Amosi 4:7 - Baibo Busansulushi Bwa Libuku Ili

⁷ Ndakamucatila amfuula kakucili myeenshi yotatwe ayi kutebula kushikile. Ndime ndakalengesha mfula kuloka mundabala yomwi, sombi kuteshi mundabala imwi. Ndakeelengesha kuloka mumuunda womwi, sombi kuteshi mumuunda umwi, aboobo mwakayumabo nta!

Amosi 4:7 ပူးပေါင်းရင်းမြစ်များ

Kulonga 10:22

Aboobo Mose wakatandabika lyaansa lyakwe mwiculu, lyalo mucishi coonse ca Ijipiti mwakaba munshinshe ulemu abuumbi kwanshiku shotatwe.

Kulonga 10:23

Bene Ijipiti tebakalinga kubonana nabi kuswa mumaanda kwanshiku shotatwe isho. Sombi balo bene Isilaeli bakalingabo mumumuni mumisena umo mobakalinga kwikala.

Kulonga 8:22

Sombi kumusena wa Gosheni, uko kwikala bantu bangu kwalo ndaakulekakobo, teshi kukabewo baloonshi. Ndaakucita boobo kwaamba ayi mukeshibe ayi nebo neMwaami Lesa ntoosebensa mucishi ici.

Kulonga 9:26

Sombi musena wa Gosheni, umo mwakalinga kwikala bene Isilaeli, ngomusena weenkabo mutakwe kuloka mfula ya mabwe.

Kulonga 9:4

Sombi ndaakupansaanya pakati ka shifubwa sha bene Isilaeli alimwi asha bene Ijipiti. Aboobo taaku cifubwa nabi comwi ca bene Isilaeli ceshi cikafwe.

Isaya 5:6

Ndaakulengesha muunda uyo kuba musena utacite mpindu mukutakwesoolaako nabi kuusakwita. Mpeeke palaakumena lukupu amyuumfwa. Ncakwiila ndaakukasha makumbi kulosheshawo mfula.”

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 14:3

Bacinenenene balatumaako basebenshi babo mukuteka maanshi, sombi mumikalo tabacaniimo maanshi, sobwe. Balaboolamobo anongo shabo shitacite maanshi. Lyalo balalifweka pameenso ceebo ca nsoni akutyongola.

Jelemiya 14:4

Bulongo bwamana kupasooka myaansha ceebo cakubula mfula mucishi. Balimi baciswa mumyoyo akulitintilila kumitwi.

Jelemiya 3:3

Paceebo ceeco mfula ya tepetepe yakacatwa, ee, imfula yakupisha shishango teekwe kulokaawo. Nakubi boobo mwebo mulibo nta mubufuule, ncakwiila cakutanyumfwaawo ansooni napaceyi.

Jowelo 2:23

Nobene Siyoni, amukondwe Amusangalalile muMwaami Lesa, Lesa wanu mukwiinga wamupa mfula ya mainsa mubululami bwakwe. Wamupa amfuula inene yakutalikila ayakumeelelesho mbuli kataanshi.

Sekaliya 14:17

Na bamumishobo imwi ikakake kuya mukulambila Mwaami, Mwaami Lesa Shinkusu shoonse, mfula teshi ikalokelewo mumyuunda yabo.

Joni 4:35

Te mulaamba ayi, ‘Kwacaala myeenshi yone kwaamba ayi tutalike kutebula.’ Sombi nebo ntoomulwiita ayi amulangishishe mumyuunda! Shakulya shapya kale shitolindilabo kutebulwa.

1 Bene Kolinto 4:7

Anu ngani wakakupa bunene pabamwi? Sa te nguLesa wakakupa shintu shoonse nshoocite? Ino ono inga walisumpula buyani pashintu shakupekwabo?

Dutolonomi 11:17

Na mukacite boobo, Mwaami Lesa ulaakumukalalila. Ulaakucata mfula, lyalo inshi ilaakuyuma cakutamena shishango. Mpeeke mulaakufwa cakufwambaana mweenka umo mucishi cibotu ncaatoomupa.

Jemusi 5:17

Amubone Elija wakalinga muntu bweenka mbuli ndiswe. Wakapaila kuswa kuunshi kwa moyo kwaamba ayi mfula italoki, ncakwiila taikwe kuloka kwamyaaka yotatwe amusa.

Ciyubululo 11:6

Bakamboni aba balicite nkusu shakushinka mwiculu, kwaamba ayi mfula italoki munshiku nshebatooshimikila makani akwe Lesa. Balicite nkusu shakusandula tuntupu twa maanshi ayi tube bulowa alimwi ankusu shakuleta mwaalu uli woonse mucishi ca panshi ciindi cili coonse ncebasuni.