Amosi 7:3 - Baibo Busansulushi Bwa Libuku Ili

³ Kuswawaawo Mwaami Lesa wakabooshamo moyo akwaamba ayi, “Isho nshewabona teshi shikacitike.”

Amosi 7:3 ပူးပေါင်းရင်းမြစ်များ

Matalikilo 6:7

Aboobo wakaamba ayi, “Ntoonyonyoola bantu abo mbondakalenga, pantu pomwi abanyama, shilongolo shinene atuniini sheenda panshi shoonse alimwi abayuni bauluka, mukwiinga canensha nsoni kubalenga.”

1 Makani 21:15

Mpomunyaawo Mwaami Lesa wakatuma munjelo wakwe kuya mukunyonyoola Jelusalemu. Sombi wakayeeya bumbi akwaambila munjelo wakwe ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

Kulumbaisha 106:45

Mukubacafwa wakeebaluka cipangano cakwe, alimwi ceebo ca lusuno lwakwe lutamaani wakabooshaamo moyo.

Kulumbaisha 78:38

Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.

Kulumbaisha 90:13

Ino bukali bwanu butootola ciindi cilaamfu buyani? NoBaami baLesa, amube ankuumbu pabasebenshi banu!

Kulonga 32:14

Aboobo Mwaami Lesa wakapilula miyeeyo yakwe, mpeeke wakacileka kuleta makatasho pabantu bakwe ayo ngaakalinga aamba.

Jelemiya 26:19

“Sa Esekiya mwaami wa bene Juda nabi umwi uli woonse wa muJuda wakamucaya? Sa Esekiya taakwe kuloonda Mwaami Lesa akusenga ayi abamunyumfwile nkumbu? Sa Mwaami Lesa taakwe kusandula miyeeyo yakwe akutabaletela mapensho ayo ngaakaamba kubapa? Bulya tutooliletelabo mapensho ayoosha.”

Jelemiya 42:10

‘Na mukekaale mucishi cino, Ndaakumuyaka, teshi nkamumwaaye, ndaakumushanga, teshi nkamutumune, sobwe. Ndoongumana abuumbi ceebo ca mapensho ngondakamuletela.

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Amosi 7:6

Paceebo ceeco Mwaami Lesa wakabooshamo moyo waamba ayi, “Anu acalo ici teshi cicitike.”

Jona 3:10

Ono Lesa ndyaakabona ayi basanduka kunshila shabo shabubi, wakabanyumfwila nkumbu. Aboobo taakwe kubanyonyoola kweelana ambwaakalinga aamba.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.