Amosi 7:17 - Baibo Busansulushi Bwa Libuku Ili

¹⁷ “Paceebo ceeco pali ndiwe Mwaami Lesa waamba ayi, ‘Mukaako ulaakuba mufuule mundabala inene. Abalo bana bako basankwa abanakashi balaakufwa kunkondo. Cishi cako cilaakutimboolwa akubaanishikwa alimwi webo ulaakufwita mucishi ca bakunsengwe. Ncakwiila bene Isilaeli boonse balaakutolwa busha kuswa mucishi cabo kuya mucishi citeshi cinebo.’ ”

Amosi 7:17 ပူးပေါင်းရင်းမြစ်များ

2 Baami 17:6

Mumwaaka wasanu ayone wa bwaami bwakwe Osheya, mwaami wa bene Asilya wakakoma ndabala ya Samaliya akutola busha bene Isilaeli kucishi ca Asilya. Bamwi wakabekalika mundabala ya Ala, bamwi kufwaafwi aMulonga wa Aboli mumusena wiitwa ayi Gosani, bamwi mumandabala anene a mucishi ca bene Medi.

Kulumbaisha 78:55

Wakatandaanya mishobo imwi kunembo lyabo. Lyalo wakapa bene Isilaeli cishi ayi ncabo, ee, mucishi cabo wakakalikaamo bene Isilaeli.

Isaya 13:16

Bana babo bakateta balaakusansoolwa mutupanshapansha beene kabeebela. Maandaabo alaakusaalwa abamakaabo balaakucatwa ayi bakumanaabo cakubakakatisha mumeenso abo.

Isaya 22:18

Ulaakukufungaila kushikila ukabebo anga nimpila akukusowela mucishi cimwi cinene. Uko kweenka nkweshi ukafwite. Acalo cikoci cabulemu bwako nkweshi cikacaale, webo omuntu olensha nsoni muŋanda ya mwaami wako.’ ”

Jelemiya 14:16

Lyalo abantu abo mbobatoolalukilaako balaakuwaalwa mumikwakwa ya muJelusalemu ceebo ca nsala ankoondo. Teshi kukabeewo shikubabika nabi shikubika bamakaabo, bana babo basankwa nabi banakashi. Ndaakubapoomweta mapensho ayo abeelete.”

Jelemiya 20:6

Ono webo Pasha alimwi abamuŋanda yako mulaakutolwa busha kuBabiloni. Uko ulaakufwa akubikwa pantu pomwi ababyo abo mbowakalalukila bubeshi.’ ”

Jelemiya 28:12

Ndipakeendabo ciindi ciniini kuswa pakatyolela Ananiya lijoko lyakalinga munshingo yangu, Mwaami Lesa wakaŋambila ayi,

Jelemiya 28:16

Aboobo Mwaami Lesa waamba ayi, ‘Ntooyanda kukushaawo pacishi ca panshi. Utoofwa mwaaka weenka uno ceebo webo waambila bantu kubukila ndime neMwaami Lesa.’ ”

Jelemiya 29:21

Mwaami Lesa Shinkusu shoonse utokwaamba makani aya pali Aabu mwanaakwe Kolaya aSedekiya mwanaakwe Maseiya abo batoomulalukila shabubeshi muliina lyangu. Waamba ayi, ‘Ndaakubaaba mumaansaakwe Nebukadinesa mwaami wa bene Babiloni uyo eshi akabacaaye kamubweneeko.’

Malilo 5:11

Bamakeesu batookumanishikwa cakubakakatisha paKalundu ka Siyoni. Abalo bamyooye mumandabala oonse a mucishi ca Juda cililo cankumo ncimwi.

Esekelo 4:13

Lyalo Mwaami Lesa wakaamba ayi, “Munshila njemunya iyo bene Isilaeli mbweshi bakalye shakulya shitasalalite kweelana amilawo pakati ka mishobo iyo njeshi nkabatandileeko.”

Osiya 9:3

Mwebo nobene Isilaeli teshi mukanoocishiite mucishi ca Mwaami Lesa. Mwebo nobene Efuleemu mulaakuboolela kucishi ca Ijipiti mubusha. Mulaakuya mukunoolya shakulya shitasalalite kweelana aMilawo kuAsilya.

Amosi 6:7

Ncakwiila mwebo mulaakuba pakati ka baabo beshi bakataangune kuya mubusha. Lyalo kusekelela akwikala pashuuna shibotu kulaakumana.

Amosi 7:11

Amosi utokwaamba ayi, ‘Jeloboamu ulaakufwa munkondo. Abalo bene Isilaeli balaakutolwa busha kuswa mucishi cinebo.’ ”

Amosi 8:1

Mbulya Mwaami Lesa Shinkusu shoonse mbwaakambonesha mucili anga nciloto. Muli ncico ndakabona mutaanga kooswite shisepo shipite.

Amosi 9:1

Ndakabona Mwaami Lesa kaaimfwi pacipaililo. Wakaamba ayi, “Amuume macinko a Ŋanda yakwe Lesa kwaamba ayi cipinda cakumwinjililo coonse citenkaane. Mwaawishile pamitwi ya bantu. Taaku nabi womwi eshi akaloboke, ee, taaku nabi womwi eshi akapuluke.

Amosi 9:8

Nebo, neMwaami Lesa Shinkusu shoonse meenso angu ali pabulelo bushishibiibi bwa bene Isilaeli. Ndaakubunyonyoola kwaamba ayi bulobe pacishi ca panshi. Sombi teshi nkanyonyoole cakumaninina bamulunyungu lwakwe Jakobo. Nebo neMwaami Lesa ndaamba.

Mika 1:16

Nobene Juda, amukulule mitwi yanu mukulila ceebo ca bana banu abo mbomusunishi. Amulikulule minkunyu akuba anga ndikubi ceebo balaakumushiya akutolwa mubusha.

Sekaliya 14:2

Lyalo Mwaami Lesa ulaakubunganya bantu ba mishobo yoonse kwaamba ayi bese balwane ndabala ya Jelusalemu. Bantu abo balaakukoma ndabala iyo akusaala maanda oonse. Banakashi balaakukumanishikwa cakukakatishikwa. Musa wa bantu ba mundabala iyo balaakutolwa busha, sombi bamwi balaakucaala mweenka umo.