Amosi 6:3 - Baibo Busansulushi Bwa Libuku Ili

³ Mwebo mulakaka ayi bushiku bwa mapensho bulaakwisa. Sombi nshemucita shilalengeshabo bushiku ubo kwisa cakufwambaana.

Amosi 6:3 ပူးပေါင်းရင်းမြစ်များ

Kulumbaisha 94:20

Sa inga mwacatana aboomboloshi babiibi abo boombolosha kuteelana amilawo?

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Isaya 47:7

Webo wakalinga kuyeeya ayi unanoolibo mwaami mwanakashi kwalyoonse alyoonse. Sombi tookwe kulisukamaawo ashintu ishi shitoocitika bulya nabi kuyeeyabo mbweshi shikacitike.

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Malilo 4:5

Bantu abo bakalinga kulya shibotu, batalika kufwa nsala mumikwakwa. Bantu bakalinga kufwala shakufwala shamakwebo, sunu baloonabo mumilota kuntantaala.

Esekelo 12:22

“Webo omuntu, Ceebonshi bene Isilaeli ncebaambila kashimpi aka kakwaamba ayi, ‘Nshiku shileenda, sombi taaku cili anga nciloto cicitika cancinencine?’

Esekelo 12:27

“Webo omuntu, mushobo wa bene Isilaeli utokwaamba ayi, ‘Shili anga nshiloto nshaabona teshi shikacitike coonoono alimwi nshaalaluka nsheesho sheshi shikacitike kalekale.’

Esekelo 23:42

Lyalo kwakalinga kunyumfwika coongo ca likoto lya bantu batacite cakulisukama nabi comwi, bacakolwa, abo bakalinga kwiitwa kuswa muluyanga pantu pomwi abasankwa bamwi. Basankwa abo bakalinga kufwalika banakashi abo makosa kumaansa amishini ibotu kumitwi.

Amosi 3:10

Mwaami Lesa waamba ayi, “Bantu abo balasusha malinga ashintu shakusaala. Tabacishi kucita shintu shiluleme, napaceyi.”

Amosi 3:9

Amwaambilishe kumalinga a ndabala ya Ashidodi akumalinga akucishi ca Ijipiti ayi, “Amubungane patulundu twa Samaliya. Amubone mapensho ali muli ncico akulyatililana kuli pakati ka bantu ba ncico.”

Amosi 5:12

Mukwiinga nebo ndishi milandu yanu njemucite alimwi ndishi shibiibi shanu mboshibete kukomena. Mulalyatilila baluleme akutambula makulo akunyengelela bakandu nabi kabaluleme munkuta.

Amosi 5:18

Mapensho kuli ndimwe nomutookumbwa kubona bushiku bwa Mwaami Lesa. Ceebonshi mulakumbwa kubona bushiku ubo? Bushiku ubo bulaakuba bwa munshinshe, kuteshi bwa mumuni.

Amosi 6:12

Sa maaki alacica patulundu twa myaandami? Sa muntu inga walima aŋombe palweenge? Sombi mwebo mwasandula koombolosha kwakutanyengelela kuba shikola akusandula shabululami kuba kulula kwiine kwiine.

Amosi 9:10

Bamucita shibi boonse pabantu bangu balaakucaikwa kunkondo, ncakwiila boonse abo baamba ayi, ‘Mapensho teshi akatusene pafwaafwi nabi kutucana.’ ”

Mika 6:12

Bantu bako babile balisuni nkondo alimwi bantu bako bamwi boonse mbabeshi. Milaka yabo ilaamba shabubeshi.

Mateyo 24:48

Sombi na ngumusebenshi mubiibi ulaakuyeeya ayi, ‘Mwaami wangu wacelwa kwisa,’

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

2 Pita 3:4

Balaakwaamba ayi, “Te Klistu wakashomesha ayi ulaakwisa? Ino uli kuli? Bamashali besu bakulukulu bakafwabo kale kale, sombi shintu shoonse shicilibo bweenka mboshakalinga kumatalikilo a cishi!”

Ciyubululo 18:17

Ndushinisho muawala yomwi iyi wasowekelwa bubile bwakwe boonse!” Boonse beendelesha maato anene alimwi abantu batantaamo, basebenshi beshikubona maato alimwi abamwi boonse abo bacanina mpindu mulweenge, bakeemikanabo palaale.