Amosi 7:2 - Baibo Busansulushi Bwa Libuku Ili

² Muciloto cangu ndakabona cisoshi kacilya shishango shoonse pacishi ca panshi. Lyalo nebo ndakoolobesha ayi, “NoBaami baLesa Beshinkusu shoonse, amulekelele bantu banu! Ino inga bapuluka buyani? Ncakwiila mbaniini alimwi tabacite nkusu!”

Amosi 7:2 ပူးပေါင်းရင်းမြစ်များ

Kulumbaisha 12:1

Amucafwe ono nobaLesa, mukwiinga taaku wacaala munshila shabulesa, alimwi taaku wacaala ucishomeka pakati ka bantu boonse.

Kulonga 10:15

Lyalo shakakumanabo panshi poonse, mpeeke panshi pakaboolabo mbi. Shakalya ashishango shoonse shakapuluka kumfula ya mabwe, kulita kumwi ashisepo shakalinga kushisamu. Taaku matewu akacaala kushisamu ashishango mucishi coonse ca Ijipiti.

Kulonga 34:9

Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”

Isaya 37:4

Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”

Isaya 51:19

Mapensho aya esa camambili pali ndimwe. Anu ngani weenga wamuumbulushaako? Kunyonyooka kwamupolela, ncakwiila nsala ankoondo shenjila. Anu ngani weenga wamuumbulushaako?

Jelemiya 14:7

“Bantu bangu batoondilila ayi ‘NoBaami baLesa, nabi shibiibi shesu shitootushinina, amutucafweeko ceebo ca liina lyanu. Twakamufutatila mankanda aanji, ncakwiila twakamubishisha abuumbi.

Jelemiya 42:2

Bakaŋambila ayi, “Twapapaata amunyumfwe kusenga kwesu. Amutupailileeko kuMwaami Lesa, Lesa wanu swebo soonse sotwakacaalaawo. Twakalinga baanji, sombi na mwalangilisha bulya, twacaalabo baniini.

Esekelo 11:13

Ono nebo kaancilaluka, Pelatiya mwanaakwe Benaya wakawa akufwa. Lyalo ndakaliwaala panshi akushisha ciwa panshi alimwi akoolobesha ayi, “Sobwe nobaami baLesa Beshinkusu shoonse! Sa mutooyanda kucaya boonse bakacaalaawo pabene Isilaeli?”

Esekelo 9:8

Ono kabaciya bucaya, nebo ndindakacaala neenka, ndakafukama cakushisha ciwa panshi akulila ayi, “Maawe noBaami balesa Beshinkusu shoonse! Sa mutooyanda kucaya boonse bakacaalaawo pabene Isilaeli mubukali bwanu buyoosha mbomwapoomweta pandabala ya Jelusalemu?”

Danyelo 9:19

NoBaami baLesa, amutukutike. NoBaami baLesa, amutulekelele shibiibi shesu. NoBaami baLesa, amutukutike akutucafwa! Mutacelwi kwaamba ayi bantu boonse bakeshibe ayi mwebo ndimwe baLesa! Amucite boobo mukwiinga ndabala yanu ileetwa liina lyanu pantu pomwi abantu banu aba.”

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Amosi 4:9

“Kwashiindi shiinji mumyuunda yanu imwi aya minyansa ndakeeletela muuwo ulungula akuyumya shishango. Cisoshi cakalya shisamu shanu sha nkuyu asha maolifi. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 7:5

Lyalo nebo ndakoolobesha ayi, “NoBaami baLesa Beshinkusu shoonse, amucileeke! Ino bantu banu inga bapuluka buyani? Ncakwiila mbaniini alimwi tabacite nkusu!”

Sekaliya 4:10

Balityongwete ceebo ncito taitooya panembo. Sombi balaakubona Selubabelo kaayaka Ŋanda yangu iyi, lyalo balaakusangalala abuumbi.” Lyalo munjelo wakasansulula pacili anga nciloto ayi, “Malampi ali osanwe aobilo eemikanina meenso osanwe aobilo a Mwaami Lesa ayo abona pacishi ca panshi coonse.”

Ciyubululo 9:4

Nsoshi ishi shakalwiitwa ayi shitanyonyooli bwiisu, shisamu nabi cishango cili coonse, sombi kunyonyoolabo bantu abo batakalinga kucite keshibilo kakwe Lesa pankumo.