Amosi 5:5 - Baibo Busansulushi Bwa Libuku Ili

⁵ Mutanoolangoola ndabala ya Betelo. Mutayi kundabala ya Gilugala. Mutayi lweendo kundabala ya Biyasheba mukwiinga ndabala ya Gilugala ilaakucatwa busha ayalo ndabala ya Betelo ilaakubabo matongo.”

Amosi 5:5 ပူးပေါင်းရင်းမြစ်များ

Matalikilo 21:31

Aboobo musena uyo wakatumbwa ayi Biyasheba, ceebo mpobakapangila cipangano abo bobilo.

Matalikilo 21:33

Lyalo Abulaamu wakashanga mubanga muBiyasheba akulambila Mwaami Lesa wamuyayaya.

Matalikilo 26:23

Isaki wakanyamuka waya kuBiyasheba.

Matalikilo 26:33

Mukalo uyo wakautumba ayi, “Sheba” nkokwaamba ayi, “Kushomesha cakulumbila.” Ubo mboboobo ndabala inene ya Biyasheba mboyakapekwa liina.

1 Baami 12:28

Ndyaakamana kuyeeya pacikani ici, wakabumba bacende baana ba golodi bobilo. Lyalo wakaamba kubantu bakwe ayi, “Mwakalinga kupenga kunooya kuJelusalemu mukulambila. Nobene Isilaeli, ono mbaaba balesa bakamukusha muIjipiti!”

1 Baami 12:29

Wakabika mucende mwaana wa golodi umwi mundabala ya Betelo aumwi mundabala ya Dani.

2 Baami 23:8

Wakaleta bapailishi boonse kuJelusalemu kuswa mumandabala a bene Juda. Wakanyonyoola misena yakulambililaako ya patulundu uko bapailishi abo nkobakalinga kubengela milambu kuswa kuGeba tibili akuBiyasheba. Wakapwaya twaanda twa mishimu twakalinga kuminjililo kubikaawo amwinjililo wakayaka Joshuwa, mweendeleshi wa ndabala, iyo yakalinga kucipiko ca mwinjililo unene pakwinjila mundabala.

Jobo 8:22

Sombi ulaakulensha nsoni abo bakupatite aalo maandaabo alaakumana kumwayuluka.”

Kulumbaisha 33:10

Mwaami Lesa ulanyonyonganya miyeeyo ya bantu bakunsengwe, ee, ulalengesha bantu abo kubula kucita miyeeyo njebabamba.

Isaya 29:20

Sombi ico ciindi batacite nkumbu balaakuloba. Beshikucelebula babyaabo balaakushimingana abamucita shibi bamwi boonse balaakunyonyoolwa.

Isaya 8:10

Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.

Jelemiya 48:13

Lyalo bene Moabu balaakulisenda kuli Kemoshi lesa wabo bweenka mbuli bene Isilaeli mbobakalisenda ndibakalinga kucinkite manungo muli Betelo.

Osiya 10:8

Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”

Osiya 12:11

Nakubi boobo shibumbwabumbwa shilalambilwa muGilyadi. Abo bashilambila balaakunyonyoolwa. Ndushinisho bacende balabengwa muGilugala. Shipaililo uko shilaakuba milwi ya mabwe mweela lya myuunda.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Osiya 9:15

Mwaami Lesa waamba ayi, “Kubisha kwabo kwakatalikila kuGilugala. Uko nkondakatalikila kubapata. Ono ceebo ca shibiibi shabo, ndaakubatandaanya kuswa mucishi cangu. Teshi nkabasuneewo tubili. Bamatanjilili babo boonse bakangashukila.

Amosi 1:5

Ndaakutyoloola minjililo ya ndabala inene ya Damasikasi. Ndaakunyonyoola mwaami wa muCinyika ca Afeni, ncakwiila uyo ulela mundabala ya Beti Edeni. Bene Silya balaakuya mubusha kuKili. Nebo neMwaami Lesa ndaamba.”

Amosi 3:14

Waamba ayi, “Pabushiku ndaakupa mulandu bene Isilaeli ceebo ca shibiibi shabo, ndaakunyonyoola shipaililo sha bene Betelo. Meeca a mumakonko a cipaililo alaakutimbulwa akulokela panshi.

