Amosi 6:8 - Baibo Busansulushi Bwa Libuku Ili

⁸ Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”

Amosi 6:8 ပူးပေါင်းရင်းမြစ်များ

Matalikilo 22:16

“Mwaami Lesa waamba ayi, ‘Ndashomesha akulumbila ayi paliina lyangu ndaakukupa shoolwe shiinji abuumbi mukwiinga wacita ceeci alimwi kumamatisha mwaana eenkabo kwaamba ayi utamubengi kuli ndime.

Kulumbaisha 106:40

Aboobo Mwaami Lesa wakakalalila bantu bakwe. Ee, bantu mbwaakasala bakamufundoosha kumoyo.

Kulumbaisha 47:4

Cishi cino ncetwikalaamo ngowakatusalila. Sobamulunyungu lwakwe Jakobo, wakatupa cishi ici ncetusuni ceebo ulitusuni.

Kulumbaisha 50:12

“Niyalinga nsala yankola, naakwiinga nshisengi ndimwe cakulya mukwiinga cishi ashintu shoonse shili mumo nshaangu.

Kulumbaisha 78:59

Ono Lesa ndyaakabona shintu ishi shoonse wakakalala abuumbi. Lyalo wakakaka mushobo wa bene Isilaeli cakumaninina.

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Isaya 28:1

Mapensho kubwaami bwa bene Efuleemu balisumpula alimwi bacakolwa! Bulemu bwabo butooya cimanabo anga ngumubala wa liluba litooya bunyana. Ee, mapensho kundabala ya Samaliya ilya ili mucinyika ca mboleshi, ndabala yabooshekwa panshi ceebo ca bacakolwa.

Jelemiya 12:8

Bantu mbondakasala bambukilabo anga ninkalamu muluundu. Bambulumina, paceebo ceeco ndibapatite.

Jelemiya 22:14

Mapensho kuli wooyo waamba ayi, “Ndaakuliyakila ŋanda ya bwaami inene abuumbi, ŋanda icite shipinda sha peculu shinene shinene. Munshila iyo ulabikaamo mbwelyo shinene shinene, wayala tupulanga twa sida kulubumbu akwiibotesha ashisalala.

Jelemiya 22:5

Sombi mutanookonkela milawo iyi nebo neMwaami Lesa ndalumbila ayi ŋanda ya bwaami iyi ilaakunyonyoolwa. Nebo neMwaami Lesa ndaamba.’

Jelemiya 44:26

Ono amukutike liswi lya Mwaami Lesa, mwebo nobaJuda noonse nomuli muIjipiti. Waamba ayi, ‘Ndashomesha cakulumbila muliina lyangu linene ayi taaku nabi womwi wakaswa kuJuda ushiite kuli koonse muIjipiti weshi akasebenseshe tubili liina lyangu mukushomesha cakulumbila ayi, Bweenka mbocibete lushinisho ayi Mwaami Lesa Shinkusu shoonse ngumuumi.

Jelemiya 49:13

Ndashomesha cakulumbila muliina lyangu ayi, ‘Ndabala inene ya Bosila ilaakunyonyoolwa akuba matongo, cintu ceelete kuloondwa, kusekwa alimwi akushinganwa. Ncakwiila mandabala oonse ashingulukite alaakuba matongo kwalyoonse alyoonse.’ Nebo neMwaami Lesa ndaamba.”

Jelemiya 51:14

Nebo neMwaami Lesa Shinkusu shoonse ndashomesha cakulumbila ayi, ‘Ndushinisho ndaakuleta bashilumamba baanji anga ncisoshi kwisa mukulwana Babiloni. Bashilumamba abo balaakoolobesha ceebo cakukoma.’ ”

Malilo 2:5

Mwaami Lesa wakanyonyoola Isilaeli bweenka mbuli mulwani. Ee, wakamana kunyonyoola maanda a bwaami ashiyubilo sha mumo shoonse. Ncakwiila wakanungilako kulila akuungumana mucishi ca Juda.

Esekelo 24:21

‘Lwiita mushobo wa bene Isilaeli ayi nebo neMwaami Lesa ndaamba ayi, ntooyanda kubisha Ŋanda yangu isalalite, ee, ciyubilo ico ncemulisumpwitaawo, cisangalasha meenso anu alimwi apo pali myoyo yanu. Bana basankwa abanakashi abo mbomwakashiya balaakucaikwa kunkondo.

Osiya 11:6

Nkondo ilaakupola mumandabala abo akunyonyoola mpingilo sha minjililo ya ngawo. Ilaakunyonyoola bantu bangu ceebo balacita sheesho nshebasuni beene.

Bene Lefi 26:11

Nebo ndaakunokala pakati kanu muTente yangu ya Cipangano alimwi teshi nkamufutatileewo.

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Amosi 3:10

Mwaami Lesa waamba ayi, “Bantu abo balasusha malinga ashintu shakusaala. Tabacishi kucita shintu shiluleme, napaceyi.”

Amosi 3:11

Paceebo ceeco Mwaami Lesa Shinkusu shoonse waamba ayi, “Balwani balaakwisa mukulwana cishi canu. Balaakupwayoola malinga anu ashiyubilo shanu, akusaala shintu shoonse shiliimo.”

Amosi 4:2

Mwaami Lesa Shinkusu shoonse, utoolumbila mukusalala kwakwe ayi, “Ncakwiila ciindi cilaakushikila ndyeshi mukatolwe busha kamukobetwe ndobo. Ee, womwi awomwi ulaakunooya cikwelaanishikwa kundobo tibili akuwakweelaako.

Amosi 5:21

Mwaami Lesa waamba ayi, “Nebo ndipatite kulambila kwanu pakusekelela. Mabungano anu nshaasuni napaceyi.

Amosi 8:3

Pabushiku ubo kwiimba kulaakuba kulila muŊanda yakwe Lesa. Mituntu ilaakubabo pali poonse. Ilaakusowekwa cakutayobeka. Nebo neMwaami Lesa Shinkusu shoonse ndaamba.”

Amosi 8:7

Mwaami Lesa, Lesa wa bene Isilaeli washomesha cakulumbila ayi, “Taaku nabi comwi ncebakacita nceshi nkalubeeko.

Sekaliya 11:8

Mumweenshi omwi ndakatandaanya beembeshi botatwe ceebo ndakabacimwa abalo bakampata.

Dutolonomi 32:19

“Mwaami Lesa ndyaakabona boobo, wakabakaka, ceebo bana bakwe basankwa abanakashi bakamukalasha.