Amosi 8:5 - Baibo Busansulushi Bwa Libuku Ili

⁵ Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Amosi 8:5 ပူးပေါင်းရင်းမြစ်များ

2 Baami 4:23

Beebaabo bakeepusha ayi, “Ino utookweendelanshi Sunu? Sunu tabushi bushiku bwa Cibelu nabi bwa Mweenshi Upya.” Mwanakashi uyo wakakumbula ayi, “Tacicite mulandu.”

Kulonga 31:13

ayi akalwiite bene Isilaeli ayi, “Kamulama nshiku shangu shakookesha sha Shibelu, mukwiinga nkeshibilo ka myaaka yoonse pakati pali ndimwe anebo, kwaamba ayi nebo neMwaami Lesa ndamulengesha kuba bantu bangu.

Tushimpi 11:1

Mwaami Lesa ulipatite shipimo shabubeshi, sombi shipimo shalushinisho shilamukondelesha.

Tushimpi 16:11

Mwaami Lesa ulisuni ayi beshimakwebo basebenseshe shipimo shakutabeca kwaamba ayi kabatanyengeleli bamwi pakuulisha makwebo abo.

Tushimpi 20:23

Mwaami Lesa ulipatite shipimo shabubeshi, sombi shipimo shalushinisho shilamukondelesha.

Isaya 1:13

Amucileeke kuleta milambu yanu itacite ncito! Atwalo tununkila kabotu twanu tulamfundoosha kumoyo. Kusekelela kwanu kwa bushiku butaanshi bwa mweenshi, inshiku shanu shakookesha sha Cibelu alimwi akubungana kumwi koonse, nshishisuni. Shoonse shabica ceebo ca shibiibi shanu.

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Osiya 12:7

Mwaami Lesa waamba ayi, “Bene Isilaeli tabashomeki bweenka mbuli bene Kenani. Balisunishi kunyengelela bamwi mukusebensesha shakupimisha shabubeshi.

Osiya 12:8

Balaamba ayi, ‘Twabiila abuumbi. Twaba abuboni buunji abuumbi alimwi taaku weenga watwaambila ayi twabilila mukutashomeka.’

Bene Lefi 19:36

Kamusebensesha shipimo sheelete. Nebo ndime Mwaami Lesa, Lesa wanu uyo wakamukusha mucishi ca Ijipiti.

Sekaliya 5:6

Mpeeke ndakamwiipusha ayi, “Ino nciinshi?” Alakwe wakankumbula ayi, “Ngumutaanga wakupimishaako uyo utokwiimikanina shibiibi sha mucishi coonse.”

Sekaliya 5:8

Mpomunyaawo munjelo wakaamba ayi, “Mwanakashi uyu utookwimikanina shibiibi.” Lyalo wakamushindikila mumutaanga akuboosha cakufwekaawo ca muntomfwe pali nguwo.

Malaki 1:13

Kuswawaawo, mulaamba ayi, ‘Wakomena mukuli uyu!’ akulansha nshono kuumbi. Na mwaleeta banyama bakeepwa, balema nabi balwashi ayi njimilambu, sa ndyeelete kwiitambula?

Shakubelenga 10:10

Amwalo muciindi cakusangalala mbuli pakusekelela sha Mweenshi Upya alimwi apakusekelela shakupaila kwanu kumwi koonse, mulyeelete kulisha mapeenga pakunoobenga milambu yanu yakutenta alimwi amilambu ya bwanabwankashi. Lyalo ndaakumucafwa. Nebo ndime Mwaami Lesa, Lesa wanu.”

Bene Kolose 2:16

Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.

1 Samwelo 20:5

Aboobo Defedi wakaamba ayi, “Bona ciilo nkusekelela kwa Mweenshi Upya alimwi ndyeelete kulya amwaami. Ono leka nje nkayube muluundu kushikila isona macolesha.