Amosi 6:11 - Baibo Busansulushi Bwa Libuku Ili

¹¹ Ceebo Mwaami Lesa wakashomesha kale. Ndushinisho ulaakupwayoola ŋanda inene mutupanshapansha ayalo ŋanda iniini ulaakwiilengesha kuba matongo.

Amosi 6:11 ပူးပေါင်းရင်းမြစ်များ

2 Baami 25:9

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Kulumbaisha 105:16

Mwaami Lesa wakaleta nsala mucishi cabo akunyonyoola shakulya shabo shoonse.

Kulumbaisha 105:31

Wakaambabo aliswi lyalo baloonshi baanji bakesa, alimwi kwakaba ampobe shiinji mucishi coonse.

Kulumbaisha 105:34

Wakaambabo liswi, lyalo nsoshi shiinji shakesa, ncakwiila nsoshi shitabelengeki.

Shikushimikila 10:18

Na muntu ngumutolo, ciluli cilaakukuluka, ncakwiila na maansaakwe ngatontola, ŋanda yakwe ilaloka.

Isaya 13:3

Nebo neMwaami Lesa ndaambila bantu bangu basalalite, ndeeta bashilumamba bangu kwaamba ayi babe cisebensesho ca bukali bwangu. Ncakwiila ayi banyonyoole bantu abo mbondafutatikila moyo.

Isaya 55:11

Mbweeke ubo amaswi aswa mumulomo wangu mbwaabete ubo. Teshi akaboole kuli ndime kaatana kucita mulimo wa ngawo. Sombi alaakumanisha mulimo uyo ngoonsuni ayi acite akuswitilila mumuyeeyo ngondakaatumina.

Osiya 13:16

Cishi ca Samaliya cilyeelete kupekwa mulandu ceebo cakwaashukila ndime neLesa wabo. Bantu ba ncico balaakufwita munkondo. Bakateta balaakupwaikwa panshi banakashi beshi bakanoomitite balaakupasulwa mafumo.”

Amosi 3:15

Ndaakumwayulula ŋanda yamupewo akunyonyoola ŋanda yamainsa. Ee, ndaakunyonyoola maanda akaboteshekwa ameeca a nsofu, aalo maanda anene abotu ndaakwaanyonyoola oonse. Nebo neMwaami Lesa ndaamba.”

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Amosi 6:8

Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”

Amosi 9:1

Ndakabona Mwaami Lesa kaaimfwi pacipaililo. Wakaamba ayi, “Amuume macinko a Ŋanda yakwe Lesa kwaamba ayi cipinda cakumwinjililo coonse citenkaane. Mwaawishile pamitwi ya bantu. Taaku nabi womwi eshi akaloboke, ee, taaku nabi womwi eshi akapuluke.

Amosi 9:9

“Ncakwiila ndaakupa mulasho akuseba bene Isilaeli anga mbusu musefa. Ndaakubaseba pakati ka mishobo yoonse akukushaamo baabo bateelete.

Naamu 1:14

Mwebo nobene Asilya, Mwaami Lesa wapa mulasho pali ndimwe ayi, “Teshi mukabeewo abamulunyungu abo beshi bakanokwiitwa meena anu. Ndaakunyonyoola shikoshanyo shakubesa ashibumbwabumbwa isho shili mumaanda akulambililaamo balesa banu. Ndaakubamba cuumbwe canu mukwiinga tamweelete kunoocili boomi.”

Sekaliya 14:2

Lyalo Mwaami Lesa ulaakubunganya bantu ba mishobo yoonse kwaamba ayi bese balwane ndabala ya Jelusalemu. Bantu abo balaakukoma ndabala iyo akusaala maanda oonse. Banakashi balaakukumanishikwa cakukakatishikwa. Musa wa bantu ba mundabala iyo balaakutolwa busha, sombi bamwi balaakucaala mweenka umo.

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”

Luka 19:44

Balaakukumwayulula akunyonyoola boonse bekala muli ndiwe, alimwi teshi bakashiye libwe palibwenyina mukwiinga tookwe kwishiba ciindi Lesa ndyaakesa mukukupulusha.”