Amosi 7:8 - Baibo Busansulushi Bwa Libuku Ili

⁸ Lyalo Mwaami Lesa wakanjipusha ayi, “Amosi, wabonanshi?” Nebo ndakakumbula ayi, “Ndabona ntambo yakuyakisha.” Mpeeke wakaamba ayi, “Ntoosebensesha ntambo iyi kubonesha bantu bangu ayi bali anga ndubumbu lusendeme. Nebo teshi nkabooshemo moyo alimwi pashakubapa mulandu.

Amosi 7:8 ပူးပေါင်းရင်းမြစ်များ

2 Baami 21:13

Ndaakupa bene Jelusalemu mulandu bweenka mbondakapa bene Samaliya aAabu mwaami wa bene Isilaeli abamulunyungu lwakwe. Ndaakusalasha ndabala ya Jelusalemu bweenka muntu mbwaapukuta mbale akwisulika.

Isaya 28:17

Ndaakulengesha ayi koombolosha cakutanyengelela kuba ntambo yakuyakisha, ee, bululami kuba ncecipimo.” Lyalo ciyubilo canu, ee, bubeshi, cilaakutolwa amfuula ya mabwe, maanshi alaakufwekelesha misena momuyubila.

Isaya 34:11

Bakapwa amakwiikwi nsheshi shikanookalaamo. Bamwiina abo pantu pomwi abacikwangala balaakunoopangamo shiinswa.

Jelemiya 15:6

Mwebo mwakankaka, ncakwiila mulicitekobo kuboola pesule. Aboobo ndaakumucata akumunyonyoola. Teshi nkamufwitewo nkumbu tubili.

Malilo 2:8

Mwaami Lesa wakashinisha kumwayoola lubumbu lwa ndabala ya Siyoni. Wakafungulula lutambo lwa kulupimishaako. Wakalupima kwaamba ayi alunyonyoole cakumaninina. Maanda alaamfu alubumbu shoonse shakanyonyokela pomwi.

Osiya 1:6

Goma wakamita alimwi akushala mwaana mwanakashi. Lyalo Mwaami Lesa wakaŋambila ayi, “Mwaana uyo mutumbe ayi Lo Luyama mukwiinga teshi nkatondeshewo bene Isilaeli tubili lusuno nabi kulekelela shibiibi shabo.

Amosi 7:7

Mbulya Mwaami Lesa mbwaakambonesha mucili anga nciloto. Muli ncico ndakamubona kaaimfwi kufwaafwi alubumbu ulo lwakayakwa mukusebensesha ntambo. Wakalinga kucite antaambo yakuyakisha mulyaansa lyakwe.

Amosi 8:2

Mwaami Lesa wakanjipusha ayi, “Amosi, wabonanshi?” Ndakakumbula ayi, “Ndabona mutaanga uswite shisepo shipite.” Mpeeke Mwaami Lesa wakandwiita ayi, “Ciindi cashikila cakwaamba ayi bantu bangu bene Isilaeli bakapekwe mulandu. Nebo teshi nkabooshemo moyo alimwi pashakubapa mulandu.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Sekaliya 4:10

Balityongwete ceebo ncito taitooya panembo. Sombi balaakubona Selubabelo kaayaka Ŋanda yangu iyi, lyalo balaakusangalala abuumbi.” Lyalo munjelo wakasansulula pacili anga nciloto ayi, “Malampi ali osanwe aobilo eemikanina meenso osanwe aobilo a Mwaami Lesa ayo abona pacishi ca panshi coonse.”

Sekaliya 4:2

Mpeeke wakanjipusha ayi, “Wabonanshi?” Lyalo ndakamukumbula ayi, “Ndabona cakubikaawo malampi cakapangwa agolodi. Peculu pali mbale ifongomene yakubikamo mafuta. Cakubikaawo malampi ici cilicite malampi osanwe aobilo, limwi alimwi lilicite tulyango tosanwe atobilo twakwiindamo ntambo.

Sekaliya 5:2

Mpomunyaawo munjelo wakanjipusha ayi, “Ino wabonanshi?” Anebo ndakamukumbula ayi, “Ndabona cakulembelaawo citokuuluka mwiculu cicite mamita ali 9 mubulaamfu alimwi mamita ali 4.5 mubufwaafwi.”