Amosi 5:8 - Baibo Busansulushi Bwa Libuku Ili

⁸ Mwaami Lesa ngowakalenga nyenyeenshi shiitwa ayi Puleiyadesi alimwi aOlyoni. Ulasandula mashiku kuba malumwi alimwi ulasandula malumwi kuba mashiku. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Amosi 5:8 ပူးပေါင်းရင်းမြစ်များ

Jobo 12:22

Ulayubulula shishisitwe sha mumunshinshe ushiya mbi akubika patuba isho shakalinga kufukilitwe panshi peene.

Jobo 37:13

Lesa ulatuma mfula mukupa bantu mulandu nabi kutondesha nkumbu kuli mbabo.

Jobo 38:34

“Sa webo inga woolobesha kumakumbi akwaalengesha kulosha mfula ikonsha kukulobya?

Jobo 9:9

Lesa ngowakalenga nyenyeenshi shoonse, nkokwaamba ayi shilya shiitwa ayi Beya, Olyoni, Puleiyadesi anyenyeenshi sha kumalenge.

Kulumbaisha 104:20

Mwakalenga munshinshe kwaamba ayi ube mashiku, banyama bamuluundu ndibaswa akuya ceenda.

Kulumbaisha 105:28

Wakaleta munshinshe pali mbabo akubalubya. Nakubi boobo bene Ijipiti tabakwe kucita kweelana amaswi akwe.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 59:10

Ono twababo anga mboofu kuya caashaasha muya lubumbu, ee, anga mbantu batalashi kuya cipampanshila motweelete kwiinda. Lumwi lubala tulalisuntula anga ndimashiku. Tuli anga mbantu bali kumusena wa bafu kumunshinshe.

Jelemiya 16:21

Mpomunyaawo Mwaami Lesa wakaamba ayi, “Paceebo ceeco ntoobeeisha, ee, bulya ntooyanda kubeeisha nkusu abulemu bwangu. Ingaawo ndyeshi bakeshibe ayi Mwaami Lesa ndyeliina lyangu.”

Jelemiya 33:2

Mwaami Lesa, uyo wakalenga cishi ca panshi, uyo wakacibumba alimwi akucibika pamusena wa ncico, ee, uyo ucite liina lya Mwaami Lesa wakaamba kuli ndime ayi,

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

Amosi 8:9

Pabushiku ubo ndaakulengesha lisuba kutabala lyakuba pakati ka mutwi akulengesha kuba munshinshe kalicilibo malumwi. Nebo neMwaami Lesa Shinkusu shoonse ndaamba.

Amosi 9:6

Mwaami Lesa wakayaka ŋanda yakwe ya bwaami kwiculu akubika lwiimbi lwa njiyo pacishi ca panshi. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Mateyo 4:16

Bantu bakalinga kwikala mumunshinshe bakabona mumuni unene. Abalo abo bakalinga kwikala mucishi ca cimfule ca lufu, mumuni ulaakubamunikila.”

Luka 1:79

Ulaakumunikila baabo bashiite mumunshinshe amucimfule ca lufu, akututanjilila munshila ya luumuno.”