Amosi 4:4

Mwaami Lesa Shinkusu shoonse waamba ayi, “Ono kamuyabo kuBetelo mukubisha, muye kuGilugala akuya mukwiindaawo kubisha. Ee, kamutola milambu yanu macuunsa lyoonse akutola shalikumi shanu na nshiku shotatwe sheenda.

Amosi 7:10

Amasiya mupailishi wa kuBetelo wakalalukila Jeloboamu mwaami wa bene Isilaeli ayi, “Amosi utoopinga kumubukila pakati ka bantu boonse. Nshaatokwaamba shitoonyonyoola cishi ici coonse.

Amosi 7:13

Utakalalukili tubili kuno kuBetelo mukwiinga ngumusena umo mwaami mwaalambilila alimwi niŊanda yakwe Lesa ya cishi cino.”

Amosi 7:17

“Paceebo ceeco pali ndiwe Mwaami Lesa waamba ayi, ‘Mukaako ulaakuba mufuule mundabala inene. Abalo bana bako basankwa abanakashi balaakufwa kunkondo. Cishi cako cilaakutimboolwa akubaanishikwa alimwi webo ulaakufwita mucishi ca bakunsengwe. Ncakwiila bene Isilaeli boonse balaakutolwa busha kuswa mucishi cabo kuya mucishi citeshi cinebo.’ ”

Amosi 7:9

Misena bamulunyungu lwakwe Isaki njebakalinga kulambililaako ilaakunyonyoolwa. Misena isalalite ya bene Isilaeli, ilaakuba matongo. Ndaakulengesha bulelo bwa mwaami Jeloboamu kumana kunkondo.”

Amosi 8:14

Boonse bashomesha cakulumbila kushibumbwabumbwa shine Samaliya, nabi baamba ayi, ‘Bweenka mbocibete lushinisho ayi lesa wako ondabala ya Dani ngumuumi,’ nabi ayi, ‘Bweenka mbocibete lushinisho ayi lesa wa kuBiyasheba ngumuumi,’ balaakuwa cakutabukaawo, sobwe.”

1 Bene Kolinto 1:28

Lesa wakasala bantu bataaku mbobabete, banyanshikwa alimwi batabelengwi, kwaamba ayi abo bantu mbobabona ayi mbalemu, baboneke ayi taaku mbobabete.

1 Bene Kolinto 2:6

Sombi tulaamba shabusongo kubaabo bayumu mulushomo. Nakubi boobo teshi busongo bwa buntu nabi bwa beendeleshi ba mucishi ca panshi ubo bumana.

Dutolonomi 28:41

Mulaakushala baana basankwa abanakashi sombi teshi mukekalaabo, ceebo balaakucatwa kunkondo akutolwa mubusha.

Joshuwa 5:9

Mpeeke Mwaami Lesa wakaambila Joshuwa ayi, “Pabushiku bwasunu, ndamukusha musebaanyo wakuba basha mucishi ca Ijipiti.” Nceceeco musena uyo ncebakalinga kuwiitila ayi Gilugala. Liina ilyo asunu nkolicili.

Ciyubululo 18:17

Ndushinisho muawala yomwi iyi wasowekelwa bubile bwakwe boonse!” Boonse beendelesha maato anene alimwi abantu batantaamo, basebenshi beshikubona maato alimwi abamwi boonse abo bacanina mpindu mulweenge, bakeemikanabo palaale.

1 Samwelo 11:14

Mpomunyaawo Samwelo wakaambila bantu ayi, “Katiya soonse kuGilugala. Tuye tukaambilishe alimwi ayi Saulo ngomwaami wesu.”

1 Samwelo 7:16

Mwaaka amwaaka wakalinga kushinguluka kuBetelo, Gilugala, alimwi aMisipa. Mumisena iyi wakalinga kuya coombolosha milandu.

1 Samwelo 8:2

Munene bantu wakalinga kwiitwa ayi Jowelo, mwanike bantu kaali Abija. Bakalinga boomboloshi muBiyasheba.