Amosi 6:5 - Baibo Busansulushi Bwa Libuku Ili

⁵ Mulisunibo kulisha nyimbo patulumbu bweenka bwakalinga kucita Defedi. Ncakwiila mulisunishi shakulishalisha akupanga nyimbo.

Amosi 6:5 ပူးပေါင်းရင်းမြစ်များ

Matalikilo 31:27

Wayeeyanshi kukweshemukabo kutanshibisha? Niwakandwiita naakwiinga washindikilwa cakusangalala, kwiimba alimwi akulishilwa misebe atulumbu.

1 Makani 15:16

Kuswawaawo Defedi wakaambila bamatanjilili bene Lefi ayi basale bamakwababo beshi banokwiimba nyimbo shakusangalala alimwi banoolisha tulumbu tunene atuniini alimwi atusenke twakulisha.

1 Makani 23:5

Bamwi bali 4,000 wakabasala ayi babe beshikulindilila minjililo abamwi bali 4,000 ayi babe beshikulumbaisha Mwaami Lesa, mukusebensesha shakulisha pakwiimba isho shakabapa mwaami ceebo ca mulimo uyu.

2 Makani 29:26

Aboobo bene Lefi bakeemikana ashakulisha isho mwaami Defedi nshaakalinga kusebensesha. Bapailishi abalo bakeemikana kweenka uko kabacite mapeenga.

Shikushimikila 2:8

Ndakalifushisha silifa agolodi kuswa mushishi shimwi nshendakalinga kulela. Ndakalinga kucite beshikwiimba basankwa abanakashi alimwi ndakalinga kucite abanakashi baanji abo bakalinga kunsangalasha.

Isaya 5:12

Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.

Esekelo 26:13

Ndaakumanisha nyimbo shako shoonse alimwi mukumo wa tulumbu twako teshi ukanyumfwikewo tubili.

Amosi 5:23

Mwanjobekela anyiimbo shanu! Teshi nkakutikeewo mukumo wa tulumbu twanu!

Amosi 8:3

Pabushiku ubo kwiimba kulaakuba kulila muŊanda yakwe Lesa. Mituntu ilaakubabo pali poonse. Ilaakusowekwa cakutayobeka. Nebo neMwaami Lesa Shinkusu shoonse ndaamba.”

1 Pita 4:3

Mukwiinga mwakaswaamo kale muciindi cakucita shintu shisuni kucita bakunsengwe. Mwakalinga kwikala buumi bwakutalilemeka, lunkumbwa, bucakolwa, kusekelela kwa bufuule, kusekelela kwakukolwa alimwi akulambila kulensha nsoni kwa shibumbwabumbwa.

Ciyubululo 18:22

Maswi a beshitulumbu abeshikwiimba, beshimitolilo alimwi a beshimapeenga teshi bakanyumfwikeewo alimwi muli ndiwe! Taaku musebenshi wa mulimo uli woonse eshi akacanike muli ndiwe alimwi. Teshi mukanyumfwikeewo akulila kwa mpelo muli ndiwe alimwi!