Amosi 6:1 - Baibo Busansulushi Bwa Libuku Ili

¹ Mapensho kuli ndimwe nomushiite kwakubula cakulisukama muSiyoni, alimwi amwebo nomushiite muluumuno paKalundu ka Samaliya, nobacinenenene ba mushobo unene wa bene Isilaeli, uko bantu nkobacicila mukusenga lucafwo.

Amosi 6:1 ပူးပေါင်းရင်းမြစ်များ

1 Baami 16:24

Kuswawaawo wakoola Kalundu ka Samaliya amaali asilifa ali 6,000 akaswa kumusankwa wakalinga kwiitwa ayi Shema. Omuli wakayaka ndabala akubikako lilinga liyumu akwiitumba ayi Samaliya, ili liina lyakaswa kuli Shema uyo wakalinga mwine kalundu ako.

Kulumbaisha 123:4

Twaana kucelebulwa kubantu babile, akushibulukwa kubantu balisumpula.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Jelemiya 2:3

Isilaeli wakalinga kusalalite kuMwaami Lesa. Wakalinga mbuli shisepo shitaanshi kutebulwa. Abo boonse bakamucisa ndakabapa mulandu aboobo mapensho akabashikila.’ ” Mwaami Lesa waamba.

Jelemiya 48:11

Mwaami Lesa waamba ayi, “Bene Moabu balishiite cakuliiba kuswabo kukale kale. Tabana kutolwaawo kale mubusha. Balibo anga nguwaini wabikwa ayi ukalile, kutalonshekwa kuswa munongo imwi akutilwa munongo imwi. Mise ya nguwo ilibo mushobo womwi, ee, kununkila kwa nguwo takukwe kusandulwaawo.

Jelemiya 49:31

“Amunyamuke mukalwane mushobo wa bantu uliibite. Toolisukami nabi comwi. Mushobo uyo toocite ndabala icite mwinjililo nabi mpingilo. Ulilishiitilebo kwakubula akwakucicila.

Jelemiya 5:5

Aboobo ntooya kubamatanjilili babo nkabandikaabo. Ndushinisho balo balishishi nshila sha Mwaami Lesa asheesho shiyanda Lesa wabo.” Sombi abalo boonse bakakaka bweendeleshi bwa Mwaami Lesa akukaka kucita sheesho nshaayanda.

Jelemiya 7:4

Mutanooshoma mumaswi abubeshi akwaamba ayi shoonse shilibo kabotu akunokwaamba ayi, ‘Ino niŊanda ya Mwaami Lesa, niŊanda ya Mwaami Lesa, niŊanda ya Mwaami Lesa!’

Malilo 1:1

Ndabala inene ya Jelusalemu yakalinga kuswite bantu. Ino ono ndabala iyo yacaala buyani cisuukila? Ndabala iyo yakalinga kulemekwa pakati ka mishobo. Ino ono yaba buyani anga ngumukalubinje? Ndushinisho yakalinga anga ngumwaami mwanakashi pakati ka shishi, sombi bulya yaba anga ngumusha.

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Amosi 3:9

Amwaambilishe kumalinga a ndabala ya Ashidodi akumalinga akucishi ca Ijipiti ayi, “Amubungane patulundu twa Samaliya. Amubone mapensho ali muli ncico akulyatililana kuli pakati ka bantu ba ncico.”

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Amosi 5:27

ndaakumutola mubusha mucishi cili kwiindilila ndabala ya Damasikasi. Nebo neMwaami Lesa Shikunsu shoonse ndaamba.”

Amosi 8:14

Boonse bashomesha cakulumbila kushibumbwabumbwa shine Samaliya, nabi baamba ayi, ‘Bweenka mbocibete lushinisho ayi lesa wako ondabala ya Dani ngumuumi,’ nabi ayi, ‘Bweenka mbocibete lushinisho ayi lesa wa kuBiyasheba ngumuumi,’ balaakuwa cakutabukaawo, sobwe.”

Amosi 9:10

Bamucita shibi boonse pabantu bangu balaakucaikwa kunkondo, ncakwiila boonse abo baamba ayi, ‘Mapensho teshi akatusene pafwaafwi nabi kutucana.’ ”

Mika 3:1

Nebo neMika ndakaamba ayi, “Amunyumfwe mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Mwebo mulyeelete kubika maano kukoombolosha cakutanyengelela,

Sefaniya 1:12

“Paciindi ico ndaakuyandoola muJelusalemu alilampi akupa mulandu kubaabo balibona kubota abo bali anga nguwaini wakalila panshi. Balo balayeeya ayi, ‘Mwaami Lesa taaku nceenga wacita, kucita cibotu nabi cibiibi.’

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

Jemusi 5:5

Pacishi ca panshi pano mwekala buumi bwakuliiba akulikondelesha. Mwalya mwaina kulibambila bushiku bwakucaikwa.

1 Pita 5:7

Amutole kulisukama kwanu koonse kuli nguwe ceebo ngoomulama.

Boomboloshi 18:7

Basankwa bosanwe abo bakatolelela lweendo lwabo akuya mukushika kuLaishi. Bakacana kwaamba ayi bantu bakokulya bakalinga kwikala muluumuno alimwi kabaliibite bweenka mbuli bakuSidoni. Taaku ncebakalinga kulila, bakalinga babile. Bakalinga kwikala palaamfu abene Sidoni alimwi tebakalinga kunyumfwana abantu bamwi.