9

Ndaakuleta bamulunyungu lwakwe Jakobo, ndaakuleta bamumukowa wakwe Juda abo beshi bakese mukwikala mutulundu twangu. Tulundu twangu uto tulaakuba twa bantu bangu bakasalwa. Ncakwiila basebenshi bangu nkweshi bakekaale uko.

Jelemiya 18:9

Nakubi boobo na ndaambilisha ayi mushobo nabi bwaami bumwi buyakwe akwiimikwa,

Jelemiya 30:9

Sombi balaakunoosebensela ndime neMwaami Lesa, Lesa wabo awamulunyungu lwakwe Defedi uyo ngweshi nkasale kuba mwaami wabo.

Jelemiya 46:26

Ndaakubaaba mumaansa a baabo babafwima, ee, kuli Nebukadinesa mwaami wa bene Babiloni abamatanjilili ba bashilumamba bakwe. Pesule lya sheeshi, bantu balaakuboola alimwi muIjipiti akunookala bweenka mbuli kale kale. Nebo neMwaami Lesa ndaamba.”

Malilo 5:21

NoBaami baLesa amutubooshe kuli ndimwe atupilukile kuli ndimwe. Amulengeshe nshiku shesu shibe shabulemu mbuli shikulukulu.

Esekelo 17:24

Shisamu shoonse sha mucishi shilaakwishiba ayi ndi Mwaami Lesa. Ndawisha shisamu shilaamfu akulengesha shisamu shiniini kukomena. Ndayumya shisamu shisonsete akulengesha shisamu shiyumu kusonsa. Nebo neMwaami Lesa ndaamba alimwi ndaakucicita.”

Esekelo 36:11

Ndaakufusha mweelo wa bantu ashifubwa pali ndimwe. Balaakushalana alimwi akufula. Ndaakwikalika bantu pali ndiwe mbuli kalekale akukulengesha kuswitilila kwiinda pakutaanguna. Lyalo ndyeshi mukeshibe ayi nebo ndi Mwaami Lesa.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Obadiya 1:17

Mwaami Lesa waamba ayi, “Sombi pakalundu ka Siyoni, bamwi balaakupulushikwa. Kalaakuba musena usalalite. Bamulunyungu lwakwe Jakobo balaakuboola mucishi ico cakabalasha Lesa.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mika 7:11

Nobene Jelusalemu, bushiku bwakuyakulula lubumbu lwa ndabala yanu inene bulaakwisa. Ncakwiila bushiku bwakukomenesha manyinsa a cishi canu bulaakwisa.

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Mika 7:8

Nobalwani besu, mutalisumpuli pali ndiswe. Nabi twawa, tulaakubuka. Nabi tube mumunshinshe, Mwaami Lesa ulaakuba mumuni wesu.

Sekaliya 12:7

“Nebo neMwaami Lesa ndaakutaanguna kulengesha bene Juda kukoma kwaamba ayi bulemu bwa bamulunyungu lwakwe Defedi alimwi abwa bene Jelusalemu, butakasotoki bwa bene Juda.

Sekaliya 14:10

Cishi coonse kuswa kuGeba kuya mukushika kuLimoni kumalenge lya ndabala ya Jelusalemu, cilaakuba ceelene anga ncishi ca Alaba. Sombi ndabala ya Jelusalemu ilaakutolwa peculu akwikalilila peenka apo. Ndabala ilaakutalikila kuMwinjililo wakwe Benjameni kuya mukushika kumusena wa Mwinjililo Utaanshi, nkokwaamba ayi kuMwinjililo wa paLikonko alimwi kuswa kuŋanda ilaamfu ya Ananelo kuya mukushika kushilindi shakutyaninamo minyansa sha kubwalo.

Sekaliya 6:12

Kuswawaawo umulwiite ayi Mwaami Lesa Shinkusu shoonse waamba ayi, ‘Muntu uyo utokwiitwa ayi Musampi ulaakukomena kabotu pamusena apo mpwaabete akuyakulula Ŋanda ya Mwaami Lesa.

Shakubelenga 24:18

Bene Edomu balaakukomwa bene Siya, balwani bakwe, abalo balaakukomwa sombi bene Isilaeli balaakutolelela kukoma.