Amosi 5:10 - Baibo Busansulushi Bwa Libuku Ili

¹⁰ Mulipatite bantu bapikisha koombolosha kwakunyengelela akusebaanya wooyo waamba shalushinisho munkuta.

Amosi 5:10 ပူးပေါင်းရင်းမြစ်များ

1 Baami 18:17

Ndyaakamubona Aabu wakaamba ayi, “Ndakucana sunu, webo noocita shifulunganya mucishi ca Isilaeli coonse!”

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Tushimpi 15:12

Shikucelebula taasuniiwo kululikwa, alimwi teepushiiwo kumusongo ayi amupandeko maano.

Isaya 29:21

Nkokwaamba ayi boonse bafuya babyaabo, bafuninina baabo beelete kupekwa milandu munkuta, balaakuloba. Ee, balaakunyonyoolwa boonse bapa bukamboni bwakubeca akulengesha baabo batacite milandu kutoomboloshekwa cabululami.

Isaya 59:15

Ncakwiila lushinisho taaku nkolucibeteewo alimwi uyo woonse weenga wafutatila bubi, ingayi waliletelela.” Mwaami wakalangilisha panshi akubona ayi taapu koombolosha kululeme.

Jelemiya 38:7

Sombi Ebedimeleki mwiine Kushi wacinenenene wa kuŋanda ya bwaami wakanyumfwa ayi ndawaalwa mumukalo. Paciindi ico mwaami wakalinga kushiite kuMwinjililo wakwe Benjameni.

Osiya 4:4

Mwaami Lesa waamba ayi, “Kutabi muntu upa mulandu mubye. Ee, kubule muntu ukalalila mubye. Nebo ntootongooka ndimwe nobapailishi.

Bene Lefi 13:10

uyo weelete kumubona. Ono na pacikanda pali cilonda calengesha booya kutuba alimwi kaciswite mashina,

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Joni 15:19

Nemwalinga kwikala mbuli bamucishi ca panshi naakwiinga kabamusuni. Ono mukwiinga mwebo tamubete bamucishi, sombi ndakamusala kuswa muli ncico, balimupatite.

Joni 3:20

Kulilabo muntu ucita shibiibi ulipatite mumuni. Teesi kumumuni kuloonda kwaamba ayi micito yakwe inga yabonekela patuba.

Joni 7:7

Mwebo bantu ba mucishi ca panshi tabamupatiteewo, sombi nebo balimpatite mukwiinga lyoonse ndabaambila ayi micito yabo njibiibi.

Bene Galatiya 4:16

Sa ono ndaba mulwani wanu mukwiinga ndamulwiita shalushinisho?

Ciyubululo 11:10

Bantu ba mucishi ca panshi balaakusangalala ceebo ca lufu lwa bakamboni bobilo aba. Balaakusekelela akupaana shipo mukwiinga balaluki bobilo aba bakaleta mapensho anene abuumbi kubantu.