Amosi 5:11 - Baibo Busansulushi Bwa Libuku Ili

¹¹ Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Amosi 5:11 ပူးပေါင်းရင်းမြစ်များ

Jobo 20:19

Ceebo wakapensha akulekelesha bakandu, akubwesa maanda ngaatakwe kuyaka.

Isaya 16:10

Kusangalala uko kwalinga kunyumfwika mumyuunda ya shisepo kwakushikwaamo. Bulya taaku utokwiimba nabi kooloma mumyuunda ya minyansa. Taaku utootyana minyansa kushilindi shakutyaninaamo, ee, mukwiinga Lesa wacalila kooloma mumyuunda ya minyansa.

Esekelo 26:12

Balaakusaala bubile bwako akutola makwebo ako. Balaakupwaya lubumbu lwako, kuwisha maanda ako abotu akusowa mabwe, mapulanga alusuko lwa shakuyakisha shimwi mulweenge.

Esekelo 34:21

Mwakalinga kuyasa shilwashi ameeca anu tibili mwashitanda mulitanga.

Osiya 9:2

Kumansa shakulupwitaawo alimwi akushilindi shakutyaninamo minyansa teshi kukaswewo shakulya shakusanina bantu. Ncakwiila mulaakubula waini upya wakunwa.

Bene Lefi 26:16

ndaakumupa mulandu. Ndaakumuletela mapensho a mbuli malwashi atashilikwi alimwi ashimpwita isho nsheshi shikamupofole akunyonyoola buumi bwanu. Mulaakushanga mbuto shanu, sombi teshi cikamucafweewo mukwiinga balwani banu balaakumukoma akulya shoonse nshemwakalima.

Amosi 2:6

Mwaami Lesa waamba ayi, “Bene Isilaeli bakalinga kubisha lyobilo lyobilo, aboobo ndushinisho ndaakubapa mulandu. Bakoolisha bantu baluleme a Silifa, akushintisha bakandu ankwabilo shobilo.

Amosi 2:7

Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

Amosi 3:15

Ndaakumwayulula ŋanda yamupewo akunyonyoola ŋanda yamainsa. Ee, ndaakunyonyoola maanda akaboteshekwa ameeca a nsofu, aalo maanda anene abotu ndaakwaanyonyoola oonse. Nebo neMwaami Lesa ndaamba.”

Amosi 3:9

Amwaambilishe kumalinga a ndabala ya Ashidodi akumalinga akucishi ca Ijipiti ayi, “Amubungane patulundu twa Samaliya. Amubone mapensho ali muli ncico akulyatililana kuli pakati ka bantu ba ncico.”

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Amosi 6:11

Ceebo Mwaami Lesa wakashomesha kale. Ndushinisho ulaakupwayoola ŋanda inene mutupanshapansha ayalo ŋanda iniini ulaakwiilengesha kuba matongo.

Amosi 6:12

Sa maaki alacica patulundu twa myaandami? Sa muntu inga walima aŋombe palweenge? Sombi mwebo mwasandula koombolosha kwakutanyengelela kuba shikola akusandula shabululami kuba kulula kwiine kwiine.

Amosi 8:4

Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Amosi 9:14

Ndaakuboosha bantu bangu bene Isilaeli abo bakatolwa busha. Balaakuyakulula mandabala oonse akanyonyoolwa akwikala muli ngawo. Balaakulima myuunda ya minyansa akunwa waini weshi ukanooswa muli njiyo. Ncakwiila balaakunoolima myuunda ya shisepo akulya shisepo sha njiyo beene.

Mika 1:6

Paceebo ceeco Mwaami Lesa wakaamba ayi, “Samaliya iyo ndaakwiisandula kuba matongo, musena wakulimaamo minyansa. Mabwe a njiyo ndaakwaasowela mucinyika. Lwiimbi lwa njiyo lulaakucaalabo patuba.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Mika 6:15

Mulaakushanga, sombi teshi mukatebule, mulaakutyana maolifi, sombi mafuta a ngawo teshi mukaasebenseshe nobeene. Mulaakutyana minyansa, sombi teshi mukanweewo waini wa njiyo.

Sefaniya 1:13

Buboni bwabo bulaakumana kusaalwa. Maandaabo alaakupwayoolwa. Ncakwiila balaakuyaka maanda sombi teshi bakekaleemo. Balaakulima minyansa, sombi teshi bakanweewo waini.”

Agayi 1:6

Mwakalima shili anga ngamaila shiinji, sombi mwakatebulamobo shiniini. Mulicite shakulya, sombi tashikwani ayi mukute. Mulicite waini, sombi nyotwa taimaani. Mulicite shakufwala, sombi teshi shiinji cakumukasaasha. Muntu uyo usebensa taafoli amaali akwana kulyaamo.

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”

Dutolonomi 28:30

“Mulaakumamikila mwanakashi, sombi umwi ulaakumweeba. Mulaakuyaka ŋanda, sombi teshi mukekaleemo. Mulaakulima muunda wa minyansa, sombi teshi mukaikankeewo amukanwa.

Jemusi 2:6

Sombi mwebo tamulemeki muntu mukandu. Sa te babile mbobamulyatilila alimwi akunoomutola kunkuta shipusenepusene?